18:12 / 14-11-2018
Yerevanda atışma
DTX-nın Gəncədəki əməliyyatında iki nəfər öldürülüb - Atışma
Tarix: 04-11-2018 15:54 | Bölmə: Cəmiyyət
DTX-nın Gəncədəki əməliyyatında iki nəfər öldürülüb

Radikal dini ekstremist qrupun üzvləri Ələkbərov Famil Fazil oğlu və Rzayev Rüstəm Rafael oğlunun silah-sursat və partlayıcı maddələr əldə etmələri, ölkə ərazisində terror aktı planlaşdırdıqları barədə daxil olmuş məlumat aparılan araşdırmalarla təsdiqlənib, Dövlət Təhlükəsizliyi Xidməti (DTX) tərəfindən təxirəsalınmaz tədbirlər həyata keçirilib.

Reyting.az
xəbər verir ki, 2018-ci il noyabrın 4-də Gəncə şəhərində tərkisilah olunmaları və cinayət məsuliyyətinə cəlb edilmələri üzrə keçirilən əməliyyat tədbirləri zamanı Rüstəm Rzayevin və Famil Ələkbərovun olduğu və sonuncunun idarə etdiyi avtomobil saxlanılıb. Lakin həmin şəxslər odlu silahdan atəş açaraq müqavimət göstəriblər. Məlumata görə, DTX-nin xüsusi əməliyyat qrupunun cavab tədbiri olaraq Famil Ələkbərov və Rüstəm Rzayev məhv ediliblər.

Hadisə yerindən 1 ədəd "Kalaşnikov” avtomatı, həmin silaha aid sursat, 1 ədəd "F1” əl qumbarası, Famil Ələkbərova məxsus avtomobilə baxış zamanı partlayıcı maddə olan 3 ədəd 200 qramlıq trotil şaşkası və onları işə salmaq üçün 3 ədəd elektrodetonator aşkar edilərək maddi sübut kimi götürülüb.

Faktla bağlı cinayət işi başlanılıb, əməliyyat-istintaq tədbirləri davam etdirilir.




Bölməyə aid digər xəbərlər
Dünən, 18:12 Yerevanda atışma