Qulinin Türkiyədən Azərbaycana gətirildiyi təsdiqləndi
Tarix: 04-12-2018 14:19 | Bölmə: Cəmiyyət
Qulinin Türkiyədən Azərbaycana gətirildiyi  təsdiqləndi

Türkiyə hakimiyyəti 46 yaşlı “qanuni oğru” Nadir Səlifovu (Quli) ekstradasiya edib.

Reyting.az-ın xarici mediaya istinadən verdiyi xəbərə görə, Səlifov Azərbaycan paytaxtına – Bakıya gətirilərək ev dustağı edilib.

Beləliklə, “qanunçu” azadlıqda bir ildən bir az artıq qalıb – o, 2017-ci ilin oktyabr ayında Azərbaycandakı 22 illik həbsxana həyatından sonra azadlğa buraxılıb və dərhal əvvəlcə Gürcüstana, sonra Türkiyəyə gedib. O zaman Azərbaycanın Daxili İşlər Nazirliyinin Quliyə heç bir iddiası olmayıb.

Ancaq 2018-ci ilin yayında Azərbaycan hakimiyyəti hətta formal olaraq ölkə vətəndaşı olmasa da, Qulinin geri verilməsini tələb etməyə başlayıb. Quli 1995-ci ildə əlində sovet pasportu ilə həbs edilib, onun doğulduğu yer Gürcüstanın Dmanisi rayonudur.

Qeyd edək ki, nüfuzlu “qanuni oğru”nun vereilməsini Rusiya tərəfi də tələb edir. Ötən ilin sonunda Moskvanın Presnen məhkəməsi və Samaranın rayon məhkəməsi Səlifovu insan oğurluğu ittihamı ilə qiyabi olaraq həbs ediblər.

Qulinin Türkiyədən Azərbaycana gətirildiyi  təsdiqləndi

O, adam oğurluğu və azad olunması müqabilində pul tələb dilməsinin təşkilində günahkar hesab olunur. Bu iş üzrə daha 4 nəfərin adı keçir. Onların hamısı iş adamı Kamal Quliyevin 2015-ci il dekabrın 18-də Tolyattidə oğurlanmasında təqsirkar bilinir.

Oğrular onu “Olimp” idman kompleksinin yaxınlığından götürərək qohumlarından 10 milyon avro tələb ediblər. Quliyev Qulinin əlaltılarından biri – Maksud Qurbanovun sayəsində qaçmağa nail olub.

Qurbanov sonradan əvvəl törətdiyi qətlə görə saxlanılıb. Cəzasını yüngülləşdirmək naminə istintaqla işbirliyinə gedib və Səlifovun əleyhinə ifadə verib. İstintaq hesab edir ki, “qanuni oğru” oğurluğu hələ həbsxanada ikən təşkil edib.

Etibarlı mənbə bildirir ki, Azərbaycanın hüquq-mühafizə orqanlarının Qulini Türkiyədən tələb etməsi məhz Rusiyanın xahişi ilə bağlı ola bilər. Çünki Türkiyənin siyasi səbəbdən bu xahişi yerinə yetirməsi “əlverişli” deyil. İndisə Azərbaycanın timsalında vasitəçi kimi Qulinin Rusiya güc strukturlarının ixtiyarına veriləcəyi istisna olunmur.

Reyting.az




Bölməyə aid digər xəbərlər
11-12-2018, 12:20 Sabah hava çiskinli olacaq
10-12-2018, 11:18 Lerikdə zəlzələ olub
8-12-2018, 13:04 Sabah yağış yağacaq