17:17 / 19-03-2019
Nazarbayev istefaya getdi
Kür çayında suyun səviyyəsi artır - Monitorinq
Tarix: 06-01-2019 09:35 | Bölmə: Cəmiyyət
Kür çayında suyun səviyyəsi artır

Ekologiya və Təbii Sərvətlər Nazirliyi respublikanın çaylarında və transsərhəd çaylardakı mövcud vəziyyəti açıqlayıb.

Reyting.az
-ın xəbərinə görə, nazirliyin Milli Hidrometeorologiya Departamenti bildirir ki, Böyük Qafqazın Quba-Xaçmaz bölgəsi çaylarında sululuq ongünlük normanın 100-150, Kiçik Qafqazın çaylarında 50-110, Lənkəran-Astara bölgəsi çaylarında isə 100-160 faizini təşkil edib.

Kür çayının Qıraqkəsəmən məntəqəsində suyun səviyyəsində 3 sm artım müşahidə olunub. Məntəqədə su sərfi 163 m3/s olmaqla ongünlük normanın 100 faizini təşkil edib. 2018-ci ildə isə bu rəqəm 245 m3/s olmaqla ongünlük normanın 150 faizini təşkil edib.

Qanıx çayının Əyriçay məntəqəsində suyun səviyyəsində dəyişiklik müşahidə olunmayıb. Məntəqədə su sərfi 64 m3/s olmaqla, ongünlük normanın 91 faizini təşkil edib. 2018-ci ildə isə bu göstərici 84 m3/s təşkil edərək ongünlük normanın 119 faizinə bərabər olub.

Kür çayının aşağı axınında suyun səviyyəsində əsasən artım müşahidə olunub. Belə ki, Kür çayının Surra və Şirvan məntəqələrində 2, Salyanda 8, Araz çayının Novruzlu məntəqəsində 3 sm artım qeydə alınıb, lakin Bankədə isə suyun səviyyəsində dəyişiklik müşahidə olunmayıb.

Surra məntəqəsində suyun səviyyəsi 458 sm (2018-ci il yanvarın 3-də 384 sm), Şirvanda 347 sm (2018-ci il yanvarın 3-də 249 sm), Salyanda 317 (2018-ci il yanvarın 3-də 215 sm), Bankədə 263 sm (2018-ci il yanvarın 3-də 215 sm), Araz çayının Novruzlu məntəqəsində isə 188 sm (2018-ci il yanvarın 03-də 120 sm) təşkil edib.

Reyting.azскачать dle 10.5фильмы бесплатно




Bölməyə aid digər xəbərlər
{sape_links}{sape_article}