Hesablama Palatası üzvlərinin maaşı artırıldı
Tarix: 18-04-2019 16:52 | Bölmə: Cəmiyyət
Hesablama Palatası üzvlərinin maaşı artırıldı

Hesablama Palatası üzvlərinə bir aylıq vəzifə maaşı həcmində vəzifə maaşına əlavə ödəniləcək.

Reyting.az xəbər verir ki, bu, Prezident İlham Əliyevin bu gün imzaladığı sərəncamla təsdiqlənən “Hesablama Palatası haqqında” qanunda dəyişiklik edilməsi barədə qanunda öz əksini tapıb.

Sənədə əsasən, Hesablama Palatası sədrinin aylıq vəzifə maaşı və digər təminatları Milli Məclis sədrinin birinci müavininin aylıq vəzifə maaşına və təminatlarına bərabərdir.

Hesablama Palatası sədrinin müavininin aylıq vəzifə maaşı və digər təminatları Milli Məclis sədrinin müavininin aylıq vəzifə maaşına və təminatlarına bərabər olacaq. Hesablama Palatasının auditorlarının aylıq vəzifə maaşı və digər təminatları isə Milli Məclisin komitə sədrlərinin aylıq vəzifə maaşlarına və təminatlarına bərabərdir.

Reyting.az




Bölməyə aid digər xəbərlər
{sape_links}{sape_article}