17:38 / 28-03-2024
Əməkdar artist vəfat edib
Müəllimlərin əlavə yerləşdirilməsinin nəticələri bəlli olub
Tarix: 14-09-2017 15:04 | Bölmə: Cəmiyyət
Müəllimlərin əlavə yerləşdirilməsinin nəticələri bəlli olub

Müəllimlərin işə qəbulu üzrə müsabiqənin ikinci turu başa çatıb. Bu mərhələdə 933 nəfər müəllim olmaq hüququ qazanıb. Ümumtəhsil müəssisələrində işləyən 125 nəfər müəllim bu mərhələdə iş yerini dəyişib.

Reyting.az saytı Təhsil Nazirliyinə istinadla xəbər verir ki, müsahibədən uğurla keçərək müəllim adını qazanan namizədlər sentyabrın 15-dək təyin olunduqları müəssisələrdə və ya yerli təhsili idarəetmə orqanlarında qeydiyyatdan keçməlidirlər. Namizədlərin nəticələri onların şəxsi səhifələrinə göndərilir.

Qeyd edək ki, müsabiqənin birinci mərhələsi üzrə 4454 nəfər müəllim adını qazanıb.

Ötən və cari tədris ilində keçirilmiş müsabiqənin nəticələrinə əsasən, müvafiq keçid balını toplamış şəxslər barədə məlumatlar rayon (şəhər) təhsil şöbələrinin (idarələrinin) rəsmi saytında yerləşdirilib. Ümumi təhsil müəssisələrində boş qalan vakant yerlərə müddətli müqavilə əsasında işə qəbul zamanı bal ardıcıllığı nəzərə alınmaqla həmin məlumatlardan istifadə olunması nəzərdə tutulub.




Bölməyə aid digər xəbərlər
{sape_links}{sape_article}