QSC-nin sabiq sədrinin qohumu 3 milyon 278 min manat borcunu ödəyib - Məhkəmə
Tarix: 11-12-2017 11:43 | Bölmə: Cəmiyyət
QSC-nin sabiq sədrinin qohumu 3 milyon 278 min manat borcunu ödəyib

Bakı Ağır Cinayətlər Məhkəməsində cinayət işi araşdırılan, külli miqdarda dələduzluqda təqsirləndirilən Emil Hüseynov 3 nəfər zərərçəkmiş şəxsə dəyən ziyanı ödəyib.

Zərərçəkmiş Qoşqar Zeynalova 3 milyon 145 min manat, Şahin Allahverdiyevə 82 min manat, Mərziyə Rzayevaya 51 min manat ödənilib.

Ümumilikdə 3 zərərçəkmiş şəxsə 3 milyon 278 min manat ödənildiyi bildirilir. Digər 4 nəfərə dəyən ziyan isə ödənilməyib.

İttihama görə, E.Hüseynov vətəndaş Tural Hüseynovun etibarından sui-istifadə edərək, ondan 382 min dollar, Namiq Mehdiyevdən 80 min manat, Emil Məmmədovdan 2 milyon 500 min dollar, Mərziyyə Rzayevadan isə 19 500 manat pulu dələduzluq yolu ilə ələ keçirib. Həmin şəxslərin hüquq-mühafizə orqanlarına şikayətindən sonra cinayət işi başlanıb. Cinayət işi materiallarına əsasən, E.Hüseynov Gürcüstan Respublikasından izolyasiya və digər materiallar gətirmək adı ilə həmin vətəndaşları aldadıb.

O, Cinayət Məcəlləsinin 178.3.2-ci (dələduzluq, külli miqdarda törədildikdə) maddəsi ilə ittiham olunur.

E.Hüseynov 2016-cı ilin dekabr ayında "İnrerpol" xətti ilə Qazaxıstanda həbs edilərək Azərbaycana təhvil verilib.

Barəsində həbs qətimkan tədbiri seçilən E.Hüseynov məhkəməyə müraciət edib. O, həbs qətimkan tədbirinin ev dustaqlığı ilə əvəz edilməsini istəyib. Səbail Rayon Məhkəməsində hakim Azər Tağıyevin sədrliyi ilə keçirilən prosesdə vəsatət təmin edilib, E.Hüseynovun barəsində ev dustaqlığı qətimkan tədbiri seçilib. O, məhkəmə zalından azadlığa buraxılıb.

E.Hüseynov nəqliyyat nazirinin müavini olmuş, “Azərbaycan Dövlət Dəmir yolları” QSC-nin sabiq sədri Arif Əsgərovun baldızı oğludur. Onun qardaşı Rahib Hüseynov da külli miqdarda dələduzluqda təqsirləndirilir. Onun barəsində olan cinayət işi hazırda Bakı Ağır Cinayətlər Məhkəməsində araşdırılır.(APA)




Bölməyə aid digər xəbərlər
{sape_links}{sape_article}