Dünya Səhiyyə Təşkilatı: Xərçəng 9 milyondan çox insanı öldürəcək - Xəbərdarlıq
Tarix: 14-09-2018 18:02 | Bölmə: Cəmiyyət / Slayd
Dünya Səhiyyə Təşkilatı: Xərçəng 9 milyondan çox insanı öldürəcək

Dünya Səhiyyə Təşkilatı (DST) 2018-ci ildə xərçəngdən 9,6 milyon insanın həyatını itirəcəyi və qlobal xərçəng xəstələri sırasına 18,1 milyon insanın əlavə olunacağını bəyan edib.

Reyting.az
xarici mediaya istinadən xəbər verir ki, Beynəlxalq Dünya Xərçəng Araşdırmaları Agentliyi (IARC) qlobal xərçəng yükünə dair yeni hesabatı açıqlayıb.

Hesabatda bu il dünyada xərçəng diqanozu qoyulanların sırasına 18,1 milyon yenisinin əlavə olunacağı və 9,6 milyon insanın da xərçəngdən həyatını itirəcəyi məlumatına yer verilib.

Qlobal miqyasda hər 8 kişidən biri və hər 11 qadından birinin, bu il xərçəngdən öləcəyi xəbərdarlığı edilən hesabatda, dünyada hazırda son 5 illik dövrdə xərçəng diaqnozu qoyulan təxminən 43,8 milyon nəfərin yaşadığı qeyd olunub.

Hesabatda xərçəng xəstələrinin sayının çoxalmasında ən önəmli amillər isə dünyada əhali sıxlığının artması, qocalıq və digər iqtisadi və sosial amillər göstərilib.

Dünyada xərçəng hallarının 23,4 və ölüm hallarının 20,3 faizinin Avropada, ən çox xərçəng ölümlərinin isə 60 faiz ilə Asiya qitəsində baş verdiyi bildirilir. Hesabatda, Avropa qitəsinin əhalisinin, dünya əhalisinin 9 faizini təşkil etdiyinə diqqət çəkilib.

Qlobal əhalinin 13,3 faizini təşkil edən Amerika qitəsində isə xərçəng hallarının 21 faiz, ölümlərinin isə 14,4 faiz olduğu bildirilib.

IARC hesabatında, xərçəng halları içində ağciyər xərçənginin ən ölümcül olduğu, bunu qadınlarda döş xərçəngi və kolorektal xərçənglərin izlədiyi məlumatı bölüşdürülüb.

Hesabatda həmçinin tütün istehlakının qarşısının alınmasına yönələn kampaniyaların, taraların və İnsan Papilloma Virusu (HPV) aşılaması kimi tədbirlərin xərçəng hallarının azalmasına köməkçi olacağı vurğulanıb.

IARC-in 185 ölkədən əldə etdiyi məlumatlardan hazırlanan hesabatda, hər 5 kişidən biri və hər 6 qadından birinin həyatı boyu xərçəngə yoluxacağı qeyd edilib.

Reyting.az




Bölməyə aid digər xəbərlər
11-12-2018, 12:20 Sabah hava çiskinli olacaq
10-12-2018, 11:18 Lerikdə zəlzələ olub
8-12-2018, 13:04 Sabah yağış yağacaq