Putinlə Tramp Suriyanın sərvətinə sahiblənir – Razılaşma
Tarix: 05-06-2018 12:07 | Bölmə: Dünya / Xəbər lenti
Putinlə Tramp Suriyanın sərvətinə sahiblənir

Suriyada illərdir davam edən müharibəni qızışdıran ölkələr zəngin neft yataqlarında hakimiyyəti ələ almaq məqsədilə razılığa gəliblər.

Türkiyə mətbuatı xəbər verir ki, YPG və digər terror təşkilatlarından "maşa" kimi istifadə edərək ölkənin neft sərvətlərindən istifadəni davam etdirmək üçün Rusiya Federasiyasının prezidenti Vladimir Putin ABŞ lideri Donald Trampla razılığa gəlib.

Amerika ilə Rusiya bir çox məsələlərdə qarşı-qarşıya gəlsə də, Suriya neftinin ölkədən çıxarılması üçün məcburən ortaq məxrəc tapmalı olublar.

Suriyanın ən zəngin neft ehtiyatlarının yerləşdiyi Deyr-əz-Zor bölgəsində "neft ixracı”na dair qarşılıqlı müqavilə imzalanıb. Bölgədə rus zabitləri ilə bir araya gələn YPG-li terrorçular, Amerika adına müqaviləyə imza atıblar.

Müqaviləyə əsasən Deyr-əz-Zorun şimal girişindəki əl-Hüseyniyə, ya da əl-Salihiye kəndlərində iki tərəf arasında bir dəhliz açılacaq. Dəhliz vasitəsilə neft ixracı və logistik dəstəklər təmin olunacaq.

Əsas şərt isə regionda bundan sonra münaqişələrə qətiyyən yol verilməməsidir.(Publika.az)




Bölməyə aid digər xəbərlər