Reyting.az xəbər verir ki, avqustun 20-i Beynəlxalq Evsiz Heyvanlar Günüdür. Bu tarix təqvimə Heyvan Hüquqları üzrə Beynəlxalq Cəmiyyətin təşəbbüsü ilə daxil edilib. Təşkilat 1992-ci ildə bu təkliflə çıxış edib və müxtəlif ölkələrin heyvanları qoruma təşkilatları təşəbbüsü dəstəkləyib.

Fransanın Lion şəhərində yaşayan Tivillion ailəsi küçədən hansısa heyvanı götürüb mənzilində ona sığınacaq verməyib. Lakin bu ailədə cəngəllikdən götürülüb evdə saxlanılan bir heyvan var. "Digit" adlı qorillanın sahibləri onu öz uşaqları kimi böyüdür. Çünki ailədə insan övladı yoxdur. Xanım və cənab Tivillion onu bir gün də tək saxlamayıb. 13 yaşlı "Digit"in çox "ağır" xasiyyəti var, tək qaldıqda səs-küyü aləmi götürür.