12:32 / 15-10-2018
Prezident Lənkərana gedib
08:53 / 15-10-2018
Yenidoğulmuşun şikayəti
Azərbaycan ilə Türkiyə hərbi gəmilər hazırlayacaq
Tarix: 29-09-2018 10:18 | Bölmə: Gündəm
Azərbaycan ilə Türkiyə hərbi gəmilər hazırlayacaq

Türkiyədə hərbi gəmilər hazırlayan "Dearsan" gəmiqayırma zavodu Azərbaycanın Hərbi Dəniz Qüvvələri ilə birlikdə 4 növ hərbi gəmi inşa etməyi planlaşdırır.

Reyting.az
xəbər verir ki, bu barədə Trend-ə açıqlamasında "Dearsan" gəmiqayırma zavodunun dəniz layihələri üzrə meneceri Sərvət Bilgin deyib.

S. Bilginin sözlərinə görə, bununla əlaqədar Azərbaycan hökuməti ilə danışıqlar aparılıb və 4 layihə təqdim edilib:

"Bundan başqa, məsələ Azərbaycan Hərbi Dəniz Qüvvələrinin rəhbərliyi ilə müzakirə edilib. Əgər razılıq əldə edilərsə, biz elə Azərbaycanda həmin gəmilərin birgə tikintisinə başlayacağıq. Bu prosesdə həm də azərbaycanlı mütəxəssislər çalışacaq. Azərbaycanlı mütəxəssislər bu prosesdən sonra özləri müstəqil hərbi gəmi də istehsal edə bilər".

O bildirib ki, tikiləcək gəmilərdə Xəzər dənizinin coğrafi xüsusiyyətləri və region ölkələrinin qüvvələr balansı nəzərə alınacaq:

"Biz artıq bu layihəni Azərbaycan Müdafiə Nazirliyinə də təqdim etmişik. Eyni zamanda, Bakı Gəmiqayırma Zavodu ilə əməkdaşlıq təklifi ilə çıxış etmişik. Bütün gəmilərin Azərbaycanda tikilməsi planlaşdırılır".

Menecer əlavə edib ki, təmsil etdiyi şirkət artıq 3 ildir Azərbaycanla əməkdaşlıq edir.

Qeyd edək ki, 25-27 sentyabr tarixlərində Bakıda "ADEX-2018" 3-cü Azərbaycan Beynəlxalq Müdafiə sərgisində "Dearsan" müəssisəsinin məhsulları da nümayiş olunub.




Bölməyə aid digər xəbərlər