18:12 / 14-11-2018
Yerevanda atışma
Füzulidə hər məktəb direktoru 5 hektar sahədə pambıq əkmək öhdəliyi götürüb
Tarix: 08-11-2018 19:29 | Bölmə: İqtisadiyyat
Füzulidə hər məktəb direktoru 5 hektar sahədə pambıq əkmək öhdəliyi götürüb

Sabirabadda büdcə təşkilatlarının rəhbərləri fermerlərdən baha qiymətə pambıq alır

Pambıq yığımı artıq sona yaxınlaşır. Pambıqçılıq rayonlarından gələn xəbərlər vəziyyətin heç də ürəkaçan olmadığından xəbər verir. Zorla pambıq əkdirilən icra nümayəndələri, bələdiyyələr və büdcə təşkilatlarının nümayəndələri boyunlarına qoyulan planı ödəmək üçün hər cür yolllara əl atırlar.

Reyting.az bildirir ki, bunu Demokratiya və Rifah Hərəkatının rəhbəri, tanınmış iqtisadçı Qubad İbadoğlu özünün Facebook səhifəsində yazıb.

O yazır ki, Sabirabad rayonundan gələn xəbərlərə görə, pambıq əkməyə məcbur edilmiş büdcə təşkilatlarının (səhiyyə, təhsil, mədəniyyət və sair) rəhbərlərindən bəziləri fermerlərdən baha qiymətə pambıq almağa başlayıblar: “Səbəb onların icra hakmiyyəti orqanlarının tələbi ilə məcburən pambıq əkdirdikləri tarlalarda məhsuldaqlığın aşağı olmasıdır. Pambıq əkilməsi və becərilməsi ilə bağlı heç bir bilik və bacarığa malik olmayan rəhbər işçilərə plan qoyulduğundan onlar pambığı daha baha qiymətə (birinci növ pambığn alış qiyməti olan 65 qəpik üstəgəl 10 qəpik subsidiyadan, yəni 75 qəpikdəın daha yüksək qiymətə) alıb qəbul məntəqələrinə təhvil verməyə məcburdurlar. Əks halda, onları ən yaxşı halda işdən azad olunma, ən pis halda isə rəhbərlik etdikləri idarənin yoxlanılması gözləyir”.

Füzulidə hər məktəb direktoru 5 hektar sahədə pambıq əkmək öhdəliyi götürüb

Qubad İbadoğlu yazır ki, bütün riskləri gözə alan rəhbərlər yeganə çıxış yolunu fermerlərdən pambıq alıb qəbul məntəqələrinə təhvil verməkdə görürlər: “Fermerlər də bu məsələyə isti yanaşırlar, çünki daha çox qazanc əldə edirlər.

Pambıq yığımı dövründə ən çox rast gəlinən əmək hüquqlarının pozulması halı büdcə təşkilatlarının nümayəndələrinin növbəli şəkildə yığıma cəb olunmasıdır. Hacıqabuldan, Saatlıdan, İmişlidən, Sabirabaddan, Beyləqandan verilən xəbərlərdə xüsusi mərkəzləşdirilmiş kitabxana işçilərinin, bağça tərbiyəçilərinin, təhsil və səhiyyə müəssisələrinin texniki işçilərinin məcburən pambıq yığmağa aparılması artıq adi hal alıb. Əhali pambıq yığmağa heç bir şəraiti olmayan yük maşınlarında aparılır”.

Füzulidə hər məktəb direktoru 5 hektar sahədə pambıq əkmək öhdəliyi götürüb

Onun iddiasına görə, Beyləqanda əhali pambıq yığmaqdan imtina edib: “Səbəb yığılan pambığn hər kiloqramına 13, ən yaxşı halda 15 qəpik ödənilməsidir. Əhali şəkər çuğunduru yığmağa üstünlük verir. Şəkər çiuğunduru yığanlar xüsusi texnikanın qazıb, torpağın üzərinə çıxardığı çuğundurları yerdən toplayıb traktorun qoşqusuna atırlar və gündə 10 manat qazanırlar. Aztəmantlı əhali bu işin pambıq yığmaqdan daha sərfəli olduğunu düşünərək çuğundur toplamağa gedir”.

Qubad İbadoğlu yazır ki, Füzuli rayonunda ipəkçiliyə (barama istehsalı) üstünlük verilsə də, rayon İcra Hakimiyyəti pambıqla bağlı yerli icra nümayəndələrinə, fermerlərə və büdcə təşkilatlarının rəhbərlərinə plan qoyub: “Bu il Haramı düzündə və köhnə Fin şəhərciyinin ərazisində belə pambıq əkdirən icra strukturları növbəti ildən ipəkçiliyin xeyrinə müəyyən yumşalmaya gedib. Məsələn, Bala Bəhmənli kəndinə ötən illə müqayisədə təxminən 3 dəfə daha az plan qoyulub: 100 hektar Əhmədbəyli kəndinə isə 200 hektar sahədə pambıq əkmək tapşırılıb. Kənd üzrə icra nümayəndəsi qoyulan planı fermerlər, məktəb direktoru və bələdiyyə arasında bölüşdürüb.

Füzuli rayonunda müəllimlər öz pay torpaqlarında pambıq əkilməyə məcbur edilmir, əvəzində hər məktəb direktoru 5 hektar sahədə pambıq əkmək öhdəliyi götürüb”.

Reyting.az




Bölməyə aid digər xəbərlər