Dollardan imtina təklif olunur
Tarix: 02-09-2018 14:58 | Bölmə: İqtisadiyyat
Dollardan imtina təklif olunur

Türkiyə prezidenti Rəcəb Tayyib Ərdoğan ABŞ-ın milli valyutası dollardan imtinanı təklif edib.

Türkiyə mətbuatı xəbər verir ki, Qırğızıstanda rəsmi səfərdə olan Ərdoğan ölkələr arasında milli valyutalardan istifadəni məsləhət görüb:

“Biz aramızda yerli və milli pullardan istifadə edərək, artıq dolların hökmranlığına tədricən son qoymalıyıq”, – deyə Ərdoğan bildirib.

Türkiyə prezidenti bunu paytaxt Bişkekdə Türkiyə-Qırğızıstan işgüzar forumunda çıxışı zamanı bəyan edib.

Türkiyə prezidenti iki ölkə arasındakı ticarət əlaqələrinə də diqqət çəkərək, bu əlaqələrin istənilən səviyyədə olmadığını bildirib.

Qeyd edək ki, Türkiyə milli valyutası son sanksiyalardan sonra dollara nisbətdə dəyərini itirib. Hazırda bir dollar 6,5 lirəyə dəyişdirilir.

Reyting.az




Bölməyə aid digər xəbərlər