12:20 / 11-12-2018
Sabah hava çiskinli olacaq
Nazir: “...10130 uşaq xüsusi təhsilə cəlb edilib"
Tarix: 12-11-2018 11:07 | Bölmə: Xəbər lenti
Nazir: “...10130 uşaq xüsusi təhsilə cəlb edilib"

"2017-2018-ci tədris ilində sağlamlıq imkanları məhdud 10130 uşaq xüsusi təhsilə cəlb edilib".

Bunu təhsil naziri Ceyhun Bayramov “Sağlamlıq imkanları məhdud uşaqlar üçün keyfiyyətli inklüziv təhsilin genişləndirilməsi” layihəsinin təqdimatı zamanı deyib.

Nazir bildirib ki, “2018-2024-cü illərdə Azərbaycan Respublikasında sağlamlıq imkanları məhdud şəxslər üçün inklüziv təhsilin inkişafı üzrə Dövlət Proqramı” üzrə işlərə başlanılıb.

Təhsil Nazirliyinin sağlamlıq imkanları məhdud uşaqların ümumi təhsil müəssisələrində digər uşaqlarla birgə təhsilə cəlb olunması məqsədi ilə həyata keçirdiyi tədbirlərdən danışan C.Bayramov qeyd edib ki, Avropa İttifaqının maliyyə dəstəyi ilə hazırda inklüziv təhsillə bağlı YUNİSEF və Heydər Əliyev Fondunun “Regional İnkişaf” İctimai Birliyi tərəfindən iki layihə icra olunur.

O əlavə edib ki, layihə çərçivəsində pedaqoji universitetlərin, ümumi təhsil müəssisələrinin pedaqoji heyətinin inklüziv təhsil sahəsində bacarıqlarının artırılması məqsədilə təlimlərin təşkili, Bakıda və ölkəmizin digər bölgələrində məktəblərin daxilində 9 resurs mərkəzinin yaradılması, sağlamlıq imkanları məhdud uşaqların hüquqlarına dair məlumatlılığı artırmaq məqsədilə ictimai davranış və sosial dəyişiklik kampaniyalarının keçirilməsi nəzərdə tutulub.

Qeyd edək ki, layihə üzrə 10 000 nəfərdən çox müəllim və məktəb direktoru inklüziv təhsil üzrə ixtisasartırma proqramlarından faydalanacaq. Layihə 2020-ci ilədək ümumtəhsil məktəblərində 5000 nəfərədək sağlamlıq imkanları məhdud uşağın təhsil almasına imkan yaradacaq.(Report)




Bölməyə aid digər xəbərlər