12:20 / 11-12-2018
Sabah hava çiskinli olacaq
Sabiq nazirin oğlu ittihamlara cavab verib - Foto
Tarix: 12-11-2018 20:37 | Bölmə: Xəbər lenti
Sabiq nazirin oğlu ittihamlara cavab verib

Avropada yaşayan jurnalist Cavanşir Həsənli keçmiş rabitə və informasiya texnologiyaları naziri Əli Abbasovun oğlu Eldar Abbasovun Londonda qiymətli əmlakının olduğu və onun yeni şirkət təsis etdiyi barədə məlumat yayıb.

Belə ki, o, Birləşmiş Krallıq, London, City Road 160, Kemp House ünvanındakı əmlakın Eldar Abbasova aid olduğunu iddia edib. Keçmiş nazirin oğlu, eyni zamanda bu yaxınlarda vəzifəsindən azad edilmiş Etibar Pirverdiyevin kürəkəni olan 32 yaşlı Eldar Abbasovun yeni açdığı şirkətin də bu ünvanda yerləşdiyini bildirib.

Sabiq nazirin oğlu ittihamlara cavab verib

Jurnalist yazır ki, Eldar Abbasov atasının Azərbaycan rabitəsindən "kəsdiklərini” Britaniyada eyni sahəyə yatırım edib:

"Onun təsis etdiyi BİTTOP LİMİTED şirkəti bu ilin aprelin 28-də Londonda qeydiyyatdan keçib və 11334512 saylı şəhadətnamə alıb. BİTTOP LİMİTED məlumatın işlənilməsi (data prosessing), hosting və s. müvafiq fəaliyyətlərlə məşğuldur.

Bu, Eldar Abbasovun Londonda açdığı ilk şirkət deyil. Bundan əvvəl, yəni ötən ilin noyabrın 16-da maliyyə vasitəçiliyi ilə məşğul olan JDE CAPITAL LTD-ni təsis etsə də, ötən ayın 2-də onun fəaliyyətini dayandırıb”.

Reyting.az Unikal.org-a istinadla xəbər verir ki, sabiq nazirin oğlu Eldar Abbasov yayılan məlumata sosial şəbəkə vasitəsilə cavab verib.

Bildirib ki, haqqında yazılan xəbər həqiqətə uyğun deyil:

"Yazını oxudum. İctimaiyyətə yalan və həqiqətə uyğun olmayan məlumatlar verirsiniz. Bina şəkli qoyub, iddia edirsiniz ki, bu, mənə məxsusdur. Bu araşdırmacı jurnalistin ümumi korporatov savadsızlığıdır ki, şirkətin qeydiyyat ünvanının hökmən direktorun mülkiyyəti olduğunu düşünür.

Bu ünvan £29 qarşılığında istifadə oluna bilən, qeydiyyat ünvanıdır. Buyurun baxın: https://www.yourcompanyformations.co.uk/address/registered-office/

Sualınız varsa və düzgün xəbər bölüşmək niyyətiniz olsa, buyurun əlaqə saxlayın”.




Bölməyə aid digər xəbərlər