Dopinqə görə beş idmançımıza cəza verilib - Siyahı
Tarix: 01-12-2018 01:07 | Bölmə: Xəbərlər
Dopinqə görə beş idmançımıza cəza verilib

Azərbaycanın daha 5 idmançısı cəzalandırılıb. Buna səbəb həmin idmaçıların dopinq-testdən keçə bilməmələridir.

Azərbaycan Milli Antidopinq Agentliyinin (AMADA) məlumatına görə, bunlar güləşçilər Azər Hüseynov və Cavid Feyziyev, boksçu Nəbi Əbdüləzimov, atlet Zaman Pirverdiyev və velosipedçi Osman Qəhrəmanovdur.

Bütün idmançılardan alınmış nümunədə qadağan edilmiş maddə və ya onun Metabolit, yaxud Markerlərinin mövcudluğu təsbit edilib.

Əbdüləzimovun orqanizmindən furosemid maddəsi tapılıb. O, 18 ay müddətinə diskvalifikasiya olunub. Cəza bu il yanvarın 18-dən qüvvəyə minib və 30 iyul 2019-cu ildə bitəcək.

Qəhrəmanovdan meldonium və tuaminoheptan üzə çıxıb və o, 12 iyul 2017-ci ildən etibarən 24 aylıq - 12 iyul 2019-cu ilədək cəzalandırılıb.

Orqanizmindən meldonium aşkarlanan Piriverdiyev bu il martın 6-dan 42 aylıq - 6 sentyabr 2021-ci ilədək diskvalifikasiyaya məruz qalıb.

Hüseynov metasteron və drostanolon, Feyziyev stanozolol qəbul edib. Hər iki güləşçi bu il yanvarın 18-dən 2022-ci il yanvarın 18-dək 48 aylıq cəzalandırılıb.

Qeyd edək ki, AMADA fəaliyyətə başladığı iki il ərzində dopinq-testdən keçə bilməyən 36 idmançını cəzalandırıb.

Reyting.az





Bölməyə aid digər xəbərlər
27-03-2024, 09:47 Macarlar Orbana etiraz edir

{sape_links}{sape_article}