17:38 / 28-03-2024
Əməkdar artist vəfat edib
FHN əhaliyə müraciət ünvanlayıb - Xəbərdarlıq
Tarix: 04-01-2019 23:32 | Bölmə: Xəbərlər
FHN əhaliyə müraciət ünvanlayıb

Fövqəladə Hallar Nazirliyi (FHN) dəm qazı təhlükəsi ilə bağlı əhaliyə müraciət edib.

FHN-in rəsmi saytında yayılan müraciətdə bildirilir ki, qış mövsümü ilə əlaqədar əhalinin təbii qaza olan tələbatının artması fonunda qaz cihazlarından istifadə zamanı təhlükəsizlik qaydalarının pozulması təhlükə yaradır.

«Ölümlə nəticələnə bilən bu təhlükə ilə üzləşməmək üçün aşağıda göstərilən qaydalara əməl edilməlidir», – nazirlik bildirir.

Müraciətdə yazılır ki, ilk növbədə qaz cihazı saz və standartlara uyğun quraşdırılmalıdır. Cihaz olan məkanın hündürlüyü 2 metr 20 santimetrdən az olmamalıdır. Üstəlik, havaçəkən sistem işləməli, nəfəslik açıq olmalı, hamam otağında ventilyasiya borusu, qapının aşağısında dəliklər açılmalıdır.

«Tüstü bacaları ildə iki dəfə təmizlənməlidir», – deyə FHN qeyd edir.

Nazirlik bildirir ki, dəm qazından zəhərlənmiş insanı təmiz havaya çıxarılmalı, nəfəsalmasını çətinləşdirən geyimlərdən azad olunmalı, təcili tibbi yardım çağırılmalıdır.

Xatırladaq ki, Kliniki Tibbi Mərkəzin toksikologiya şöbəsindən hələ ötən (2018) ilin sonlarında bildirmişdilər ki, payız mövsümündə 46 nəfər dəm qazından zəhərlənib.

Azərbaycanda hər qış fəslində dəm qazı zəhərlənməsi narahatlıq doğurur. Bəzi ekspertlər əhaliyə verilən qazın tərkibində problemlər olduğunu düşünürlər. Hərçənd, rəsmilər bunu qəbul etmirlər. Onlar dəm qazı zəhərlənməsini, əsasən, bacaların təmizlənməməsi və başqa təhlükəsizlik tədbirlərinin görülməməsi ilə izah edirlər.

Reyting.az




Bölməyə aid digər xəbərlər
27-03-2024, 09:47 Macarlar Orbana etiraz edir

{sape_links}{sape_article}