Bloqqer Mehman Hüseynov KİV nümayəndələrinə müraciət etdi
Tarix: 11-01-2019 16:57 | Bölmə: Xəbər lenti
Bloqqer Mehman Hüseynov KİV nümayəndələrinə müraciət etdi

Həbsdə olan bloqqer Mehman Hüseynov kütləvi informasiya vasitələrinin nümayəndələrinə müraciət edib.

Reyting.az yanvarın 10-da Mehman Hüseynovun özünün yazdığı və imzaladığı müraciətin fotosunu və mətnini təqdim edir.

Müraciətdə deyilir: “Artıq 22 aydır ki, həbsdə cəza çəkirəm. Cəza çəkdiyim müddətdə çalışmışam ki, hərəkətlərim və davranışlarımla heç kəsin xətrinə dəyəcək bir şeylər etməyim. İndiki müraciətimin də kimlərinsə əhvalını pozmasını istəməzdim.

Bu yaxınlarda yaxınlarımdan mənə daxil olan məlumata görə, gecə saatlarında sosial şəbəkə istifadəçilərindən bir nəfər mənim vəziyyətimin kritik hala düşdüyünü və Müalicə Müəssisəsinə təcili aparılmağımla bağlı həqiqətə uyğun olmayan status paylaşmışdı. Bu məlumat mənim atamın və yaxınlarımın ciddi narahatlığına səbəb olmuşdur. Hesab edirəm ki, hər kəs həm etdiyi hərəkət, həm yazdığı yazının məsuliyyətini özü daşımalıdır. Lakin insanların hissiyyatı hər zaman nəzərə alınmalıdır. Bir məsələni də qeyd etmək istərdim ki, mən də nə doğma qardaşım Emin, nə məni istəyən və yaxud istəməyən insanların elədiklərinə görə məsuliyyət daşımıram. Məni istəyənlərin nəzərinə çatdırmaq istəyirəm ki, ayaqdayam, qida qəbul edirəm, aclıq aksiyasından sonra bərpa olunuram. Barəmdə aparılan cinayət işinin ədalətli olacağını gözləyirəm. Əvvəlcədən sizə mənim müraciətimi yaydığınıza görə, öz minnətdarlığımı bildirirəm”.

Reyting.az




Bölməyə aid digər xəbərlər