Tarix: 15-03-2017 13:08 | Bölmə: Xəbərlər
Bu gün Xırdalan şəhərində dəhşətli hadisə baş verib.
Abşeron Rayon Polis Şöbəsindən bildirilib ki, Xırdalan şəhərində kirayə yaşayan 5 qız dəm qazından zəhərlənərək ölüb. Onların hamısı tələbədir.
Abşeron rayonunun polis rəisi və prokuror da daxil olmaqla hüquq-mühafizə orqanlarının əməkdaşları hadisə yerindədir.
Reyting.az APA-ya istinadən xəbər verir ki, onlar Balakən rayon sakinləri - 1974-cü il təvəllüdlü Nübar Fazil qızı Musayeva, 1999-cu il təvəllüdlü Mələk Mübariz qızı Abbasova, 2000-ci il təvəllüdlü Turanə Vahid qızı Xanlayeva, 1999-cu il təvəllüdlü Lamiyə Vahid qızı Xanlayeva və 1993-cü il təvəllüdlü Aytən Elçin qızı Musayevadır.
Mələk Abbasova və Turanə Xanlayevanın Bakı Dövlət İqtisadiyyat və Hümanitar Kollecinin ikinci kurs tələbəsi olduqları bildirilir.
Bundan başqa, Turanə və Lamiyə Xanlayevalar bacıdırlar.
Faktla bağlı araşdırmalar davam etdirilir.
Bölməyə aid digər xəbərlər