İlham Əliyev toplantı iştirakçılarına müraciət edib
Tarix: 17-03-2017 09:58 | Bölmə: Xəbərlər


Azərbaycan prezidenti İlham Əliyev bu gün Bakıda keçirilən Ümumdünya Su Şurası İdarə Heyətinin 61-ci toplantısının iştirakçılarına müraciət edib.

Müraciəti Azərbaycan prezidentinin İqtisadi məsələlər üzrə köməkçisi, Prezident Administrasiyası rəhbərinin müavini Əli Əsədov oxuyub.

Prezident müraciətində Bakıda keçirilən Ümumdünya Su Şurası İdarə Heyətinin 61-ci toplantısının açılışı münasibəti ilə hər kəsi salamlayır, tədbirin işində uğurlar arzulayır:

"İdarə Heyətinin növbəti toplantısını, eləcə də 8-ci Dünya Su Forumunun beynəlxalq aparıcı komitəsinin dördüncü iclasının regionda ilk dəfə Bakı şəhərində təşkili təqdirəlayiq hadisə olub, beynəlxalq aləmdə Azərbaycana göstərilən yüksək etimadın nümunəsidir. Hazırda dünyada qlobal su çatışmazlığı problemlərinin kəskinləşdirilməsi, su resurslarından səmərəli istifadə və su ehtiyatlarının inteqarsiyalı idarə olunması, transsərhəd su resurslarının istifadəsi və qorunmasında birgə əməkdaşlığı zəruri edir. Ölkənin bu sahədə qanunvericiliyinin beynəlxalq standartlara uyğunlaşdırılması və beynəlxalq təşkilatlar çərçivəsində əməkdaşlığın genişləndirilməsi istiqamətində mühüm addımlar atılıb. Azərbaycanda əhalinin keyfiyyətli içməli su ilə davamlı təmin edilməsi, insanlara göstərilən sanitariya xidmətlərinin yaxşılaşdırılması məqsədi ilə kompleks tədbirlər həyata keçirilir. Yeni texnologiyalara əsaslanmaqla icra olunan içməli su və kanalizasiya layihələri əhalinin sağlamlığının qorunmasına, həmçinin ekoloji təhlükəsizliyin təmin edilməsinə xidmət göstərir. Ölkəmizin dünya su sektorunda nüfuzlu təşkilatlardan sayılan Dünya Su Şurasında təmsil olunması bu sahədə əlaqələrin genişləndirilməsi və qarşıya çıxa biləcək problemlərin birgə səylərlə aradan qaldırılması baxımından mühüməhəmiyyət kəsb edir. Ümidvaram ki, toplantı beynəlxalq miqyasda su ehtiyatlarından, transsərhəd su mənbələrindən səmərəli və inteqrasiyalı istifadə ilə bağlı aktual məsələlərin birgə həllindən, qarşılıqlı faydalı əməkdaşlığa və perspektiv fəaliyyət istiqamətlərinin nümayəndələrinə öz töhfəsini verəcək".





Bölməyə aid digər xəbərlər
27-03-2024, 09:47 Macarlar Orbana etiraz edir

{sape_links}{sape_article}