Təhsil naziri cəbhə bölgəsinə gedir - Səbəb
Tarix: 11-10-2017 10:04 | Bölmə: Xəbərlər
Təhsil naziri cəbhə bölgəsinə gedir

Təhsil naziri Mikayıl Cabbarov 16 oktyabr 2017-ci il tarixində saat 10:00-da Füzuli rayonunun Horadiz şəhərindəki Heydər Əliyev Mərkəzində Ağdam, Füzuli, Beyləqan və Tərtər rayon sakinlərini qəbul edəcək.

Reyting.az saytı Təhsil Nazirliyinə istinadla xəbər verir ki, mərkəzi icra hakimiyyəti orqanları rəhbərlərinin 2017-ci ilin oktyabr ayında şəhər və rayonlarda vətəndaşların qəbulu cədvəlinə uyğun olan görüşdə Ağdam, Füzuli, Beyləqan və Tərtər rayonlarında müvəqqəti məskunlaşmış məcburi köçkünlər də iştirak edə bilərlər.

Qəbula gəlmək istəyən vətəndaşların diqqətinə çatdırılır ki, 10-12 oktyabr 2017-ci il tarixlərində Təhsil Nazirliyinin Telefon Məlumat Mərkəzinin 146 nömrəli telefonuna zəng etməklə (“Qaynar xətt” xidməti) və ya nazirliyin rəsmi saytının “Vətəndaşların qəbulu” bölməsinə (http://edu.gov.az/az/contacts/request) daxil olmaqla elektron qeydiyyatdan keçə bilərlər.

Qeydiyyatdan keçmiş vətəndaşlardan xahiş olunur ki, qəbula gələrkən aidiyyəti məsələləri dolğun ifadə edən ərizə ilə müraciət etsinlər.




Bölməyə aid digər xəbərlər
27-03-2024, 09:47 Macarlar Orbana etiraz edir

{sape_links}{sape_article}