14:25 / 22-10-2017
Baş konsulluğa hücum olub
İİTKM-də iqtisadi tarazlıq modeli hazırlanır - Fotolar
Tarix: 12-10-2017 13:24 | Bölmə: Xəbər lenti
İİTKM-də iqtisadi tarazlıq modeli hazırlanır

İqtisadi İslahatların Təhlili və Kommunikasiya Mərkəzində (İİTKM) Ümumi İqtisadi Tarazlıq Modeli işlənilir. Bu kontekstdə Asiya İnkişaf Bankı Qazaxıstanın Astana şəhərində, Nazarbayev Universitetində Ümumi Tarazlıq Modeli (CGE) haqqında seminar təşkil edib.

Reyting.az-a verilən məlumata görə, seminarda İİTKM-nin Layihələr departamentinin rəhbər əvəzi Rəşad Hüseynov və Strateji Təhlil və Planlaşdırma Meneceri Vüsalə Cəfərova iştirak edirlər.

Qeyd edək ki, Asiya İnkişaf Bankının Ümumi Tarazlıq Modelinin (CGE) makroiqtisadi təhlillərdə istifadəsi və tətbiqi ilə bağlı seminarı İİTKM-də müvafiq modelin qurulmasına əlavə töhvə olacaqdır. Bu model sahələrarası qarşılıqlı əlaqələri, regional münasibətlərin səviyyəsini araşdırmağa, sosial-iqtisadi göstəriciləri hesablamağa, orta və uzunmüddətli proqnozlar verməyə imkan yaradır.

Astanada keçirilən seminarda Avstraliyanın Viktoriya Universitetinin professoru Mark Horic, eləcə də Asiya İnkişaf Bankının Departament rəhbərləri Edimon Gintinq və Dipsa Vijerasna, Nazarbayev Universitetinin professoru Janna Kapsalyamova məruzələr oxuyacaqlar.

İİTKM-in departament rəhbərinin əvəzi Rəşad Hüseynovun sözlərinə görə, seminarda Azərbaycanda Ümumi İqtisadi Tarazlıq Modelinin inkişaf etdirilməsi üçün müzakirələr də aparılır. R.Hüseyov bildirib ki, beynəlxalq ekspertlərin Ümumi İqtisadi Tarazlıq Modelinin qurulması işinə cəlb edilməsi, modelin adekvatlığını daha da artıracaqdır.

Seminarda Azərbaycan nümayəndələrindən başqa həm də Qazaxıstan və Qırğızıstanın dövlət orqanlarının, beyin mərkəzlərinin və akademik qurumların təmsilçiləri iştirak edirlər.

İİTKM-də iqtisadi tarazlıq modeli hazırlanır
İİTKM-də iqtisadi tarazlıq modeli hazırlanır
İİTKM-də iqtisadi tarazlıq modeli hazırlanır



114 dəfə oxunub.

Bölməyə aid digər xəbərlər