İsa Qəmbər reanimasiyadan çıxarılıb » Reyting.az
İsa Qəmbər reanimasiyadan çıxarılıb - Foto
Tarix: 17-01-2018 12:55 | Bölmə: Xəbər lenti
İsa Qəmbər reanimasiyadan çıxarılıb

Hazırda Mərkəzi Klinikada müalicə olunan Müsavat Partiyasının sabiq başqanı, Milli Strateji Düşüncə Mərkəzinin sədri İsa Qəmbər reanimasiyadan intensiv terapiya şöbəsinə köçürülüb.

Mərkəzi Klinikanın kardioloqu Firdovsi İbrahimov deyib ki, İ.Qəmbər intensiv terapiya şöbəsində təxminən 2-3 gün qalacaq: "Onun səhhəti qənaətbəxşdir. Həkim nəzarəti altındadır. Huşu tam yerindədir, danışır. Özü gəzməyə başlayıb. Amma infarkt keçirən xəstələr üçün 20 gündən tez konkret fikir demək yalnış olar”.

İ.Qəmbərin evə nə zaman buraxılmasına gəlincə, F.İbrahimov qeyd edib ki, o, sabah təkrar müayinədən keçiriləcək və bundan sonra dəqiq qərar veriləcək.

Qeyd edək ki, yanvarın 13-də İ.Qəmbərin səhhətində problem yaranıb və Mərkəzi Klinikaya yerləşdirilib. Müayinələr nəticəsində İ.Qəmbərin infarkt keçirdiyi məlum olub və onun ürəyinə stentlər qoyulub.(Report)

İsa Qəmbər reanimasiyadan çıxarılıb




Bölməyə aid digər xəbərlər