Həbsdəki sabiq deputat vəkili ilə görüşüb
Tarix: 24-04-2018 10:03 | Bölmə: Xəbər lenti
Həbsdəki sabiq deputat vəkili ilə görüşüb

Türkiyədə saxlanılaraq Azərbaycanda ekstradisiya edilən "Quska” ləqəbli sabiq deputat Hüseyn Abdullayev vəkili ilə görüşüb.

Qafqazinfo-ya açıqlama verən vəkil Ruhid Əkbərov bildirib ki, H. Abdullayev saxlanma yerindən və şəraitindən razıdır:

"Səhhətində hər hansı problem yoxdur. Hazırda Vergilər Nazirliyinin İstintaq İdarəsində cinayət işi davam etdirilir. Hüseyn Abdullayevə ittiham elan edilib. Onun ittihamı qəbul edib-etməməsi ilə bağlı indi bir söz deyə bilmərik. Yaxın günlərdə əlavə məlumat veriləcək”.

R. Əkbərov qeyd edib ki, H.Abdullayev barəsində uzun müddət öncə həbsli axtarış qərarı verildiyi üçün onun yenidən məhkəmə önünə çıxarılmasına ehtiyac olmayıb. Lakin "Quska”nın istintaq dövründə hansı müddətə həbsdə saxlanılacağı da qısa zamanda müəyyənləşəcək.

Qeyd edək ki, H.Abdullayev vergidən yayınmaqda ittiham edilir.

Reyting.az




Bölməyə aid digər xəbərlər