12:32 / 15-10-2018
Prezident Lənkərana gedib
08:53 / 15-10-2018
Yenidoğulmuşun şikayəti
Azərbaycanlı aktyorlar Tehranda çıxış edib
Tarix: 22-01-2018 21:38 | Bölmə: Mədəniyyət
Azərbaycanlı aktyorlar Tehranda çıxış edib

Azərbaycanın Gənc Tamaşaçılar Teatrının kollektivi Tehranda keçirilən Beynəlxalq Fəcr Teatr Festivalına iştirak edir.

Yanvarın 21-də teatrın kollektivi İran paytaxtında “Cəza” tamaşasını nümayiş etdirib.

Tamaşa çox gənc yaşlarında ailə qurmuş bir qadının taleyindən bəhs edir. Psixoloji oyun dramında rolu Əməkdar Artist Kəmalə Hüseynova ifa edib. Səhnə əsərinin quruluşçu rejissoru Əməkdar incəsənət xadimi Mehriban Ələkbərzadə, quruluşçu rəssamı Elşən Sərxanoğludur. Dərin psixoloji yaşantıları əks etdirən mono-tamaşanın musiqi tərtibatı Ağasəlim Feyzullayevə, tryukların quruluşu isə İsa Əsədova məxsusdur.

Tamaşa tehranlı tamaşaçıları tərəfindən böyük maraqla qarşılanıb.

Qeyd edək ki, yanvarın 18-da başlamış festival yanvarın 29-dək davam edəcək.

“Cəza” tamaşasına baxmaq istəyənlərin çoxluğu nəzərə alınaraq səhnə əsəri yanvarın 22-də və 23-də yenidən nümayiş etdiriləcək.




Bölməyə aid digər xəbərlər