10:21 / 19-11-2018
Futbolçu özünü öldürüb
Politoloq: “Klanların davası Ermənistanı bitirmək üzrədir” - Müsahibə
Tarix: 18-06-2018 20:00 | Bölmə: Müsahibə
Politoloq: “Klanların davası Ermənistanı bitirmək üzrədir”

Cümşüd Nuriyev: “Sabiq müdafiə nazirinin, habelə Qriqoryanın istintaqa cəlb edilməsi göstərir ki, Ermənistanda vəziyyət çox gərgindir”

Ermənistanın sabiq müdafiə naziri Seyran Ohanyanın istintaqa cəlb edilməsinin ardınca, Qarabağ müharibəsində vəhşilikləri ilə məşhurlaşan general Manvel Qriqoryan həbs edilib. Ermənistanda daxili gərginliyin davam etdiyi, Dağlıq Qarabağdakı separatçı rejimə qarşı etiraz aksiyalarının artdığı bir zamanda reallaşan həbslər düşmən dövlətdə yeni qarşıdurmaların yaşanmasına səbəb ola bilər.

Siyasi elmlər doktoru, politoloq Cümşüd Nuriyev Ermənistanda baş verənlərə aydınlıq gətirməyə çalışıb.

Reyting.az saytı C. Nuriyevin Moderator.az-a müsahibəsini təqdim edir:

- Cümşüd bəy, xeyli müddətdir ki, Ermənistanda ciddi daxili qarşıdurma və gərginlik yaşanır. Sizcə bu gərginliyin birdən-birə meydana çıxması və qısa zamanda genişlənməsi nə ilə bağlıdır? Bu gərginliyi hansı amillər tətiklədi?

- Ermənistanda qarşıdurma Paşinyan hakimiyyətə gələndən sonra başlayıb. Son 20 ildə Ermənistanı Qarabağ klanı idarə edirdi. Bu müddət ərzində həm Köçəryan, həm də Sarkisyan Qarabağ ermənilərini Ermənistanın müxtəlif dövlət strukturlarına yerləşdirə bilmişdilər. Onlar uzun müddət hakimiyyətdə olduqlarına görə, çapıb-talamaq siyasətinə başladılar. Xaricdən alınan ianələr, ABŞ-ın ayırdığı yardımlar, digər dövltələrdən alınan açıq və gizli köməkliklər, o cümlədən dövlət büdcəsinin dağıdılması prosesi məhz Qarabağ müstəvisində dağıdılmağa başladı. İndi Paşinyan hakimiyyətə gəlib və məlum olur ki, büdcə “quruyub”.

- Sizcə Ermənistan büdcəsinin “qurumasında” xaricdən alınan dəstəklərin azalması faktı da rol oynayırmı?

- Təbii. Ermənistana xaricdən edilən bəzi yardımlar kəsilib. Artıq Qarabağla bağlı xarici dövlətlərin də münasibəti kifayət qədər dəyişib. İstər ATƏT-in Minsk qrupunun həmsədrləri, istərsə də erməniləri dəstəkləyən dövlətlər tərəfindən edilən yardımlar da azalıb. Paşinyan bu dəstəyi əldə etmək məcburiyyətindədir. Çünki onun verdiyi sözlər var. Bu sözləri icra eləməkdən ötrü, Ermənistandakı erməniləri təmin etmək üçün o, hansısa kəskin addımlar atmalıdır. O da hazırda bu addımları atmaqdadır.

- Necə hesab edirsiniz, Paşinyanın hakimiyyəti Qarabağ klanının uzunmüddətli hakimiyyətindən əziyyət çəkən Ermənistan cəmiyyəti üçün nə dərəcədə arzuediləndir?

- Paşinyanın hakimiyyəti də Ermənistan cəmiyyətini tam qane etmir. Son iki gündür ki, erməni saytları qeyd edir ki, Paşinyanın babası Şamaxı ermənisidir. Yəni oradan köçən ermənidir. Onlar qeyd edir ki, Ermənistanı bu günə qədər Qarabağ erməniləri idarə edirdi, indi isə Şamaxı ermənisi idarə edir. Bu, nə dərəcədə həqiqətdir, bunu deyə bilmərəm. Ancaq erməni saytları indi bu məsələni gündəmə gətirməyə çalışır.

- Ermənistanın sabiq müdafiə nazirinin, habelə Qarabağ müharibəsində öz qəddarlığı ilə ad çıxaran general Manvel Qriqoryanın istintaqa cəlb edilməsi erməni cəmiyyətində yeni kataklizmlərə səbəb ola bilərmi?

- Ermənistanın sabiq müdafiə nazirinin, habelə Manvel Qriqoryanın istintaqa cəlb edilməsi göstərir ki, Ermənistanda vəziyyət həqiqətən də çox gərgindir. Bunu da nəzərə almaq laızmdır ki, Manvel Qriqoryan Ermənistan parlamentinin deputatıdır. Qriqoryanın həbsi parlamentlə razılaşdırılmayıb. Onu əvvəl həbs ediblər, sonra onun evindən silah çıxıb. Yəni onun həbsində hüquqi prosedur pozulub. Ermənistanda hazırda bunu daha çox gündəmə gətirirlər. Məlumat nə qədər dəqiq olsa da, bu, parlamentdə müzakirə olunmalı idi.
Qarabağ müharibəsinin gedişində varlananların həbsinə start verilməsi ciddi məsələdir.

- Yaxın gələcəkdə Ermənistanda yeni bir xaousun baş qaldırma ehtimalı nə dərəcədə realdır?


- Bu, olduqca yüksək bir ehtimaldır. Ermənistandakı hadisələr elə bir məcraya yönələcək ki, bu xaosu idarə eləmək mümkün olmayacaq. Paşinyanın siyasətdən kifayət qədər uzaq bir şəxs olduğunu, siyasi alverçi və təxribatçı olduğunu da nəzərə almaq lazımdır. Bu adamın dedikləri ilə əməlləri üst-üstə düşmür. Paşinyanın tez-tez Qarabağa getməsi də bununla bağlıdır. Ermənistan hakimiyyəti öz aləmində cəmiyyətə mesaj verməyə çalışır ki, guya bunlar xalqla bir yerdədirlər. Ermənistanın daxilindəki parçalanma o qədər güclüdür ki, klanların davası Ermənistanı bitirmək üzrədir. Çox güman ki, yaxın gələcəkdə ciddi qarşıdurmaların şahidi olacayıq.




Bölməyə aid digər xəbərlər