12:32 / 15-10-2018
Prezident Lənkərana gedib
08:53 / 15-10-2018
Yenidoğulmuşun şikayəti
Qarabağ münaqişəsi BMT-nin Baş katibi ilə müzakirə olunub - Fotolar
Tarix: 29-09-2018 12:18 | Bölmə: Siyasət
Qarabağ münaqişəsi BMT-nin Baş katibi ilə müzakirə olunub

Azərbaycan xarici işlər naziri Elmar Məmmədyarov sentyabrın 28-də BMT-nin Baş katibi Antonio Quterreş ilə görüşüb.

Reyting.az
saytı XİN-ə istinadla xəbər verir ki, Baş katib Bakıya səfərlərini və Azərbaycan Respublikasının Prezidenti İlham Əliyevlə görüşlərini məmnunluqla xatırlayaraq onun salam və xoş arzularının Azərbaycan Prezidentinə çatdırılmasını xahiş edib.

A. Quterreş Azərbaycanın dövlət başçısının rəhbərliyi altında bütün istiqamətlərdə ölkəmizdə həyata keçirilən səmərəli fəaliyyəti yüksək qiymətləndirdiyini qeyd edərək Dayanıqlı İnkişaf Məqsədlərinin milli səviyyədə icrası və mədəniyyətlərarası dialoqun təşviqinə verilən dəstək və töhfəni xüsusi vurğulayıb.

E. Məmmədyarov səmimi qəbula görə Baş katibə minnətdarlığını bildirərək, onu 2019-cu iin iyunun 14-15-də Bakıda keçiriləcək Qoşulmama Hərəkatının növbəti Sammitində iştiraka dəvət edib.

Qarabağ münaqişəsi BMT-nin Baş katibi ilə müzakirə olunub
A. Quterreş

Ermənistan-Azərbaycan münaqişəsinə toxunan nazir BMT Baş katibinə Dağlıq Qarabağ münaqişəsinin həlli istiqamətində aparılan danışıqların son vəziyyəti və ATƏT-in Minsk qrupu həmsədrlərinin vasitəçiliyi ilə iki gün əvvəl Ermənistan xarici işlər naziri ilə keçirdiyi görüş barədə məlumat verib.

E. Məmmədyarov qeyd olunan görüşün nəticələrinə əsasən, Minsk qrupu həmsədrləri tərəfindən yayılmış bəyanatda da qeyd olunduğu kimi, substantiv danışıqların intensivləşdirilməsinin zəruri olduğunu vurğulayıb.

A. Quterreş münaqişənin həlli istiqamətində ATƏT-in Minsk qrupu tərəfindən aparılan fəaliyyətə dəstək verdiyini qeyd edib və BMT qurumlarının və şəxsən özünün sülh prosesinin inkişafına töhfə verməyə hazır olduğunu bildirib.

Görüşdə tərəflər qarşılıqlı maraq doğuran və BMT-nin gündəliyində duran digər məsələlər barəsində geniş fikir mübadiləsi aparıblar.

Qarabağ münaqişəsi BMT-nin Baş katibi ilə müzakirə olunub

Reyting.az




Bölməyə aid digər xəbərlər