23:03 / 15-12-2018
Şərqi necə xilas etməli?
Hakim partiyanın reytinqi rekord aşağı səviyyəyə düşüb - Səbəb
Tarix: 05-10-2018 21:23 | Bölmə: Siyasət
Hakim partiyanın reytinqi rekord aşağı səviyyəyə düşüb

Əgər yaxın bazar günü Dövlət Dumasına seçki keçirilərsə, hakim “Vahid Rusiya” partiyası cəmisi 31 faiz səs ala bilər.

Reyting.az bildirir ki, “Kommersant” qəzetinin “İctimai fikir” fondunun sorğusunun nəticələrinə ictinadən yaydığı xəbərə görə, bu, 2008-ci ildən bəri ən aşağı göstəricidir.

Sosioloqların məlumatına görə, iyul ayında Rusiya hakimiyyəti pensiya yaşını artırmaq niyyətində olduğunu elan edəndən, hakim partiyanın reytinqi 40 faizdən 35-ə enib, 34-35 faiz arasında olub.

Krımın ilhaqına qədər “Vahid Rusiya”ya vətəndaşların 39 faizi səs verməyə hazır olublar. Ən yüksək göstərici isə 2015-ci ildə 55 faiz olub.

Bu sorğunun nəticəsinə görə, Rusiya Liberal-Demokrat Partiyası və Rusiya Kommunist Partiyasına rusiyalıların 14 faizi səs verməyə hazırdırlar.

Bundan əlavə, prezident Vladimir Putinin də reytinqi aşağı düşüb – 47 faizdən 45-ə. May ayında isə bu göstərici 64 faiz idi.

Reyting.az




Bölməyə aid digər xəbərlər