Bəyanat: “İqtidar Dağlıq Qarabağ məsələsində yanlış siyasət aparır”
Tarix: 11-03-2019 11:25 | Bölmə: Siyasət
Bəyanat: “İqtidar Dağlıq Qarabağ məsələsində yanlış siyasət aparır”

Azərbaycan Liberal Demokrat Partiyasının (ALDP) sədri Fuad Əliyev Sədr Aparatının iclasını keçirib. İclasda ictimai-siyasi vəziyyət, Qarabağ Komitəsinin martın 16-na təyin etdiyi mitinq və bəzi təşkilati məsələlərlə yanaşı, ermənilərin Bakıya gələcəyi ilə bağlı verilən məlumatlara etiraz bildirilib. Partiya bununla bağlı bəyanat da qəbul edib.

Reyting.az
-a göndərilən bəyanatda deyilir ki, “Azərbaycan-Ermənistan sülh platforması”na ermənilərin və azərbaycanlıların qoşulması, bu “platforma” əsasında ermənilərin Azərbaycana gələ biləcəyi məsələsi müzakirə olunub. İclasda çıxış edənlər bildiriblər ki, Dağlıq Qarabağ münaqişəsi həll olunmadan, Ermənistandan yüz minlərlə qovulan azərbaycanlıların hüquqları bərpa olunmadan, Ermənistan hökuməti tərəfindən azərbaycanlıların öz torpaqlarına qayıtmasına şərait yaradılmadan ermənlilərin Azərbaycana gəlməsi qəbulolunmazdır.

ALDP hesab edir ki, “Sülh platforması” birtərəfli olmamalı, eyni zamanda azərbaycanlılar yaxın tariximizdə ermənilərin Azərbaycan xalqının başına gətirdiyi soyqırımları yaddan çıxarmamalıdır: “Torpaqlarımız işğal altında olduğu halda bizi nə ilə və kiminlə barışdırmaq istəyirlər? Hansı sülhün yaradılmasından danışılır? Bugünkü şəraitdə sülh yaratmaq adı ilə düşmənlə əməkdaşlıq edilməsi yalnız işğalçı və onların havadarlarının istəkləri ola bilər. Sülh platformaları kimi layihələrlə işğal faktının unutdurulması məqsədi güdülür. Bu yaxınlarda yenə erməni Bakiya səfərə gəldi, niyə? Biz kimə və nəyi göstərmək istəyirik? Azəraycanda vaxtilə yasayan erməniləri Bakıya gətirməkdə məqsədiniz nədir? Niyə vaxtilə Ermənistanda yasayan və bu gün ölkəmizdə qaçqın olan azərbaycanlıları Ermənistana aparmırsınız? Amma statistikaya görə, hazırda Azərbaycanda 60 mindan cox erməni yaşayır. Elə bunları çəkib dünyaya göstərsəniz yetər”.

Bəyanatda qeyd olunur ki, Ermənistan mono respublikadır və orda nəinki, azərbaycanlılar, hec digər millətlər də qalmayıb. ALDP bəyan edirik ki, bugünki iqtidar Dağlıq Qarabağ məsələsində yanlış siyasət aparır, düzgün təbliğat təşkil etmir.

İclasda Qarabağ Komitəsinin martın 16-da keçirəcəyi mitinqə partiyanın dəstək verəcəyi ilə bağlı qərar da qəbul olunub.

Reyting.azскачать dle 10.5фильмы бесплатно




Bölməyə aid digər xəbərlər
{sape_links}{sape_article}