12:06 / 13-11-2018
Sabahın hava proqnozu
Keçmiş nazirin vəziyyəti ağırlaşıb - Reanimasiyadadır
Tarix: 15-10-2018 13:16 | Bölmə: Cəmiyyət
Keçmiş nazirin vəziyyəti ağırlaşıb

Keçmiş vergilər naziri Fazil Məmmədovun vəziyyəti yenidən pisləşib.

Reyting.az modern.az-a istinadən xəbər verir ki, bu səbəbdən yenidən “American Hastanesi”nin reanimasiya şöbəsinə yerləşdirilib, hazırda lazımi tibbi müdaxilələr edilir.

Mənbə bildirir ki, Fazil Məmmədovun həyat yoldaşı Günay Məmmədova onu bir an belə olsun tək buraxmır. Keçmiş nazir xəstəxanaya düşəndən onun yanındadır. Eyni zamanda, Fazil Məmmədovun Türkiyədəki müalicəsinin bahalı olduğu vurğulanır.

Bu ilin əvvəlində Gəncə Beynəlxalq Hospitalında tibb elmləri üzrə fəlsəfə doktoru İlyas Həsənovun nəzarəti altında müalicə alan Fazil Məmmədovun sonrakı müalicəsinin Türkiyədə davam etdirilməsi qərara alınıb.

Keçmiş nazir bu ilin iyun ayında Fransadan xüsusi sifarişlə gətirilən ambulans təyyarə ilə Türkiyəyə aparılıb. O “American Hastahanesi”nin professorları Orhan Bilge və Mustafa Keremin nəzarətində olub. Avqust ayında səhhəti stabilləşdiyindən sabiq nazirin “Çırağan Palace”da istirahət etdiyi qeyd edilirdi.

Müayinələr zamanı Fazil Məmmədovda pankreatit aşkarlanmışdı.Məlumat üçün bildirək ki, pankreatit mədəaltı vəzin iltihabi xəstəliyidir. Kəskin və xroniki pankreatit olmaqla iki yerə bölünür. Kəskin pankreatit zamanı iltihabi proses sürətlə bir neçə gün ərzində inkişaf edir. Bu adətən tamamilə heç bir iz buraxmadan keçib gedir. Bəzən isə xəstəlik çox təhlükəli olur. Xroniki pankreatit zamanı iltihab davamlı xarakter daşıyır və iltihabi proses daha yüngül xarakterli olur. 10 haldan 8-ində bu xəstəliyə səbəb öd daşları və spirtli içkidir. Digər səbəblərə az rast gəlinir.

Reyting.az




Bölməyə aid digər xəbərlər