10:21 / 19-11-2018
Futbolçu özünü öldürüb
Sərhədçilərimizin xilas etdiyi heyətin üç üzvü ölüb - İran vətəndaşlarıdır
Tarix: 19-10-2018 10:07 | Bölmə: Cəmiyyət
Sərhədçilərimizin xilas etdiyi heyətin üç üzvü ölüb

Xəzər dənizinin mərkəzi hissəsində, Pirallahı adasından 21 mil məsafədə Aktau-Bakı marşrutu üzrə hərəkət edən İran İslam Respublikasına məxsus “Nazmehr” quru yük gəmisinin zəhərlənən heyət üzvlərindən 3-ü dünyasını dəyişib.

Reyting.az
-ın xəbərinə görə, bu barədə “Report”a Səhiyyə Nazirliyinin mətbuat katibi Pərviz Abubəkirov məlumat verib.

Onun sözlərinə görə, həmin şəxsləri xəstəxanaya çatdırmaq mümkün olmayıb:
“Ölənlərin üçü də İran vətəndaşıdır. Onlardan biri 28, digəri 29, o biri isə 32 yaşında olan kişilərdir.

Xəstəxanaya zəhərlənmə diaqnozu ilə 8 nəfər gətirilib. Onlardan 7-si hospitalizasiya olunub və 1 saylı Kliniki Tibbi Mərkəzin Toksikologiya şöbəsinə yerləşdiriliblər. Bir nəfərin vəziyyəti normal olduğuna görə ona tibbi yardım göstəriləndən sonra evə buraxılıb. Gəmi kapitanına hazırda yerində tibbi yardım göstərilir və vəziyyəti normaldır.

İlkin ehtimala görə, zəhərlənməyə səbəb gəmidə gətirilən taxıla vurulan kimyəvi maddədir”.




Bölməyə aid digər xəbərlər
14-11-2018, 18:12 Yerevanda atışma