Maliyyə Bazarlarına Nəzarət Palatası (MBNP) Direktorlar Şurasının qərarı ilə "Arzu Kredit İttifaqı”, "Azəriinvest Kredit İttifaqı”, "Cənub Kredit İttifaqı”, "Ceyhun Kredit İttifaqı”, "Kompass Kredit İttifaqı”, "F.A.S. Kredit İttifaqı”, "Həkəri Kredit İttifaqı”, "Kredo-İnvest Kredit İttifaqı”, "Real Kredit İttifaqı”, "Tərəkəmə Kredit İttifaqı”, "Tural Kredit İttifaqı” və "Yardımlı Kredit İttifaqı”nın fəaliyyətinə verilmiş lisenziyalar ləğv edilib.

MBNP-nin məlumatına görə, lisenziyaların ləğvinə səbəb, sözügedən kredit ittifaqları tərəfindən hesabatlıq qaydalarına riayət olunmaması, habelə bu təşkilatlar üzrə 2015-ci il üçün kənar auditin aparılmamasıdır.

Bu səbəbdən də, MBNP "Kredit ittifaqına bank fəaliyyətinin həyata keçirilməsi üçün xüsusi razılıq (lisenziya) verilməsi Qaydaları”nın 4.4.4-cü və Palatanın Nizamnaməsinin 5.3.20-ci yarımbəndlərini rəhbər tutaraq sözügedən kredit ittifaqlarının fəaliyyətinə verilmiş lisenziyaları ləğv edib.