17:38 / 28-03-2024
Əməkdar artist vəfat edib
Məhkəmə "Lotu Quli”ni azadlığa buraxıb - Ölkəni tərk edib
Tarix: 25-10-2017 12:00 | Bölmə: Slayd
Məhkəmə "Lotu Quli”ni azadlığa buraxıb

Nadir Səlifov barəsində Qaradağ Rayon Məhkəməsində şərti cəza tətbiq ediməsinə dair qərar verilib. Məlumata görə, oktyabrın 24-də keçirilən prosesdə onun ölkədən çıxmasına icazə verilməsi barədə məsələyə də baxılıb. Məhkəmə Nadir Səlifovun xəstəliyi ilə əlaqədar ölkədən çıxmasına icazə verilməsi barədə də qərar çıxarıb.

Reyting.az-ın xəbərinə görə, dünən həbsdən azad edilmiş, "Lotu Quli" kimi tanınan Nadir Səlifovun vəkili Təranə Əliyeva APA-ya deyib ki, N.Səlifov dünən Azərbaycanı tərk edərək Gürcüstana gedib.

O, bütün prosesin qanun çərçivəsində aparıldığını bildirib.

Penitensiar Xidmətdən "Lotu Quli” kimi tanınan kriminal avtoritet Nadir Səlifovun azadlığa buraxılmağı ilə bağlı xəbərlərə münasibət bildirilib.

Xatırladaq ki, N.Səlifov 1972-ci il avqust ayının 28-də Gürcüstanın Dmanisi rayonunda doğulub. "Quli” gürcü dilində "ürək” deməkdir. Kriminal aləm ona bu ləqəbi ürəkli olduğuna görə verib. "Quli” Marneulidə doğulan azərbaycanlı Otari Bədəlovla ("Otar”) yaxın dost olub.

"Otar”ın 2003-cü il martın 21-də Moskvadakı "Suşi” barda naməlum şəxslər tərəfindən güllələnməsindən sonra "Lənkəranski”yə "oğru” adı verən "Nardaranlı Mirseymur” da qətlə yetirilib ki, bunu da indiyədək "Quli”nin qisas cavabı hesab edənlər var. İllərdir bu qarşılıqlı qətllər davam edir və son olaraq bu ilin fevralında Moskvadakı "Abşeron” restoranında baş vermiş atışmada da "Quli” və "Lənkəranski” tərəfdarları arasında itkilər olub. Gürcüstan doğumlu azərbaycanlı "qanuni oğru”lar və kriminallar bu davada əsasən "Quli”ni dəstəkləyir. Vaxtilə onlar bu dəstəyi Rusiya kriminalının "xaç atası” sayılan, Gürcüstan doğumlu Aslan Usoyandan da ("Ded Xasan”) alıblar.

"Quli”nin Gürcüstana ekstradisiyası məsələsi bir neçə dəfə gündəmə gəlsə də, bu da hansısa səbəbdən mümkün olmayıb.

Azərbaycanda qətl hadisəsində suçlu bilinərək 15 il müddətinə azadlıqdan məhrum edilən "Quli”nin vəkillərinin sözlərinə görə, o həbs edildiyi zaman Gürcüstanda verilən keçmiş SSRİ-nin pasportunu daşıyıb. İddiaya görə, "Quli” həbsxanada olduğu bu illərdə Azərbaycan vətəndaşlığı alması ilə bağlı rəsmi müraciət etməyib.

2005-ci ildə isə onun haqqında daha bir qalmaqallı cinayət işi açılıb.

Reyting.az




Bölməyə aid digər xəbərlər
{sape_links}{sape_article}