Təhlükəli qida istehsalçılarına qarşı mübarizə güclənəcək

Xəbər lenti

21:58 / 25-04-2024

İlham Əliyev Füzuli hava limanından Berlinə uçub - (Yenilənib)

20:33 / 25-04-2024

Almaniyadakı ukraynalı qaçqınlara görə problem yaranıb

20:26 / 25-04-2024

İran-İsrail qarşıdurması: ilk raund daha təhlükəli mərhələyə keçə bilər

19:45 / 25-04-2024

Dünyada 282 milyon insan acdır - BMT

19:17 / 25-04-2024

Rusiya Polşada yaradılacaq nüvə obyektlərinə hücum edəcək

18:56 / 25-04-2024

İran məhkəməsi repçi barəsində edam qərarı çıxarıb

18:42 / 25-04-2024

Milli Məclis Avropa Parlamentinin son qətnaməsinə sərt cavab verib - Bəyanat

18:09 / 25-04-2024

Azərbaycan-Ermənistan sərhədində 20 sərhəd dirəyi quraşdırılıb

18:03 / 25-04-2024

Ermənistanda müxalifətin aksiyası baş tutmayıb, kütləvi həbslər var - Video

18:02 / 25-04-2024

Naxçıvanda fond sədri vəzifədən çıxarılıb

17:55 / 25-04-2024

Papa Fransisk Putinə mesaj göndərib

17:46 / 25-04-2024

Dünyada iqlim böhranı başlayır

17:32 / 25-04-2024

Azərbaycanla Macarıstan arasında enerji əməkdaşlığı barədə müzakirə aparılıb

17:25 / 25-04-2024

Qırğızıstan prezidentinə Qarabağ atı hədiyyə edilib - Fotolar

17:08 / 25-04-2024

İlham Əliyevlə Qırğızıstan prezidenti Füzuli və Ağdamda olublar - (Yenilənib) - Fotolar

16:42 / 25-04-2024

Qırğızıstan prezidentinin Azərbaycana dövlət səfəri başa çatıb

16:41 / 25-04-2024

Türkiyə Mərkəzi Bankı faiz dərəcəsi ilə bağlı qərar verib

16:25 / 25-04-2024

Azərbaycan və Qırğızıstan prezidentləri birgə nahar ediblər

16:09 / 25-04-2024

Avropa Parlamenti Gürcüstanda xarici agentlər haqqında qanunla bağlı qətnamə qəbul edib

16:05 / 25-04-2024

Prezident İlham Əliyev Şarl Mişeli COP29-a dəvət edib

15:50 / 25-04-2024

İspaniya və daha 4 ölkə Fələstin dövlətini tanımağa hazırlaşır

15:32 / 25-04-2024

Keçmiş Ombudsman Elmira Süleymanova vəfat edib - (Yenilənib)

15:32 / 25-04-2024

Simonyan: "Ermənistan və Azərbaycanın bir-birinə qarşı ərazi iddiası yoxdur"

15:08 / 25-04-2024

"Azərbaycanda respondentlərin 74,9%-i "TikTok"a məhdudiyyətlərin tətbiq edilməsini istəyir"

14:43 / 25-04-2024

Malıbəylidə kütləvi məzarlıq aşkarlanıb - Fotolar

14:35 / 25-04-2024

Rasim Balayev: "Onlara baş qoşası deyiləm"

14:29 / 25-04-2024

Qərb Cənubi Qafqazda sabitliyi pozmağa çalışır

14:16 / 25-04-2024

İsrail daha 12 fələstinlini həbs edib

14:06 / 25-04-2024

Qəzzada ölənlərin sayı artıb

13:59 / 25-04-2024

Rusiya XİN: "Sərhədlərin delimitasiyası üzrə bütün səylərini dəstəkləyirik"

Xəbər lentinin davamı

Ən çox oxunanlar

18:56 / 22-04-2024

Azərbaycan və Rusiya prezidentlərinin təkbətək görüşü olub - (Yenilənib) - Fotolar

00:11 / 23-04-2024

Sağlam və uzun ömür yaşamağın 10 asan yolu var - Siyahı

18:01 / 21-04-2024

Dünyanın idman paytaxtı olması üçün Bakının namizədliyi irəli sürülüb

13:54 / 22-04-2024

Füzuli şəhərinə növbəti köç olub - (Yenilənib)

09:53 / 22-04-2024

Ümid nəğməsi - Etibar Cəbrayıloğlu yazır

16:10 / 22-04-2024

Ölkələr sürətlə silahlanır - Ümumi hərbi xərclər 2,4 trilyon dolları keçib

14:10 / 23-04-2024

Füzuli şəhərinə növbəti köç karvanı yola salınıb - (Yenilənib)

16:58 / 23-04-2024

İlham Əliyev “COP29 və Azərbaycan üçün Yaşıl Baxış” beynəlxalq forumda iştirak edir - (Yenilənib)

14:03 / 24-04-2024

Professor Nəsib Quliyev özünü güllələyib

00:02 / 23-04-2024

Məşhur boksçu Mayk Tayson şirkətin səfiri olub

00:05 / 23-04-2024

Abramoviç yeni futbol klubunu Avropanın ən yaxşısı edəcək

00:45 / 22-04-2024

Türkiyədə yenə zəlzələ olub

Təhlükəli qida istehsalçılarına qarşı mübarizə güclənəcək
Tarix: 26-11-2017 12:54 | Bölmə: Slayd

Şirift ölçüsü:

Ölkəmizdə insan səhhəti üçün təhlükəsiz qida istehsalını təmin etmək məqsədilə mühüm addım atılıb. Bir müddət əvvəl Azərbaycan prezidentinin imzaladığı Fərmanla “Azərbaycan Respublikasının Qida Təhlükəsizliyi Agentliyi haqqında Əsasnamə” təsdiq edilib. Qida Təhlükəsizliyi Agentliyi 2018-ci ilin yanvar ayının 1-dən fəaliyyətə başlayacaq.

İqtisadi İslahatların Təhlili və Kommunikasiya Mərkəzinin Strateji Planlaşdırma və İnkişaf Departamentinin rəhbəri Ramil Hüseynin qənaətincə, bu agentliyin yaradılması prosesində müasir çağırışlar və yeni təşəbbüslər nəzərə alınır. Həmçinin, dəyər zəncirinin bütün mərhələlərini əhatə edən və risklərin təhlili yanaşmasına əsaslanan qida təhlükəsizliyi sisteminin formalaşdırılması hədəflənir.

Ramil Hüseynin sözlərinə görə, agentliyin fəaliyyətə başlaması bu sahədə idarəetmənin səmərəliliyini və optimallığını təmin edəcək, pərakəndəliyi və təkrarlanmaları aradan qaldıracaq. Qida təhlükəsizliyi ilə bağlı vahid idarəetmənin tətbiqi resurslara qənaət edilməsinə, istehlakçı maraqlarının qorunmasına, ixrac və idxal proseslərində sənədləşmənin asanlaşmasına, xarici ölkələrə ixrac edilən qida məhsullarının qida təhlükəsizliyi sertifikatı ilə təmin edilməsinə, idxal olunan qida məhsullarının təhlükəsizliyinin təmin edilməsinə, sahibkarlıq subyektlərində yoxlamaların azaldılmasına və şəffaflaşdırılmasına, genetik modifikasiya olunmuş qida məhsullarının ölkəyə idxalına nəzərətin gücləndirilməsinə səbəb olacaq:

“Bununla həm də Azərbaycan Respublikasında kənd təsərrüfatı məhsullarının istehsalına və emalına dair “Strateji Yol Xəritəsi”nin qida təhlükəsizliyinə nəzarət sahəsində müxtəlif orqanların fəaliyyətindəki paralelliyin aradan qaldırılması və effektiv tənzimləmə sisteminin qurulması ilə bağlı tədbirin icrası təmin olunacaq”.

Ümumiyyətlə, bütün maraqlı tərəflərin iştirakçılığına və riskəsaslı yanaşmaya əsaslanan qida təhlükəsizliyi sisteminin yaradılması ilk növbədə Azərbaycan vətəndaşlarının keyfiyyətli qida məhsulları ilə təminatına xidmət edəcəkdir.

Bu barədə fikirlərini “Reytinq”lə bölüşən əmtəəşünas, araşdırmaşı yazar Elçin Bayramlı deyib ki, belə bir orqanın yaradılmasına çoxdan ehtiyac var idi. Onun fikrincə, digər müvafiq dövlət orqanları pərakəndə hüquq və səlahiyyətlərlə bu işin öhdəsindən gələ bilmirdilər:

“Ərzaq təhlükəsizliyinin iki tərəfi var, biri kəmiyyət, digəri keyfiyyət üzrə. İkincisi birincidən də vacibdir. Yəni əhaliyə satılan qida məhsullarının harda istehsal olunmasından daha vacib olan sağlamlıq üçün zərərli olmaması və standartlara uyğun olmasıdır”.

E.Bayramlı qeyd edib ki, yeni orqana yüksək səlahiyyətlər verilməli, onların gömrük postlarında və ölkə daxilində ən yüksək standartlara uyğun modern laboratoriyaları yaradılmalıdır.

Bu qurumda hər hansı neqativ halların, rüşvətxorluğun olma ehtimalına gəlincə, ekspert bildirib ki, mərkəzləşmiş orqanda belə hallara daha çox şəraitin yaranma imkanının olması sirr deyil: “Yəni bu da bəziləri tərəfindən bir növ inhisar kimi qəbul edilə bilər. Lakin ona nəzarət edən üst orqanlar olacaq. Yoxlamalarda yaranan şübhələri aradan qaldırmaq üçün ölkədə müstəqil laboratoriyaların yaradılmasına icazə verilə bilər”.

Müsahibimiz ölkənin qida təhlükəsizliyi sahəsindəki vəziyyətdən də söz açıb. “Təəssüflə deməliyəm ki, bu gün bu sahədə vəziyyət acınacaqlıdır. Çünki idxal olunan məhsulların molekulyar tərkibini, GMO olub olmadığını, tərkibində hansı inqridiyentlərin istifadə olunduğunu, istifadə vaxtını, saxlanma şəraitini ciddi nəzarətdə saxlamaq lazımdır. Yerli istehsalda isə kim nədən, nə istəyirsə, düzəldib bazar-dükana çıxarır. Bu isə keyfiyyətsiz, hətta insan həyatı üçün təhlükəli olur. Saxta və GMO ərzaqlar milli genefondu dağıdır, çoxsaylı xəstəliklər yaradır, sonsuzluqdan tutmuş xərçəngə qədər. Qısası, ərzaq təhlükəsizliyi milli və dövlət təhlükəsizliyi deməkdir. Adi əl cihazları var ki, meyvə-tərəvəzdə misal üçün, nitratların səviyyəsini göstərir. Kim istehsalçı orqanın yoxlamasına şübhə edirsə, bu cihazdan alıb yoxlaya, ya da müstəqil laboratoriyanın nəticələrini alıb qarşılaşdıra bilər”.

E.Bayramlının sözlərinə görə, ölkəmizdə ən ciddi problem ət və süd məhsulları sahəsindədir: “Paketləşdirilmiş məhsulların da çoxunun mənşəyi və istifadə müddəti məlum deyil. Açıq çəki ilə satılanların da həmçinin.

Ən biabırçı vəziyyət yağ və spirtli içki bazarındadır. Bu sahədə saxta məhsullar çoxdur. Satışa çıxarılan hər məhsul yoxlanmalıdır. Rusiya və Belarusda da belə edirlər. Nümunələr topdansatışdan götürülür, problem çıxsa, satışa buraxılmır, yerində aktlaşdırılıb məhv edilir”.

Reyting.az

Ana səhifəyə dön