10:21 / 19-11-2018
Futbolçu özünü öldürüb
Azərbaycan matəmdə: Böyük faciədən 28 il ötür
Tarix: 19-01-2018 23:16 | Bölmə: Cəmiyyət
Azərbaycan matəmdə: Böyük faciədən 28 il ötür

1990-cı ilin yanvar ayının 19-dan 20-nə keçən gecə Azərbaycanda baş vermiş faciədən 28 il keçir.

Bununla bağlı Azərbaycanda Ümumxalq Hüzn Günü elan olunub.

Dünya ictimaiyyətinin diqqətini Qanlı Yanvar faciəsinə yönəltmək üçün Azərbaycanın xarici ölkələrdəki səfirlikləri, diplomatik nümayəndəlikləri, Azərbaycan icmaları tərəfindən də müvafiq tədbirlər həyata keçirilir.

Yanvarın 20-də Bakı vaxtı ilə saat 12.00-da ölkə ərazisində şəhidlərin xatirəsi bir dəqiqəlik sükutla yad ediləcək, gəmilər, avtomobillər və qatarlar səs siqnalları verəcək. Həmin gün ölkə ərazisində matəm əlaməti olaraq Azərbaycanın dövlət bayraqları endiriləcək.

Qeyd edək ki, 1990-cı il yanvarın 19-dan 20-nə keçən gecə sovet ordusu Bakı şəhərinə daxil olaraq, dinc əhalini vəhşicəsinə gülləbaran edib. Hadisə nəticəsində 137 nəfər şəhid olub, 744 nəfər yaralanıb, 841 nəfər qanunsuz olaraq həbs edilib.

1994-cü ildə Azərbaycan Milli Məclisi 20 Yanvar faciəsi ilə bağlı xüsusi qərar qəbul edib.




Bölməyə aid digər xəbərlər
14-11-2018, 18:12 Yerevanda atışma