Rusiyadakı prezident seçkilərinin qalibi Vladimir Putindir - İlkin nəticələr
Tarix: 18-03-2018 22:27 | Bölmə: Slayd
Rusiyadakı prezident seçkilərinin qalibi Vladimir Putindir

Bu gün Rusiyada keçirilən prezident seçkilərinin exit poll nəticələrinə görə, hazırki prezident Vladimir Putin 70 faizdən çox səslə (ФОМ - 77 faiz, ВЦИОМ - 73,9 faiz) qələbə qazanıb.

RİA Novosti-nin xəbərinə görə, exit poll nəticələrinə əsasən, Kommunist Partiyasından irəli sürülən Pavel Qrudinin 11 faizdən çox, Rusiya Liberal-Demokratik Partiyasının namizədi Vladimir Jirinovski isə 6-dən çox səs toplayaraq üçüncü yerdə qərarlaşıb.

Qeyd edək ki, Rusiya Mərkəzi Seçki Komissiyası (MSK) prezident seçkilərinin ilkin nəticələrini açıqlayıb. MSK-nin İnformasiya Mərkəzindən verilən məlumata xəbərə görə, hazırda ölkə üzrə keçirilən səsvermədə bülletenlərin 33,24 faizi hesablanıb. İlkin nəticələrə görə, hazırki prezident Vladimir Putin 73,5 faiz səslə qalib gəlib.

İkinci yerdə isə Kommunist Partiyasının namizədi, Lenin adına Sovxozun direktoru Pavel Qrudinindir. O, seçicilərin 14,5 faizinin səsini toplaya bilib.

Üçüncü yerdə 6,6 faiz səslə liberal demokrat Vladimir Jirinovski, dördüncü yerdə 1,4 faiz səslə Kseniya Sobçak qərarlaşıb.

Digər namizədlər - Sergey Baburin, Qriqori Yavlinski, Boris Titov və Maksim Suraykin 1 faizdən az səs toplayıblar.(Mənbə: APA)




Bölməyə aid digər xəbərlər
{sape_links}{sape_article}