12:20 / 11-12-2018
Sabah hava çiskinli olacaq
Polkovniklərin qətlinə görə axtarılan şəxs öldürülüb - Əməliyyat
Tarix: 13-07-2018 09:40 | Bölmə: Slayd
Polkovniklərin qətlinə görə axtarılan şəxs öldürülüb

İyulun 10-da Gəncə şəhərində baş vermiş iğtişaş zamanı iki polis zabitinin qətlə yetirilməsində əsas iştirakçılardan olan Rəşad Böyükkişiyev zərərsizləşdirilb.

Reyting.az
saytı Real TV-yə istinadən xəbər verir ki, o, hüquq-mühafizə orqanları əməkdaşlarının ötən gecə keçirdiyi keçirdiyi əməliyyat nəticəsində məhv edilib.

Qeyd edək ki, Rəşad Böyükkişiyev barəsində axtarış elan edilmişdi.

APA-nın məlumatına görə, R. Böyükkişiyev ötən gecə hüquq-mühafizə orqanlarının keçirdiyi əməliyyat tədbirləri nəticəsində Şəmkir rayonu ərazisində zərərsizləşdirilib. O, hüquq-mühafizə orqanları əməkdaşlarına silahlı müqavimət göstərib və bu zaman məhv edilib.

Rəsmi məlumatlarda 1988-ci il təvəllüdlü Rəşad Məmmədəli oğlu Böyükkişiyevin əvvəllər qəsdən adamöldürmə və soyğunçuluq cinayətlərinə görə məhkum olunduğu bildirilib.

Baş Prokurorluq, Daxili İşlər Nazirliyi və Dövlət Təhlükəsizliyi Xidmətinin mətbuat xidmətlərin dünən yaydığı birgə məlumata görə, Gəncə hadisələri ilə bağlı 9 nəfər barəsində həbs qətimkan tədbiri seçilib.




Bölməyə aid digər xəbərlər