Röya Ayxan Faiq Ağayevi qəzəbləndirib - Səbəb
Tarix: 29-09-2017 21:04 | Bölmə: Şou-biznes / Xəbər lenti
Röya Ayxan  Faiq Ağayevi qəzəbləndirib

"Röya 2000-ci illərdə səhnəyə gəldiyi ilk gündən məndən yalnız səmimi rəğbət, əməli dəstək görüb. El-aləmin onu kəsib-baltaladığı, kəskin tənqid etdiyi bir dönəmdə sənət aləmində ancaq mən ona arxa-dayaq durdum".

Reyting.az xəbər verir ki, bunu xalq artisti Faiq Ağayev əməkdar artist Röya Ayxanın sosial şəbəkədə paylaşdığı videoya münasibət bildirərkən deyib. "Məlum açıq-saçıq klipi ucbatından yaranan qalmaqaldan sonra ATV-də yayımlanan Yusif Ağayevin "106 HOUSE" verilişinə zəng edib, canlı yayımda olan hələ gənc, peşəkar səhnədə yenicə addımlamağa başlayan Röyaya bunu dedim:

"Ona çılpaqmı deyirsiz? Düz deyirsiz. Bəli, Röyanın qəlbi çılpaqdır, o maskalanmış halda qarşınıza çıxmır, dəstəkləyirəm onu!".
Bundan sonrakı illərdə də onu aşırı istedadlı, zəhmətkeş həmkarım sayıb, barəsində yalnız xoş, səmimi, sevgi dolu ifadələr işlədib, müxtəlif həlledici məqamlarında yanında dost, böyük qardaş kimi olmuşam.

Əgər jurnalistlərimizə inansaq, yaşı sənət stajım qədər olan Röya dünən bu ifadələri işlədib:

"...demək istəyirəm ki, Azərbaycanda verdiyi konsertdən real gəlir və izləyici yığan müğənnilərdən birincisi elə özüməm, ikincini axtarıram".

Faiq Ağayev isə Röyaya əks fikir işlədib. Deyib ki, konsertdən real gəlir birinci şəxs özüdür, ikincini də axtarır: “Azərbaycanda ən çox bilet satan müğənniyəm".

F.Ağayev qeyd edib ki, ibtidai sinif şagirdi də primitiv riyazi hesablamalar aparsa, bəlli olar ki, 1991-ci ildən bu yana heç bir çağdaş müğənnimiz keçirdiyim solo-konsert sayına, gələn tamaşaçı, qazanılan qonorar, dövlətə ödənilən verginin miqdar və miqyasına görə ona çatmayıb:

“Bu məsələdə müasir estradamızda rəqibim birmənalı, mübaliğəsiz şəkildə yoxdur.

2007-də keçirdiyim 5 günlük anşlaqlı solo-konsert rekordumu da hələ ki, heç kim nə əldə edib, nə də ki yeniləməyib.

Röyanın uğurla keçirdiyi konsertlərini, layihələrini heç vaxt kölgəyə alıb, böyük zəhmətini danmamışam, incikliyinə səbəb olmamışam. Əksinə, həmkarımı çəkinmədən səmimi təbrik edib, sevinmişəm nailiyyətlərinə.

Və çox güman ki, o, dediklərini (əgər doğrudan da belə deyibsə) əslində özünə qarşı yönəlmiş, növbəti media qalmaqalı üçün əvvəlcədən düşünülmüş təhrik (provokasiya) tələsinə düşərək, bilmədən söyləyib.

Mən bu dəqiqəyə kimi məhz belə düşünmək istəyirəm. Çünki, belə deyilsə, çox ayıb bir mənzərə yaranır. Ədalətsiz iddia, əsassız təkəbbür, utancverən əda və lovğalıq. Nə yüksək "Əməkdar Artist" adına, nə xalqın gerçək sevimlisi statusuna, yaraşmaz belə səbəbsiz "ixtira".(Mənbə: Unikal.org)




Bölməyə aid digər xəbərlər
14-10-2017, 13:17 Səidə Sultan ər axtarır
30-11-2017, 14:43 Sabiq deputat vəfat edib