Milli Qəhrəman Şahin Tağıyevlə vida və dəfn mərasimi sabah saat 11:00-də keçiriləcək.

Reyting.az xəbər verir ki,bu barədə APA-ya mərhumun ailə üzvləri məlumat verib.

O, Hərbi Memorial Məzarlıqda dəfn olunacaq.

Qeyd edək ki, onun cənazəsi bu gün axşam Bakıya gətiriləcək.

Xatırladaq ki, əslən Şuşadan olan Şahin Tağıyev 1949-cu il fevralın 3-də Tərtər şəhərində doğulub. O, 2001-ci ildə Azərbaycanı tərk edərək Avropaya köçüb. Şahin Tağıyev İsveçdə qocalar evində uzun sürən xəstəlikdən sonra vəfat edib.

***

İsveç Krallığının Malmö şəhərində vəfat edən Azərbaycanın Milli Qəhrəmanı Şahin Tağıyevin cənazəsi Azərbaycana gətirilib.

O, sabah saat 11:00-da Hərbi Memorial Məzarlıqda (II Fəxri Xiyaban) dəfn olunacaq.

***

Azərbaycanın Milli Qəhrəmanı, Birinci Qarabağ müharibəsinin veteranı Şahin Tağıyev dəfn olunub.

Reyting.az xəbər verir ki, mərhum Hərbi Memorial Məzarlıqda torpağa tapşırılıb.

Ş.Tağıyev hərbi ehtiramla son mənzilə yola salınıb. Hərbi Memorial Məzarlıqda fəxri qaravul düzülüb, hərbçilər yaylım atəşi açıb, hərbi orkestr Dövlət Himnini səsləndirib.

Dəfn mərasimində Müdafiə Nazirliyinin, digər dövlət qurumlarının nümayəndələri, Ş.Tağıyevin döyüş yoldaşları, Qarabağ müharibəsinin veteranları iştirak ediblər.

Xatırladaq ki, Ş.Tağıyev 1949-cu il fevralın 3-də Tərtər rayonunda anadan olub. O, ötən il dekabrın 29-da İsveçin Malmö şəhərində uzun sürən xəstəlikdən sonra vəfat edib.