Avropa İttifaqı (Aİ) Litva mallarına qeyri-rəsmi məhdudiyyətlərlə bağlı Çinə qarşı ÜTT-də qaldırdığı iddianı geri götürüb.

Reyting.az-ın məlumatına görə, Brüssel rəsmiləri bildiriblər ki, Litvanın iddiası ilə Çinlə münasibətləri korlamaq fikrində deyillər.

Aİ-dən bəyan ediblər ki, "mübahisənin əsas məqsədləri əldə olunub və ticarət bərpa edilib".

Qurum həmçinin vurğulayıb ki, şikayətin dayandırılması mövqeyi tam da dəyişmir və bununla bağlı vəziyyət daim izlənəcək.

Xatırladaq ki, bu mübahisə 2022-ci ildə Litva dövlətinin qəbul etdiyi qərardan sonra başlayıb. Bu, uzun illərdir Çinin iddia etdiyi, lakin özünü müstəqil ölkə elan etmiş Tayvanı Litvanın tanıması və Tayvan dövlətində nümayəndəlik açmasına cavab kimi qarşılanıb. Çin dövləti bunu Litvanın Çinin ticarət əlaqələrini faktiki zəiflətməsi kimi qiymətləndirib.

Rəsmi Pekin isə ona qarşı yönələn iddiaları rədd edib. Çin Tayvanla əlaqəli ölkələrin və şirkətlərin bir dövlət kimi qətiyyən onları narahat etmədiyini vurğulayıb, Litvanın isə bu prosesdə Aİ fonunda siyasi dividend əldə etmək cəhdində ittiham edib.

Çin rəsmiləri bildiriblər ki, ümumiyyətlə, şirkətlərin müqavilələri tamamilə müstəqil kommersiya qərarlarıdır, üstəlik, bu cür məsələdə dövlətin müdaxiləsindən söhbət gedə bilməz.

Oqtay QORÇU