Ukraynanın Ali Radası Mixaylo Fyodorovu ölkənin müdafiə naziri təyin edib. Bu qərarı 277 deputat dəstəkləyib.

Reyting.az xəbər verir ki, 34 yaşlı Fyodorov bundan əvvəl rəqəmsal transformasiya naziri və baş nazirin birinci müavini vəzifələrində çalışıb.

Parlamentdə çıxışı zamanı o, əvvəl Müdafiə Nazirliyində maliyyə auditinə başlayacağını bildirib.

Bu təyinatına görə, təşəkkür edən yeni nazirin sözlərinə görə, nazirliyin bu ilki büdcəsi ötən illə müqayisədə 300 milyard qrivna azdır.

M.A.Fyodorov 1991-ci ildə, yanvar ayının 21-də Ukrayna Respublikasının Zaporojye vilayətində anadan olub. O, eyni zamanda da, bu ölkənin siyasi-ictimai həyatında fəal iştirak edən cavan dövlət xadimi, siyasətçi kimi tanınıb. Fyodorov həm də informasiya texnologiyaları sahəsində uğurlu sahibkar, iş adamıdır. 2026-cı ilin yanvar ayının 3-də Ukraynanın müdafiə naziri vəzifəsini icra edən Fyodorovun yeni təyinatı Ukraynanın Ali Radası tərəfindən keçirilən 13-14 yanvar tarixli müzakirələrdən sonra təsdiq edilib.

Oqtay QORÇU