“Hazırda ABŞ-a səfər etmiş Ukrayna nümayəndə heyəti Rusiya hücumları ilə bağlı real və dolğun məlumat təqdim etməlidir”.

Reyting.az-ın məlumatına görə, bunu Ukrayna prezidenti Vladimir Zelenski öz bloqunda qeyd edib.

Prezident bildirib ki, Ukraynanın ABŞ-dakı nümayəndə heyətinin əsas vəzifəsi Rusiya terrorizminin nəticələrini Amerika tərəfinə çatdırmaqdır. O vurğulayıb ki, bu nəticələrə təkcə humanitar fəsadlar deyil, eyni zamanda diplomatik prosesin nüfuzdan salınması və dialoq imkanlarının zəifləməsi də daxildir.

V. Zelenski qeyd edib: “Bu terrorun nəticələrindən biri diplomatik prosesin nüfuzdan düşməsidir. İnsanlar diplomatiyaya inamlarını itirirlər və Rusiyanın hücumları əvvəllər mövcud olan məhdud dialoq imkanlarını da sarsıdır. Amerika tərəfi bunu anlamalıdır”.

Bundan əlavə, Zelenski hazırda hazırlanan sənədlər üzrə irəliləyişin vacibliyini də xüsusi vurğulayıb.

“Ukrayna heç vaxt sülhə maneə olmayıb və olmayacaq. İndi tərəfdaşlarımız diplomatiyanın irəliləyib-irəliləməyəcəyinə qərar verməlidirlər”,- deyə Ukrayna prezidenti yekunlaşdırıb.

E. KAMAL