Mahmud Əhmdinejad prezident Trampa məktub yazdı
Tarix: 25-06-2019 19:01 | Bölmə: Xəbər lenti
 Mahmud Əhmdinejad prezident Trampa məktub yazdı

ABŞ prezidentlərinə məktub yazmağı ilə məşhurlaşmış İranın eks-prezidenti Mahmud Əhmədinejad yeni namə qələmə alıb.

Reyting.az
“Khabaronline”-a istinadla xəbər verir ki, Əhmədnejadın məktubu Donald Trampa ünvanlanıb.

İrana qarşı son sanksiyaları qınayan eks-prezident bundan əvvəl ABŞ-ın iki dövlət başçısına da müraciət etdiyini qeyd edib.

2500 illik dövlətçilik tarixi olan İranın keçmişini xatırladan Əhmədinejad yazıb:

“Siz və mən Allahın bəndələriyik. Biz düşmənçilik, birinin digəri üzərində üstünlüyü və təcavüzü üçün yaradılmamışıq”.

Əhmədinejad tarixi fürsəti qaçırmadan konstruktiv dialoqa çağırış edib: “Böyük bir dönüşüm başlayın və bunu yaxşılıq niyyət ilə edin. Məktubumun əsas məramı konstruktiv söhbətin tələbidir”.

Sonda eks-prezident yazıb: “Bütün xalqlara, eləcə də Amerika xalqına uğurlar, sülh və azadlıq, ədalət, rifah və qüdrətli liderə uğurlar arzulayıram”.

Məktub "İran xalqının xidmətçisi" ifadəsi ilə imzalanıb.
скачать dle 10.5фильмы бесплатно




Bölməyə aid digər xəbərlər
{sape_links}{sape_article}