10:03 / 21-11-2024
İlon Mask miqrasiya ilə bağlı təklif verib
10:02 / 21-11-2024
BMT rəsmisi: "Bakı Bəyannaməsi gələcək üçün mühüm impuls yaradacaq"
09:58 / 21-11-2024
Akula idmançını parçalayıb
09:51 / 21-11-2024
Vladimir Zelenskinin gizli planı varmış
09:42 / 21-11-2024
Merkel: “Tramp Putinə heyran olub”
09:37 / 21-11-2024
Naxçıvan səhiyyəsində həbslər başlayıb
09:36 / 21-11-2024
Bjaniya: “Moskvaya müraciət etməmişik”
09:26 / 21-11-2024
Mask Trampın dəstəyi ilə almanlara meydan oxuyur
09:23 / 21-11-2024
BMT Baş katibi Azərbaycana gəlib - Foto
00:02 / 21-11-2024
Tramp keçmiş prokuroru NATO-ya göndərir
23:46 / 20-11-2024
"Nazir məni kasıblara kömək üçün göndərib" deyən şəxsə hökm oxunub
23:09 / 20-11-2024
Prezident Ağdam şəhəri ilə bağlı paylaşım edib
22:45 / 20-11-2024
Hərbi qulluqçumuz vəfat edib
21:34 / 20-11-2024
Səudiyyə Ərəbistanında 100-dən çox əcnəbini edam ediblər
18:07 / 20-11-2024
Sahibə Qafarova Rusiyaya işgüzar səfərə gedib
18:00 / 20-11-2024
İTV-yə xəbərdarlıq olunub
17:58 / 20-11-2024
Səfirlik Ukraynada yaşayan azərbaycanlılara çağırış edib
17:44 / 20-11-2024
Əli Əsədov iranlı nazirlə müzakirə aparıb
17:34 / 20-11-2024
Daha 20 min müəllim sertifikatlaşdırmaya cəlb olunacaq
17:19 / 20-11-2024
Türkiyəli məşhur aktyor Bakıya gəlib - Foto
17:08 / 20-11-2024
Almaniya kansleri inadından dönmür
17:04 / 20-11-2024
“Şamaxı” Ceyhun Rzayevlə yollarını ayırıb
17:02 / 20-11-2024
Cennifer Lopez kişiləri manyakcasına öz əsirinə çevirir - Fotolar
16:45 / 20-11-2024
Nazir: "Regionlardakı bəzi poçt şöbələrinin bağlanması araşdırılacaq"
16:22 / 20-11-2024
“Real Betis” klubunun nümayəndəsi Bakıda nəyə təəccüblənib? - Foto
16:09 / 20-11-2024
XİN Qarakənd faciəsi ilə bağlı paylaşım edib
15:55 / 20-11-2024
Deputatın "Zəngimcell" oyunu: "Balansınız bitmişdir..."
15:26 / 20-11-2024
Deputat Elm və Təhsil fondlarının birləşdirilməsini təklif edib
15:23 / 20-11-2024
Xəzəryanı ölkələrin ekoloji təşkilatları memorandum imzalayıb
15:10 / 20-11-2024
Avropa Liqası: "Qarabağ" - "Lion" oyununa 13 min bilet satılıb
12:28 / 18-11-2024
Turan Manafzadə: “Mədəniyyət diplomatiyasından yararlanmağı bacarmalıyıq” - Müsahibə
12:05 / 19-11-2024
MMC vətəndaşın mənzilini dağıdıb, indi də obyektini ələ keçirmək istəyir - Fotolar
11:52 / 16-11-2024
Daha üç qurumun vəzifəli şəxsləri cərimələnib
19:50 / 19-11-2024
Beynəlxalq Bank 272 min manat cərimələnib
10:23 / 16-11-2024
“Azər-Türk Bank"ın vəzifəli şəxsi cərimələnib
16:45 / 20-11-2024
Nazir: "Regionlardakı bəzi poçt şöbələrinin bağlanması araşdırılacaq"
16:22 / 20-11-2024
“Real Betis” klubunun nümayəndəsi Bakıda nəyə təəccüblənib? - Foto
15:29 / 18-11-2024
Daha üç şəhərə konsul təyinatı olub - Siyahı
17:09 / 18-11-2024
Deputatın oğlu yeni vəzifəyə təyin olunub
10:03 / 20-11-2024
Azərbaycan və Türkiyənin bələdiyyə təşkilatları arasında görüş keçirilib - Fotolar
16:18 / 19-11-2024
Birinci instansiya məhkəmələrinə hakimlər təyin edilib - Siyahı
00:03 / 19-11-2024
Yer kürəsinə təhlükə: qitələr arasındakı məsafələr itəcək
Bəyoğlan kişinin arıqlamaqlığı - Akif Cabbarlı yazır
Tarix: 22-10-2024 12:50 | Bölmə: Akif CABBARLI
Akif Cabbarlı
Səhər-səhər avtobus dayanacağında qonşuluqda yaşayan sarıbəniz, kürən kişinin dünən işdə müdirindən də eşitdiyi, “Bəyoğlan müəllim, yaman arıqlamısan ha, səhhətiniz necədir” sözləri qanını necə deyərlər, lap it qanı kimi qaraltdı.
- Heç nə yoxdur, idmana güc vermişəm, bir də ki, yaşım da o yaş deyil axı... Deyirəm qoy bir az yüngülləşim, cənazəmə girənlər dodaqaltı mırtıldamasınlar, bu köpəyoğlu çiynimizi qırdı ki, - deməsinlər.
Qonşusu Bəyoğlanın sözünü çox güman ki, yağ-bal kimi qarşılamadı, üzünü çevirib bir az aralıda papirosuna dəm verdi.
Bəyoğlan Xansuvarlı işə çatan kimi sanitar qovşağındakı güzgünün qabağında sir-sifərinə xeyli tamaşa elədi. Yolboyu səpələyən payız yağışı seyrək, ağappaq saçını islatdığından anaş toyuğun altında gizlənən cücəyə oxşatmışdı onu. Buxağından sallanan qoşa damarlar, gözlərinin altındakı qapqara torbacıqlar, üçbucaq xətkeş küncünü xatırladan hulqumu, bir də heç vaxt dolmayacaq ovurdları, köhnə, solğun peraşkiyə bənzəyən şəlpə qulaqları hələ də gənclik eşqi ilə çırpınan ürəyini kəlbətin kimi sıxdı. “Hə, qocalıq gəlib çıxıb boynuna, xəbərsiz - ətərsiz, icarəsiz. Nə olsun ki, işdə qızlar sənə xala-xətirin qalmasın “gülü burnunda”, “çiçəyi burnunda” oğlan deyir, könlünü açırlar, yox, daha sənin dövranın keçib gedib, işini, bacarığını nəzərə alıb hələlik yola verirlər, abırın-həyan olsa idarədə yaş senzi nəzərə alınmasa da, keçmişinə, istedadına hörmət əlaməti kimi əmək kitabçanı qoltuğuna verib evə yola salmasalar da gərək özün bir nəticə çıxarasan”,- deyə dodaqaltı gileyləndi.
Bəyoğlan kişinin ən çox zəhləsi getdiyi, xoşlamadığı söz kiməsə ünvanlanan “yaman arıqlamısan” ifadəsidir. Hələ yaxşı ki, birbaşa “sınıxmısan”, “üzülmüsən”, “halsızlaşmısan” demirlər. Bu sözləri eşidən adam hansı bədbin fikirlərə düşər, bir Allah bilir. Sonra da ki, adam kökələr də, arıqlayar da, burada nə var axı... Əslində heç açıb-ağardılası məsələ də deyil. Kim acından ölür axı... Söhbət yeməkdən getmir, fikir-zikirdən, qəm-qüssədən gedir. Bəyoğlan müəllim də olduqca həssas adam olduğundan hər şeyi ürəyinə salır, özünə dərd eliyir. Özgələrinin, tanımadığı insanların da dərdini özününkü bilir, onlarla həmdərd olur, köməyini, yardımını əsirgəmir. Çox vaxt qədrini bilməsələr də xeyirxah əməllərindən əl çəkmir.
Bəoğlan Xansuvarlı ölkənin tanınmış, istedadlı memarlarından olduğu üçün uzun illər imkanlı, nüfüzlu idarələrin birində üzdə olan əməkdaşı kimi ad-san qazanıb. Son illər isə ictimai təşkilatda məsləhətçi kimi gününü yola verir. Evdə işə çıxmamağı, nəvələri ilə gün keçirməyi məsləhət bilsələr də, ailə üzvlərini birtəhər başa salır ki, işləməsə, kollektivdə camaat arasında olmasa bağrı çatlayar, tez ölüb gedər. Əlbəttə, ağsaqqalın bu dünyadan vaxtsız (vaxtsız deyəndə ki, yetmiş yaş az da deyil axı...) getməyini heç kim arzulamır, heç ürəyindən də keçirmir. Bir də ki, az-çox ailə büdcəsinə əlavə gəlirdən kim qaçar ki... Bəyoğlan müəllim də əlinə düşəni, halal qazancını ailəsinə, nəvələrinə xərcləyir. Bayramlarda hamının kefi kökəlir. Bilirlər ki, babaları hədiyyə alacaq, hələ üstəlik, babat restoranların birində urvatlı bir səhər yeməyi də verəcək. Belə babanın da uzun yaşaması, sağlam olması və təbii ki, haradasa ortabab bir işdə çalışması ailə üzvlərinin hamısının ürəyindən olmalı idi.
...Bəyoğlan müəllimin üz-gözünü, seyrək saçlarını sahmana salıb iş otağına qayıtması ilə qapının açılması bir vaxta düşdü. Kərim müəllim idi, müdirləri.
- Salam, Bəyoğlan müəllim, dünən sənə irad tutmuşdum ha, sınıxmağını deyirdim. Xətrinə dəyməyib ki, cavan oğlan?...
- Yox, yox, qətiyyən. Müdir, mən əslində ona görə arıqlayıram, sınıxmaq yox ha, arıqlamağımı deyirəm, məhz ona görə arıqlayıram ki, əvəzimdə sizin kimiləri əmələ gəlsin, kökəlsin, gombultəhər olsun. Mənə belə gəlir ki, ətli-canlı olsanız özünüzə də, ətrafdakılara da ləzzət eləyər.
Müdir daha söz oynatmağa risq eləmədi. Yaxşı bilirdi ki, memarlıqla yanaşı yazı-pozu ilə müntəzəm məşğul olan Bəyoğlan müəllimə söz çatdıra bilməyəcək.
Bəyoğlan da yüz faiz əmin idi ki, müdirə dediyi sözün mütləq altını çəkəcək. Belə də oldu. İşin axırında kadrlar şöbəsinin müdiri Minayə xanım onu yanına dəvət elədi.
- Müəllim, bilirsiniz də, ilin axırında bizdə ixtisarlar gözlənilir. Bəlkə sən elə öz ərizənlə...
- Xanım bir ağ vərəq qıyarsanmı mənə? Bir də otağıma keçməyim, vaxt itirməyə dəyməz, - dedi Bəyoğlan müəllim. Sonra da əlavə elədi;
- Adıma, soyadıma diqqət eləsən kimliyimi, xarekterimi dəqiqləşdirə bilərsən. Yəqin bu məqamları hamınız yaddan çıxarmısınız. Bəy olasan, xanın genini daşıyasan, mərdliyi, kişiliyi yaddan çıxarasan, heç cürə alınmaz. Bu gündən mən idarədə yoxam. Müdirinizdə gözünüz olsun. Onun qohum-qardaşlarından topa saqqallı, qulağı sırğalı, toppuş gədələrdən birini də gətirin oturdun mənim stolumda. Allah xeyir versin.
Bəyoğlan müəllim bu sözləri dedi və dərhal ürəyində fikirləşdi; “Görəsən çox ağ eləmədi ki... Heç hənanın yeridir? Nə bəy, nə xan... Köhnə dillə desək, adi kəndçi, zəhmətkeş balası olub. Atasının halal çörəyi ilə böyüyüb”.
Bəyoğlan adını da kimsə kefindən qoyub yəqin. Bəy kimi yaşamaq, bu dünyanın kefini çıxarmaq isə bütün ömrü boyu bəxtinə yazılmayıb ki, yazılmayıb. Elə bu hekayəni qələmə alarkən mən də fikirləşdim ki, Bəyoğlan müəllim müdirlə qədərindən artıq kəskin danışıb axı...
Ertəsi gün hekayəmizin qəhrəmanı Bəyoğlan müəllim həyətdə kürən kişi ilə rastlaşanda qonşusunun əllərini möhkəm–möhkəm sıxıb astaca pıçıldadı;
- Qonşu, çalışın arıqlamayın, sonra düşər-düşməzi olar birdən. Məndən də nigaran qalmayın. Sabahdan məhəllədəki ağsaqqalların, tay-tuşlarımın iştirakı ilə nərd turnirinə başlayırıq. Yaşın çatanda səni də məmnuniyyətlə yarışlara dəvət edərik, inşallah!
Bölməyə aid digər xəbərlər
Tarix: 22-10-2024 12:50 | Bölmə: Akif CABBARLI
Akif Cabbarlı
(hekayə)
Səhər-səhər avtobus dayanacağında qonşuluqda yaşayan sarıbəniz, kürən kişinin dünən işdə müdirindən də eşitdiyi, “Bəyoğlan müəllim, yaman arıqlamısan ha, səhhətiniz necədir” sözləri qanını necə deyərlər, lap it qanı kimi qaraltdı.
- Heç nə yoxdur, idmana güc vermişəm, bir də ki, yaşım da o yaş deyil axı... Deyirəm qoy bir az yüngülləşim, cənazəmə girənlər dodaqaltı mırtıldamasınlar, bu köpəyoğlu çiynimizi qırdı ki, - deməsinlər.
Qonşusu Bəyoğlanın sözünü çox güman ki, yağ-bal kimi qarşılamadı, üzünü çevirib bir az aralıda papirosuna dəm verdi.
Bəyoğlan Xansuvarlı işə çatan kimi sanitar qovşağındakı güzgünün qabağında sir-sifərinə xeyli tamaşa elədi. Yolboyu səpələyən payız yağışı seyrək, ağappaq saçını islatdığından anaş toyuğun altında gizlənən cücəyə oxşatmışdı onu. Buxağından sallanan qoşa damarlar, gözlərinin altındakı qapqara torbacıqlar, üçbucaq xətkeş küncünü xatırladan hulqumu, bir də heç vaxt dolmayacaq ovurdları, köhnə, solğun peraşkiyə bənzəyən şəlpə qulaqları hələ də gənclik eşqi ilə çırpınan ürəyini kəlbətin kimi sıxdı. “Hə, qocalıq gəlib çıxıb boynuna, xəbərsiz - ətərsiz, icarəsiz. Nə olsun ki, işdə qızlar sənə xala-xətirin qalmasın “gülü burnunda”, “çiçəyi burnunda” oğlan deyir, könlünü açırlar, yox, daha sənin dövranın keçib gedib, işini, bacarığını nəzərə alıb hələlik yola verirlər, abırın-həyan olsa idarədə yaş senzi nəzərə alınmasa da, keçmişinə, istedadına hörmət əlaməti kimi əmək kitabçanı qoltuğuna verib evə yola salmasalar da gərək özün bir nəticə çıxarasan”,- deyə dodaqaltı gileyləndi.
Bəyoğlan kişinin ən çox zəhləsi getdiyi, xoşlamadığı söz kiməsə ünvanlanan “yaman arıqlamısan” ifadəsidir. Hələ yaxşı ki, birbaşa “sınıxmısan”, “üzülmüsən”, “halsızlaşmısan” demirlər. Bu sözləri eşidən adam hansı bədbin fikirlərə düşər, bir Allah bilir. Sonra da ki, adam kökələr də, arıqlayar da, burada nə var axı... Əslində heç açıb-ağardılası məsələ də deyil. Kim acından ölür axı... Söhbət yeməkdən getmir, fikir-zikirdən, qəm-qüssədən gedir. Bəyoğlan müəllim də olduqca həssas adam olduğundan hər şeyi ürəyinə salır, özünə dərd eliyir. Özgələrinin, tanımadığı insanların da dərdini özününkü bilir, onlarla həmdərd olur, köməyini, yardımını əsirgəmir. Çox vaxt qədrini bilməsələr də xeyirxah əməllərindən əl çəkmir.
Bəoğlan Xansuvarlı ölkənin tanınmış, istedadlı memarlarından olduğu üçün uzun illər imkanlı, nüfüzlu idarələrin birində üzdə olan əməkdaşı kimi ad-san qazanıb. Son illər isə ictimai təşkilatda məsləhətçi kimi gününü yola verir. Evdə işə çıxmamağı, nəvələri ilə gün keçirməyi məsləhət bilsələr də, ailə üzvlərini birtəhər başa salır ki, işləməsə, kollektivdə camaat arasında olmasa bağrı çatlayar, tez ölüb gedər. Əlbəttə, ağsaqqalın bu dünyadan vaxtsız (vaxtsız deyəndə ki, yetmiş yaş az da deyil axı...) getməyini heç kim arzulamır, heç ürəyindən də keçirmir. Bir də ki, az-çox ailə büdcəsinə əlavə gəlirdən kim qaçar ki... Bəyoğlan müəllim də əlinə düşəni, halal qazancını ailəsinə, nəvələrinə xərcləyir. Bayramlarda hamının kefi kökəlir. Bilirlər ki, babaları hədiyyə alacaq, hələ üstəlik, babat restoranların birində urvatlı bir səhər yeməyi də verəcək. Belə babanın da uzun yaşaması, sağlam olması və təbii ki, haradasa ortabab bir işdə çalışması ailə üzvlərinin hamısının ürəyindən olmalı idi.
...Bəyoğlan müəllimin üz-gözünü, seyrək saçlarını sahmana salıb iş otağına qayıtması ilə qapının açılması bir vaxta düşdü. Kərim müəllim idi, müdirləri.
- Salam, Bəyoğlan müəllim, dünən sənə irad tutmuşdum ha, sınıxmağını deyirdim. Xətrinə dəyməyib ki, cavan oğlan?...
- Yox, yox, qətiyyən. Müdir, mən əslində ona görə arıqlayıram, sınıxmaq yox ha, arıqlamağımı deyirəm, məhz ona görə arıqlayıram ki, əvəzimdə sizin kimiləri əmələ gəlsin, kökəlsin, gombultəhər olsun. Mənə belə gəlir ki, ətli-canlı olsanız özünüzə də, ətrafdakılara da ləzzət eləyər.
Müdir daha söz oynatmağa risq eləmədi. Yaxşı bilirdi ki, memarlıqla yanaşı yazı-pozu ilə müntəzəm məşğul olan Bəyoğlan müəllimə söz çatdıra bilməyəcək.
Bəyoğlan da yüz faiz əmin idi ki, müdirə dediyi sözün mütləq altını çəkəcək. Belə də oldu. İşin axırında kadrlar şöbəsinin müdiri Minayə xanım onu yanına dəvət elədi.
- Müəllim, bilirsiniz də, ilin axırında bizdə ixtisarlar gözlənilir. Bəlkə sən elə öz ərizənlə...
- Xanım bir ağ vərəq qıyarsanmı mənə? Bir də otağıma keçməyim, vaxt itirməyə dəyməz, - dedi Bəyoğlan müəllim. Sonra da əlavə elədi;
- Adıma, soyadıma diqqət eləsən kimliyimi, xarekterimi dəqiqləşdirə bilərsən. Yəqin bu məqamları hamınız yaddan çıxarmısınız. Bəy olasan, xanın genini daşıyasan, mərdliyi, kişiliyi yaddan çıxarasan, heç cürə alınmaz. Bu gündən mən idarədə yoxam. Müdirinizdə gözünüz olsun. Onun qohum-qardaşlarından topa saqqallı, qulağı sırğalı, toppuş gədələrdən birini də gətirin oturdun mənim stolumda. Allah xeyir versin.
Bəyoğlan müəllim bu sözləri dedi və dərhal ürəyində fikirləşdi; “Görəsən çox ağ eləmədi ki... Heç hənanın yeridir? Nə bəy, nə xan... Köhnə dillə desək, adi kəndçi, zəhmətkeş balası olub. Atasının halal çörəyi ilə böyüyüb”.
Bəyoğlan adını da kimsə kefindən qoyub yəqin. Bəy kimi yaşamaq, bu dünyanın kefini çıxarmaq isə bütün ömrü boyu bəxtinə yazılmayıb ki, yazılmayıb. Elə bu hekayəni qələmə alarkən mən də fikirləşdim ki, Bəyoğlan müəllim müdirlə qədərindən artıq kəskin danışıb axı...
Ertəsi gün hekayəmizin qəhrəmanı Bəyoğlan müəllim həyətdə kürən kişi ilə rastlaşanda qonşusunun əllərini möhkəm–möhkəm sıxıb astaca pıçıldadı;
- Qonşu, çalışın arıqlamayın, sonra düşər-düşməzi olar birdən. Məndən də nigaran qalmayın. Sabahdan məhəllədəki ağsaqqalların, tay-tuşlarımın iştirakı ilə nərd turnirinə başlayırıq. Yaşın çatanda səni də məmnuniyyətlə yarışlara dəvət edərik, inşallah!
Müəllifin bütün yazıları - Akif CABBARLI
Bölməyə aid digər xəbərlər
9-09-2024, 12:18
Akif CABBARLI - Kəlbəcərə gedə bilmədi, doğmalarının qəlbində yuva qurdu - Akif Cabbarlı yazır
14-07-2022, 10:47
Akif CABBARLI - Səfərin uğurlu olsun, yollarına günəş doğsun - Akif Cabbarlı yazır
26-11-2021, 11:35
Akif CABBARLI - Vicdan borcu - Kənan Hacı yeni romanında məhz bu prinsipi önə çəkir
15-07-2020, 13:02
Akif CABBARLI - Şəhid general-mayor Polad Həşimova açıq məktub - Akif Cabbarlı yazır
Deputatlığa namizəd Milli Məclisdə təmsil etmək istədiyi bölgənin problemlərinin təsnifatını artıq ağlına yazıb və işə nədən başlayacağını sıralayıb
Qüdrət Həsənquliyev: “Düşmənçiliyə son qoymaq üçün ədalətli sülhə nail olmaq gərəkdir. Bunun üçün ya tərəflər 1991-ci ilin sərhədləri çərçivəsində bir-birinin ərazi bütövlüyünü tanıyır, ya da ərazi mübadiləsinə gedirlər. Amma indiki mərhələdə bu, az inandırıcı görünür”
“Tənha insanın monoloqu”nun ssenari müəllifi və rejissoru deyir ki, kinomuzu yaşatmaq və irəli aparmaq üçün film istehsalını artırmalı və onun bazarını düşünməliyik
Mirəli Sarızadə: “Gənc yaşımda arzum həyata keçdi, inşallah, yeni mövsümdə teatrımızın səhnəsində də Məcnun obrazı ilə tamaşaçılar qarşısına çıxacam”
