23:11 / 18-03-2024
Ukrayna ordusu geri çəkilir
20:16 / 18-03-2024
Borrell ikibaşlı danışır
“Hər araq şüşəsi bu ölkəyə salamat gedib çıxmır”
Tarix: 22-04-2021 12:19 | Bölmə: Akif CABBARLI
“Hər araq şüşəsi bu ölkəyə salamat gedib çıxmır”
Həyat etüdləri

2002-ci ildə Amerika Birləşmiş Ştatlarının ölkəmizdəki səfirliyinin dəstəyi ilə Beynəlxalq Müsafirlər Proqramı çərçivəsində okeanın o tayına iyirmi günlük səfərə getmişdik. Cəmi altı nəfərlik qrupda ölkəmizin nüfuzlu KİV nümayəndələri vardı.

Vaşinqtonda prestijli otellərin birində hərəmizə ayrı-ayrılıqda nömrə verdilər. Yol bizi yorsa da, azacıq dincəldikdən sonra tərcüməçimiz, “Amerikanın səsi” radiosunun əməkdaşı Bulud Mehmandarlının yanında toplaşmağı, şam etməyi, söhbətləşməyi qərara aldıq.

Çemodanı açanda hələ indi də yadımdan çıxamayan, məni üzən mənzərə ilə rastlaşdım. Özümlə götürdüyüm, o vaxtlar üçün çox məşhur olan Azərbaycan istehsalı araqların cəmi bir butılkası salamat qalmış, üçü isə xıncım-xıncım olmuşdu. Təbii ki, olan olmuşdu, aeroport işçilərini, ya da özümü söyməyin, ya qınamağın heç bir əhəmiyyəti yox idi. Şüşə qırıntılarını heç bir kitaba, dəftərə sığmayan anlaşılmaz mızıltı və söyüş sədaları altında, barmaqlarımı qanada-qanada güc-bəla toplayıb otağın girəcəyindəki zibil qutusuna atdım. Salamat qalmış araq şüşəsini qoltuğuma vurub səfər yoldaşlarımın yanına getdim. Heç olmasa, bircə butılka araqla sifətimin dörddə birini ağartmaq istədim. Görüş vaxtı baş elə qarışdı ki, bu əhvalatı həmkarlarıma nağıl eləyə bilmədim. Ertəsi gün isə Bulud məni bir kənara çəkib dünənki vəziyyətlə bağlı utana-utana bunları söylədi:

- Qardaş, narahat olmağa dəyməz, belə hallar tez-tez baş verir. Amerika uzaq ölkədir, bura növbəti gəlişində içki gətirməsən də olar, amma işdir-şayət pay üçün gətirsən, gərək ustalıqla qablaşdırasan. Bir də ki, mərtəbə növbətçisi çox heyfisləndi ki, Azərbaycan istehsalı olan araq butulkasını boş da olsa evinə apara bilməyib. Bu, onun hobbisidir, bütün ölkələrdən gələn müsafirlərin gətirdiyi şüşə qabları suvenir kimi evində yığıb saxlayır. Eybi yox, borc olsun.

Bulud elə ətraflı, sərrast və xoş danışdı ki, özümü sığortalamaq üçün nə isə deməyi artıq hesab elədim.

Müəllifin bütün yazıları - Akif CABBARLI



Bölməyə aid digər xəbərlər
{sape_links}{sape_article}