12:38 / 21-11-2024
Rusiya-Ukrayna savaşı: Qərb silahları müharibənin xarakterini dəyişir
12:36 / 21-11-2024
Hesablama Palatası İşsizlikdən Sığorta Fondunun büdcəsi ilə bağlı təkliflər verib
12:24 / 21-11-2024
Sabah hava necə olacaq? - Proqnoz
12:13 / 21-11-2024
İrəvan-Tbilisi-İrəvan istiqamətində hava uçuşları başlayır
12:13 / 21-11-2024
Kərim Vəliyev pakistanlı komandanla görüşüb
12:00 / 21-11-2024
Sahil Babayev: "Bu paket 3 milyon insanı əhatə edəcək"
12:00 / 21-11-2024
Rusiyaya güclü artilleriya sistemləri göndərirlər - Foto
11:50 / 21-11-2024
Ermənistan 78 artilleriya qurğusu almaq istəyir
11:45 / 21-11-2024
Generalın oğlu vəzifəyə təyin olunub
11:43 / 21-11-2024
Rusiya Həştərxandan ballistik raket buraxıb - Foto
11:39 / 21-11-2024
Nazir pensiyalarda proqnozlaşdırılan artımları açıqlayıb
11:27 / 21-11-2024
COP29 zirvəsi Ərdoğanı leyboristlərlə barışdırıb
11:19 / 21-11-2024
Dövlət sərhədini pozan hava gəmiləri və... - Hökumət yeni qərar verib
11:15 / 21-11-2024
Bakıda daha 46 marşrutun fəaliyyəti bərpa olunur
10:56 / 21-11-2024
Şəhid ailələri ilə bağlı yeni qaydalar təsdiqlənib
10:54 / 21-11-2024
Pivə istehsalçıları cərimələnib
10:42 / 21-11-2024
İranda güclü zəlzələ olub
10:03 / 21-11-2024
İlon Mask miqrasiya ilə bağlı təklif verib
10:02 / 21-11-2024
BMT rəsmisi: "Bakı Bəyannaməsi gələcək üçün mühüm impuls yaradacaq"
09:58 / 21-11-2024
Akula idmançını parçalayıb
09:51 / 21-11-2024
Vladimir Zelenskinin gizli planı varmış
09:42 / 21-11-2024
Merkel: “Tramp Putinə heyran olub”
09:37 / 21-11-2024
Naxçıvan səhiyyəsində həbslər başlayıb
09:36 / 21-11-2024
Bjaniya: “Moskvaya müraciət etməmişik”
09:26 / 21-11-2024
Mask Trampın dəstəyi ilə almanlara meydan oxuyur
09:23 / 21-11-2024
BMT Baş katibi Azərbaycana gəlib - Foto
00:02 / 21-11-2024
Tramp keçmiş prokuroru NATO-ya göndərir
23:46 / 20-11-2024
"Nazir məni kasıblara kömək üçün göndərib" deyən şəxsə hökm oxunub
23:09 / 20-11-2024
Prezident Ağdam şəhəri ilə bağlı paylaşım edib
12:28 / 18-11-2024
Turan Manafzadə: “Mədəniyyət diplomatiyasından yararlanmağı bacarmalıyıq” - Müsahibə
12:05 / 19-11-2024
MMC vətəndaşın mənzilini dağıdıb, indi də obyektini ələ keçirmək istəyir - Fotolar
19:50 / 19-11-2024
Beynəlxalq Bank 272 min manat cərimələnib
16:45 / 20-11-2024
Nazir: "Regionlardakı bəzi poçt şöbələrinin bağlanması araşdırılacaq"
16:22 / 20-11-2024
“Real Betis” klubunun nümayəndəsi Bakıda nəyə təəccüblənib? - Foto
15:29 / 18-11-2024
Daha üç şəhərə konsul təyinatı olub - Siyahı
17:09 / 18-11-2024
Deputatın oğlu yeni vəzifəyə təyin olunub
10:03 / 20-11-2024
Azərbaycan və Türkiyənin bələdiyyə təşkilatları arasında görüş keçirilib - Fotolar
16:18 / 19-11-2024
Birinci instansiya məhkəmələrinə hakimlər təyin edilib - Siyahı
15:55 / 20-11-2024
Deputatın "Zəngimcell" oyunu: "Balansınız bitmişdir..."
00:03 / 19-11-2024
Yer kürəsinə təhlükə: qitələr arasındakı məsafələr itəcək
17:14 / 19-11-2024
Zenqin Mask haqqında dedikləri təəccüb doğurub
Yeni-yeni obrazlar, mövzular sorağında - Akif Cabbarlı yazır
Tarix: 01-04-2022 12:02 | Bölmə: Akif CABBARLI
Yüzlərlə şeirin, məqalə və oçerkin, “Borçalı nisgili”, “Vurğuna vurğun gəlin” və “Ana fəryadı” kimi dram əsərlərinin müəllifi və peşəkar neftçi Zaməddin Ziyadoğlunun 75 yaşı tamam olur. Doğum tarixi aprelin 1-nə düşdüyündən dostları bu baməzə və zarafatcıl kişiyə “birdən bizi aldadarsan ha, dəqiq bilirsənmi ki, aprelin 1-də anadan olmusan?”- deyə sataşırlar da. O da sadəcə bircə cümlə ilə cavab verir: “doğrusunu cicim (yəni ki, anam-A.C) bilər, ondan soruşun”.
Allah dostumuzun anasına rəhmət eləsin, amma biz də müəyyən “mənbə”lərdən dəqiqləşdirmişik, düz 75 il əvvəl şairlər yurdu Qazax elinin Xanlıqlar kəndində doğulub əzizimiz, dostumuz, yoldaşımız və qələmdaşımız Zaməddin Ziyad oğlu Həmişəyev. Bakı Neft Texnikumunu və Moskva Ümumittafaq Həmkarlar Hərəkatı Ali Məktəbini bitirib. Bir müddət Neft Daşlarında işləyib. Sonralar Neft Sənayesi işçiləri Həmkarlar İttifaqı Respublika Komitəsinin sədri olub. Daha sonra Əli Əmirov adına Neft və Qazçıxarma idarəsində ağsaqqal neftçi Kərim Kərimovun müavini vəzifəsində çalışıb. Köhnə və sadiq dostu Mətləb Qarayevlə bir kollektivdə işləməsi də ürəyindən olub.
Zaməddin müəllim neftçi əməyinə, bu sahədə çalışan mərd və yenilməz insanların xarakterinə yaxşı bələd olduğundan poeziyasında da bu prinsipləri önə çəkir, yaxşı insanların, xeyirxah adamların tale yollarına işıq salır.
Zaməddin Ziyadoğlu
Təpədən dırnağa folklar ruhuna bələnmiş Zaməddin müəllimin poetik düşüncələri sərhəd tanımır. Başıbəlalı Qarabağın harayı (çox şükürlər olsun ki, Qarabağımız düşmən tapdağından azad olundu), Damcılı bulağın, Qəbələnin, Qəçrəşin, Zaqatala meşələrinin, Lənkəranın əsrarəngiz təbiəti, mədən yolları, dost könülləri, Borçalı nisgili Zaməddin Ziyadoğlu yaradıcılığının əsas mövzularındandır. Onun yaradıcılığı haqqında mətbuatda çox yazılıb. Xalq şairi Mirvari Dilbazi, akademiklər Teymur Bünyadov, Nizami Cəfərov, istedadlı şair Rəfail İncəyurd və digər tanınmış qələm sahibləri Zaməddin müəllimin poetik duyğularını yüksək qiymətləndiriblər.
Hacı Zaməddin Ziyadoğlu hələ gənclik illərindən həmyerliləri şair Əbdürəhim ağa Dilbazdan, dövlət adamı Yusif Yusifovdan, əmisi Şirin Həmzəyevdən və digər tanınmış hünər və zəka sahiblərindən, söz-sənət adamlarından bəhrələnib, onlardan öyrəndikləri mətləbləri yaradıcılığında təcəssüm etdirib.
Vidadi, Vaqifdi, Vurğundu yurdum,
Şəninə şeirdən çələnglər hördüm.
Saz üstə söz deyib, aqildən sordum;
Dedi ki, sayrışan nurdu Qazağım.
Ötən əsrin 90-cı illərində məşhur neftçi Kərim Kərimovun yubiley məclisində Böyük Vətən Müharibəsi veteranı, tanınmış şair və publisist Gəray Fəzlinin yubliyar haqqında seirini Zaməddin müəllim səsləndirmişdi. Nədən ki, ağır döyüşlərdə düşmən gülləsi Gəray müəllimin səs tellərini zədələdiyindən o, öz şeirlərini yüksək tonla oxuya bilmirdi. Həmin gecə də Gəray müəllimin şeirini oxumaq qisməti Zaməddin müəllimin payına düşmüşdü və o anlar yaşadığmız kövrək hissləri indiyədək unuda bilmirəm. Gəray müəllim Zaməddini bağrına basaraq demişdi: “Sən yaxşı şair və ustad natiq olacaqsan”.
Gəray müəllimin proqnozu həqiqətə çevrildi və bu gün Zaməddin Ziyadoğlu Azərbaycan poeziyasında öz dəst-xətti olan qələm sahibləri sırasındadır. Onun rəhbərlik etdiyi “Neftçi” ədəbi məclisi “Vışka” qəzeti redaksiyasının nəzdində fəaliyyət göstərsə də xoş sorağı respublikamızın hər yerindən gəlir.
Zaməddin müəllimi doğma Qəbələmizdə də yaxşı tanıyırlar. Vaxtilə atamla da dostluq edirdi. Hər il mayın 9-da Qələbə bayramını və atamın ad gününü qeyd etmək üçün bir yerdə Qəbələyə gedərdik. Deyirdi ki, İsmayıl kişiyə baş çəkməsəm, onu Qələbə münasibətilə təbrik etməsəm, rahatlıq tapmaram. Qələbə günü həm də Zaməddin müəllimin dili ilə desək bizim üçün Qəbələ günü hesab olunurdu. İndi də ara-sıra yolumuz Qəbələyə və Qazaxa düşür, köhnə və yeni dostlarımızla görüşürük. Hər dəfə də ondan məşhur “Həncərisən” şeirini oxumağı xahiş edirik.
30-35 il əvvəl yazdığı şeirdə Zaməddin müəllim deyirdi;
Aman Allah, keçən günlər hardadı?
El-obamın yaylaqları dardadı
Yaddaşımın yadında da var dadı
Qulançarı, cincilimi, pencəri?
Ağrın alem, həncərisən , həncəri?
İllər keçib, el-oba yaylaqları dardan qutarıb, dağlarımızda, yamaclarımızda novruzgülləri, lalələr boy göstərir. Zaməddin müəllimin qəlbindən də şirin-şirin duyğular keçir. Şair yeni mövzular üzərində düşünür, yeni-yeni qəhrəmanlar, obrazlar soraqlayır. Bizə də o qalır ki, 75 yaşlı dostumuza, həyatın hər üzünü görmüş, taleyin bütün sınaqlarına mərdanəliklə sinə gərmiş, ləyaqət, dəyanət və xeyirxahlıq simvolu kimi tanıdığımız Zaməddin Ziyadoğluna cansağlığı, uzun ömür, yeni yaradıcılıq uğurları arzulayaq. Yaz, yarat, qardaş, yeni şeirlərini və dost məclislərində çox həvəslə dinlənilən mənalı və məzəli söhbətlərini, lətifələrini səbirsizliklə gözləyirik.
Bölməyə aid digər xəbərlər
Tarix: 01-04-2022 12:02 | Bölmə: Akif CABBARLI
Yüzlərlə şeirin, məqalə və oçerkin, “Borçalı nisgili”, “Vurğuna vurğun gəlin” və “Ana fəryadı” kimi dram əsərlərinin müəllifi və peşəkar neftçi Zaməddin Ziyadoğlunun 75 yaşı tamam olur. Doğum tarixi aprelin 1-nə düşdüyündən dostları bu baməzə və zarafatcıl kişiyə “birdən bizi aldadarsan ha, dəqiq bilirsənmi ki, aprelin 1-də anadan olmusan?”- deyə sataşırlar da. O da sadəcə bircə cümlə ilə cavab verir: “doğrusunu cicim (yəni ki, anam-A.C) bilər, ondan soruşun”.
Allah dostumuzun anasına rəhmət eləsin, amma biz də müəyyən “mənbə”lərdən dəqiqləşdirmişik, düz 75 il əvvəl şairlər yurdu Qazax elinin Xanlıqlar kəndində doğulub əzizimiz, dostumuz, yoldaşımız və qələmdaşımız Zaməddin Ziyad oğlu Həmişəyev. Bakı Neft Texnikumunu və Moskva Ümumittafaq Həmkarlar Hərəkatı Ali Məktəbini bitirib. Bir müddət Neft Daşlarında işləyib. Sonralar Neft Sənayesi işçiləri Həmkarlar İttifaqı Respublika Komitəsinin sədri olub. Daha sonra Əli Əmirov adına Neft və Qazçıxarma idarəsində ağsaqqal neftçi Kərim Kərimovun müavini vəzifəsində çalışıb. Köhnə və sadiq dostu Mətləb Qarayevlə bir kollektivdə işləməsi də ürəyindən olub.
Zaməddin müəllim neftçi əməyinə, bu sahədə çalışan mərd və yenilməz insanların xarakterinə yaxşı bələd olduğundan poeziyasında da bu prinsipləri önə çəkir, yaxşı insanların, xeyirxah adamların tale yollarına işıq salır.
Zaməddin Ziyadoğlu
Təpədən dırnağa folklar ruhuna bələnmiş Zaməddin müəllimin poetik düşüncələri sərhəd tanımır. Başıbəlalı Qarabağın harayı (çox şükürlər olsun ki, Qarabağımız düşmən tapdağından azad olundu), Damcılı bulağın, Qəbələnin, Qəçrəşin, Zaqatala meşələrinin, Lənkəranın əsrarəngiz təbiəti, mədən yolları, dost könülləri, Borçalı nisgili Zaməddin Ziyadoğlu yaradıcılığının əsas mövzularındandır. Onun yaradıcılığı haqqında mətbuatda çox yazılıb. Xalq şairi Mirvari Dilbazi, akademiklər Teymur Bünyadov, Nizami Cəfərov, istedadlı şair Rəfail İncəyurd və digər tanınmış qələm sahibləri Zaməddin müəllimin poetik duyğularını yüksək qiymətləndiriblər.
Hacı Zaməddin Ziyadoğlu hələ gənclik illərindən həmyerliləri şair Əbdürəhim ağa Dilbazdan, dövlət adamı Yusif Yusifovdan, əmisi Şirin Həmzəyevdən və digər tanınmış hünər və zəka sahiblərindən, söz-sənət adamlarından bəhrələnib, onlardan öyrəndikləri mətləbləri yaradıcılığında təcəssüm etdirib.
Vidadi, Vaqifdi, Vurğundu yurdum,
Şəninə şeirdən çələnglər hördüm.
Saz üstə söz deyib, aqildən sordum;
Dedi ki, sayrışan nurdu Qazağım.
Ötən əsrin 90-cı illərində məşhur neftçi Kərim Kərimovun yubiley məclisində Böyük Vətən Müharibəsi veteranı, tanınmış şair və publisist Gəray Fəzlinin yubliyar haqqında seirini Zaməddin müəllim səsləndirmişdi. Nədən ki, ağır döyüşlərdə düşmən gülləsi Gəray müəllimin səs tellərini zədələdiyindən o, öz şeirlərini yüksək tonla oxuya bilmirdi. Həmin gecə də Gəray müəllimin şeirini oxumaq qisməti Zaməddin müəllimin payına düşmüşdü və o anlar yaşadığmız kövrək hissləri indiyədək unuda bilmirəm. Gəray müəllim Zaməddini bağrına basaraq demişdi: “Sən yaxşı şair və ustad natiq olacaqsan”.
Gəray müəllimin proqnozu həqiqətə çevrildi və bu gün Zaməddin Ziyadoğlu Azərbaycan poeziyasında öz dəst-xətti olan qələm sahibləri sırasındadır. Onun rəhbərlik etdiyi “Neftçi” ədəbi məclisi “Vışka” qəzeti redaksiyasının nəzdində fəaliyyət göstərsə də xoş sorağı respublikamızın hər yerindən gəlir.
Zaməddin müəllimi doğma Qəbələmizdə də yaxşı tanıyırlar. Vaxtilə atamla da dostluq edirdi. Hər il mayın 9-da Qələbə bayramını və atamın ad gününü qeyd etmək üçün bir yerdə Qəbələyə gedərdik. Deyirdi ki, İsmayıl kişiyə baş çəkməsəm, onu Qələbə münasibətilə təbrik etməsəm, rahatlıq tapmaram. Qələbə günü həm də Zaməddin müəllimin dili ilə desək bizim üçün Qəbələ günü hesab olunurdu. İndi də ara-sıra yolumuz Qəbələyə və Qazaxa düşür, köhnə və yeni dostlarımızla görüşürük. Hər dəfə də ondan məşhur “Həncərisən” şeirini oxumağı xahiş edirik.
30-35 il əvvəl yazdığı şeirdə Zaməddin müəllim deyirdi;
Aman Allah, keçən günlər hardadı?
El-obamın yaylaqları dardadı
Yaddaşımın yadında da var dadı
Qulançarı, cincilimi, pencəri?
Ağrın alem, həncərisən , həncəri?
İllər keçib, el-oba yaylaqları dardan qutarıb, dağlarımızda, yamaclarımızda novruzgülləri, lalələr boy göstərir. Zaməddin müəllimin qəlbindən də şirin-şirin duyğular keçir. Şair yeni mövzular üzərində düşünür, yeni-yeni qəhrəmanlar, obrazlar soraqlayır. Bizə də o qalır ki, 75 yaşlı dostumuza, həyatın hər üzünü görmüş, taleyin bütün sınaqlarına mərdanəliklə sinə gərmiş, ləyaqət, dəyanət və xeyirxahlıq simvolu kimi tanıdığımız Zaməddin Ziyadoğluna cansağlığı, uzun ömür, yeni yaradıcılıq uğurları arzulayaq. Yaz, yarat, qardaş, yeni şeirlərini və dost məclislərində çox həvəslə dinlənilən mənalı və məzəli söhbətlərini, lətifələrini səbirsizliklə gözləyirik.
Müəllifin bütün yazıları - Akif CABBARLI
Bölməyə aid digər xəbərlər
9-09-2024, 12:18
Akif CABBARLI - Kəlbəcərə gedə bilmədi, doğmalarının qəlbində yuva qurdu - Akif Cabbarlı yazır
14-07-2022, 10:47
Akif CABBARLI - Səfərin uğurlu olsun, yollarına günəş doğsun - Akif Cabbarlı yazır
26-11-2021, 11:35
Akif CABBARLI - Vicdan borcu - Kənan Hacı yeni romanında məhz bu prinsipi önə çəkir
15-07-2020, 13:02
Akif CABBARLI - Şəhid general-mayor Polad Həşimova açıq məktub - Akif Cabbarlı yazır
Deputatlığa namizəd Milli Məclisdə təmsil etmək istədiyi bölgənin problemlərinin təsnifatını artıq ağlına yazıb və işə nədən başlayacağını sıralayıb
Qüdrət Həsənquliyev: “Düşmənçiliyə son qoymaq üçün ədalətli sülhə nail olmaq gərəkdir. Bunun üçün ya tərəflər 1991-ci ilin sərhədləri çərçivəsində bir-birinin ərazi bütövlüyünü tanıyır, ya da ərazi mübadiləsinə gedirlər. Amma indiki mərhələdə bu, az inandırıcı görünür”
“Tənha insanın monoloqu”nun ssenari müəllifi və rejissoru deyir ki, kinomuzu yaşatmaq və irəli aparmaq üçün film istehsalını artırmalı və onun bazarını düşünməliyik
Mirəli Sarızadə: “Gənc yaşımda arzum həyata keçdi, inşallah, yeni mövsümdə teatrımızın səhnəsində də Məcnun obrazı ilə tamaşaçılar qarşısına çıxacam”
