00:04 / 21-05-2025
Aİ “Azadlıq Radiosu”na 5,5 milyon avro ayırıb
22:36 / 20-05-2025
Sabirabaddakı qətl hadisəsi araşdırılır
19:07 / 20-05-2025
Milli Məclis daha 13 qanuna dəyişikliyi müzakirəyə çıxaracaq
18:45 / 20-05-2025
Yanacaqsız işləyən mühərrik kəşf ediblər
18:23 / 20-05-2025
Tramp Avropa liderlərini çıxılmaz vəziyyətlə üzləşdirir
18:14 / 20-05-2025
Tofiq Yaqublunun şikayəti rədd olunub
18:12 / 20-05-2025
Ukrayna nümayəndələri İstanbul görüşündə rus dilində danışıblar
18:02 / 20-05-2025
İlham Əliyevlə Viktor Orban görüşüb - Birgə bəyanat - (Yenilənib) - Fotolar+Video
17:54 / 20-05-2025
Bələdiyyələrin vahid informasiya sistemi yaradılacaq
17:48 / 20-05-2025
Polis 75 kq narkotik maddəni dövriyyədən çıxarıb - 10 nəfər saxlanılıb
17:24 / 20-05-2025
10 kiloqram qızılı talayan dəstə tutulub - Video
17:12 / 20-05-2025
Prokuror "Abzas işi" ilə bağlı cəza istəyib
16:34 / 20-05-2025
Tanınmış musiqiçi xeyriyyəçilik edib - Fotolar
16:01 / 20-05-2025
Ər arvadını öldürərək Kür çayına atıb
15:55 / 20-05-2025
Tramp sülh danışıqlarından çıxa bilər: “Bu, mənim müharibəm deyil”
15:43 / 20-05-2025
Xamnəi ABŞ-la danışıqlardan müsbət nəticə gözləmir
14:50 / 20-05-2025
III Çarlz Azərbaycan prezidentinə məktub göndərib - Mətn
14:47 / 20-05-2025
Kral Salman İlham Əliyevə məktub ünvanlayıb
14:30 / 20-05-2025
Sabah güclü külək əsəcək - Xəbərdarlıq
14:29 / 20-05-2025
Rusiyaya qarşı 17-ci sanksiya paketi təsdiqlənib
14:20 / 20-05-2025
Qarabağa növbəti köç karvanı gedib - (Yenilənib)
14:04 / 20-05-2025
İlham Əliyev Macarıstanda işgüzar səfərdədir - Fotolar
14:00 / 20-05-2025
İcra başçısı onları vəzifədən azad edib
13:33 / 20-05-2025
Hindistan Ermənistanın silah bazarında Rusiyanı əvəz edir
13:08 / 20-05-2025
Sumqayıtdakı zavodda partlayış olub - (Yenilənib)
13:02 / 20-05-2025
Limana və gəmilərə hücum ola bilər
12:59 / 20-05-2025
İki direktora şiddətli töhmət veriblər
12:51 / 20-05-2025
“Son zəng” iyunun 14-də çalınacaq
12:34 / 20-05-2025
Pakistan və Hindistan razılaşıb
12:22 / 20-05-2025
Ərdoğan vasitəçilikdən nə qazanır?
15:02 / 16-05-2025
15 gün sovetlərsiz yaşayan Lənkəran...
08:45 / 16-05-2025
Çindən Qazaxıstana turist axını var
17:37 / 16-05-2025
Türkiyənin qlobal rolu artır, təsir imkanları genişlənir - Partiya sədri
09:51 / 16-05-2025
Professor: Əsas şüar “Vahid vətən, vahid dövlət, vahid bayraq!” ola bilər
01:38 / 16-05-2025
“Avroviziya-2025”-in finalçıları bəlli olub - Siyahı
14:21 / 16-05-2025
İlham Əliyev Avropa İttifaqı rəhbərləri ilə görüşüb - Fotolar
10:38 / 17-05-2025
Venera planetində yaşayış mümkündür
16:30 / 19-05-2025
Zülfüqarov: Şərtlər Avropadan Azərbaycanla sağlam münasibətlər qurmağı tələb edir
12:20 / 16-05-2025
“Əmək pensiyaları haqqında” qanun dəyişib
11:12 / 16-05-2025
Kirayə mənzillər layihəsində dələduzluq: kreditlər necə "fırladılır"? - Açıqlamalar
08:33 / 16-05-2025
Məşhur müğənni hücuma görə həbs edilib
09:20 / 16-05-2025
Tədris Cərrahiyyə Klinikası deputatın şirkətindən 1.2 milyonluq dərman alır
Həyat etüdləri...
Tarix: 13-09-2018 20:05 | Bölmə: Akif CABBARLI
Hətəmin dəyişməz marşrutu
N rayonundakı fermer təsərrüfatlarından birinin rəhbəri xeyli pullanandan sonra gözü qızır, fikirləşir ki, niyə də hallıca-dulluca gözəllərdən birini özünə sevgili eləməsin? Kənddə iki malikanəsi, rayon mərkəzində villası, paytaxtda üç mənzili, xeyli pulu, maşınları, daha nələr-nələr... Uşaqları da böyüyüb, ali məktəbdə oxuyurlar. Bir arvadla ömür-gün çürütmək Hətəm kimi kişiyə yaraşmazdı, axı...
Bəli, dırnağı ovcuna batmış bu adam yaxın ətrafını nəzərdən keçirir. Gəlir S. xanımın üstündə durur. Əvvəlcə ona süddən-qatıqdan, meyvədən-zaddan göndərir. Xanım qəbul edir. Sonra ad gününü öyrənib, bu tənha qadına əməlli-başlı sovqat, üzə çıxarılası pay da çatdırır. Günlərin birində bir bəhanə ilə özünü xanımın həyətinə də salır. İşsiz qadına yağlı vəzifə möhürü vurulmuş əmək kitabçası təqdim edir və bildirir ki, hər ayın başında maaşını köçürəcək, bank kartını da özü gətirib verəcək.
Xanım dinmir və hər şey yekdilliklə, qarşılıqlı anlaşma şəraitində həll olunur. Bu məsələ Hətəmin haqqı-halal arvadının qulağına çatır. O da kişini güdməyi, hadisə başında tutmağı qərara alır. Qonşudan on beş yaşlı Vüqarı yanına çağırır və ona üstüörtülü tapşırıq verir ki, sən Hətəmi evdən çıxan vaxtlar güdməli, hara getdiyini, kiminlə görüşdüyünü mənə xəbər verməlisən. Sonra çıxarıb ovcuna bir onluq da basır ki, bu da sənin şirinliyin.
Vüqar da bir bicbala uşaqmış. Hətəmi güdəndə qəsdən “quş buraxır” ki, kişi duyuq düşsün. Belə də olur. Sahibkar Vüqarın qabağını kəsib soruşur ki, niyə gecə-gündüz məni qarabaqara izləyirsən?
Yüngül çək-çevirdən sonra uşaq xanımın tapşırığını deşifrə edir, məsələni açıqlayır.
Kişi Vüqarın qulağını yüngülcə çəkib, cibinə iyirmi manatlıq əskinası basıb deyir:
- İndi sənə məlum oldumu ki, kimə işləyəcəksən? Hər həftənin axırı bu məbləği məndən alacaqsan. Gedib bizim xanıma da de ki, Hətəmin bircə marşrutu var; ev-idarə. Başa düşdün, adə?!
“Mənim işçim...”
Qonşuluqda bir oğlan yaşayır – adı Qismətdir. Baməzəliyi ilə ad-san qazanıb. Gopçuluğuna da ki, söz ola bilməz. Harada bir yenilikdən, abadlıq işlərindən söz düşür, deyir ki, bəs, mən tapşırmışam, mənə görə eləyirlər. Heç eşitməmişik harada işləyir, hansı imkanları var, amma elə düzüb-qoşur ki, az da olsa, inanmaya bilmirsən. Bir şakəri də var, kimin adını çəkirlər, dərhal deyir ki, o adam mənim işçim olub. Bir az cavanını, xüsusən qızları görəndə də bildirir ki, hazırda onun işçisidir. Tanıdığım vaxtdan, yalan olmasın, azından yüz adamı “işçisi” elan edib. Özünün isə hansı quruma rəhbərlik etdiyini soruşanda düz-əməlli cavab vermir, qatıb-qarışdırır, adamı çıxılmaz labirintə salır.
Bir dəfə qonşularımızdan biri onu başa salmağa çalışdı ki, bəs, kimisə “işçim” olub deyə aşağılamaq etik normalara uyğun deyil. Heç xanlıq, bəylik dövründə də kimisə “mənim nökərimdir” deyə nişan verməyiblər. Sadəcə, demək olar ki, filankəslə bir yerdə işləmişik, bərabər çalışmışıq. Belə də demək mümkündür ki, filankəs mənim rəhbərlik elədiyim təşkilatdandır və s. və ilaxır. Çünki adamlar hansısa fərdin, şəxsin deyil, müvafiq təşkilatın, qurumun işçisi sayıla bilər.
Bu cür yumşaq ifadələr Qismətin beyninə heç cür batmadı ki, batmadı. Günlərin birində isə zarafatcıl qonşulardan biri ortaya bir söz atdı ki, bəs, məni çox imkanlı, gəlirli vəzifəyə təyin edirlər. İstəyirəm sizi də cəlb edim, rahat çörək qazanın, mal-mülk sahibi olun.
Qismətin gözləri işıldadı.
- Məni də götürərsənmi, eloğlu?
- Niyə də yox? Sənin kimi sözəbaxan, üzüyola işçim olsa, başa düş ha, işçim olsa, özümü çox xoşbəxt hesab edərəm.
Qismətin rəngi avazıdı, dodaqları səyridi.
- İşçi deyəndə, yəni ki...
- Hə, elədir, səndən yaxşı işçi çıxar mənə, işçi deyirəm ha, sənə elə müdirlik edərəm ki, gecən gündüzə, gündüzün də gecəyə çevrilər.
O gündən sonra Qismət daha heç kimi göstərib qürrələnmirdi ki, bəs, filankəs mənim işçim olub. Bu sözü bir dəfəlik leksikonundan çıxarmışdı.
Badımcan əhvalatı
Bu yaxınlarda Ağdaşda mənə bir əhvalat danışdılar. Oxucular üçün də maraqlı olduğunu düşünüb, yazmağa qərar verdim.
Deməli, şərti olaraq Ağasəf adlandırdığım kişi günlərlə nahara badımcan bişirən xanımının menyusuna heç cür dəyişiklik etməyi bacarmırmış. Əti, çolpanı, balığı bir yana qoyub, elə hey badımcan bişirən ev sahibəsi Ağasəfin canını boğazına yığıbmış.
- A kişi, bilirsən bu badımcanda neçə cür vitmanin var? Uşaqlar internetdə oxuyub, mənə də göstəriblər. Nə görmüsən ey bu ətdə, canavar-zadsan?
Arvadının hər dəfə işlətdiyi bu ifadələr Ağasəfin xətrinə dəysə də, nəyinsə xatirinə üzə vurmazmış.
Axırı ki, kişi bir gün fikirləşib, bu məsələyə bir əncam çəkməli olur. Hamı yatandan sonra camışlarını, inəklərini buraxır tərəvəz sahəsinə. Deyir, qoy heyvanlar gecə səhərədək dirrikdə nə var, nuşcanlıqla yeyib kefə baxsınlar, arvadın da sözü kəsilsin. Daha dar macalda bazara gedib, badımcan alası deyildi ki...
Bəli, səhər açılır, ev sahibəsi başına-gözünə döyə-döyə Ağasəfi səsləyir:
- A kişi, mal-qara tərəvəzdə şinnik qoymayıb, dur gəl, özün də gözlərinlə gör. Dirriyin qapısını kim açıq qoyub görəsən?
Ər-arvad bir yerdə sahəni addım-addım gəzib, heyvanların vurduğu ziyanı hesablayırlar. Mal-qara tərəvəz yerində nə varsa, həzm-rabedən keçirmişdilər, bircə badımcandan savayı.
- Hə, arvad, necədir səninçün? Sənin bu badımcanlarını heç camışlar da bəyənib yeməyib, amma sən hər gün bunları zorla soxursan gözümə. İndi belə elə, günortaya yaxşı bir badımcan qızartması hazırla, özü də nazik dilimlərdən qarğıdalı yağı ilə qızart. Mən də bir araq alım, qaynatamı da çağırım, oturub nuş eləyək sənin sağlığına...
Bölməyə aid digər xəbərlər
Tarix: 13-09-2018 20:05 | Bölmə: Akif CABBARLI
Hətəmin dəyişməz marşrutu
N rayonundakı fermer təsərrüfatlarından birinin rəhbəri xeyli pullanandan sonra gözü qızır, fikirləşir ki, niyə də hallıca-dulluca gözəllərdən birini özünə sevgili eləməsin? Kənddə iki malikanəsi, rayon mərkəzində villası, paytaxtda üç mənzili, xeyli pulu, maşınları, daha nələr-nələr... Uşaqları da böyüyüb, ali məktəbdə oxuyurlar. Bir arvadla ömür-gün çürütmək Hətəm kimi kişiyə yaraşmazdı, axı...
Bəli, dırnağı ovcuna batmış bu adam yaxın ətrafını nəzərdən keçirir. Gəlir S. xanımın üstündə durur. Əvvəlcə ona süddən-qatıqdan, meyvədən-zaddan göndərir. Xanım qəbul edir. Sonra ad gününü öyrənib, bu tənha qadına əməlli-başlı sovqat, üzə çıxarılası pay da çatdırır. Günlərin birində bir bəhanə ilə özünü xanımın həyətinə də salır. İşsiz qadına yağlı vəzifə möhürü vurulmuş əmək kitabçası təqdim edir və bildirir ki, hər ayın başında maaşını köçürəcək, bank kartını da özü gətirib verəcək.
Xanım dinmir və hər şey yekdilliklə, qarşılıqlı anlaşma şəraitində həll olunur. Bu məsələ Hətəmin haqqı-halal arvadının qulağına çatır. O da kişini güdməyi, hadisə başında tutmağı qərara alır. Qonşudan on beş yaşlı Vüqarı yanına çağırır və ona üstüörtülü tapşırıq verir ki, sən Hətəmi evdən çıxan vaxtlar güdməli, hara getdiyini, kiminlə görüşdüyünü mənə xəbər verməlisən. Sonra çıxarıb ovcuna bir onluq da basır ki, bu da sənin şirinliyin.
Vüqar da bir bicbala uşaqmış. Hətəmi güdəndə qəsdən “quş buraxır” ki, kişi duyuq düşsün. Belə də olur. Sahibkar Vüqarın qabağını kəsib soruşur ki, niyə gecə-gündüz məni qarabaqara izləyirsən?
Yüngül çək-çevirdən sonra uşaq xanımın tapşırığını deşifrə edir, məsələni açıqlayır.
Kişi Vüqarın qulağını yüngülcə çəkib, cibinə iyirmi manatlıq əskinası basıb deyir:
- İndi sənə məlum oldumu ki, kimə işləyəcəksən? Hər həftənin axırı bu məbləği məndən alacaqsan. Gedib bizim xanıma da de ki, Hətəmin bircə marşrutu var; ev-idarə. Başa düşdün, adə?!
“Mənim işçim...”
Qonşuluqda bir oğlan yaşayır – adı Qismətdir. Baməzəliyi ilə ad-san qazanıb. Gopçuluğuna da ki, söz ola bilməz. Harada bir yenilikdən, abadlıq işlərindən söz düşür, deyir ki, bəs, mən tapşırmışam, mənə görə eləyirlər. Heç eşitməmişik harada işləyir, hansı imkanları var, amma elə düzüb-qoşur ki, az da olsa, inanmaya bilmirsən. Bir şakəri də var, kimin adını çəkirlər, dərhal deyir ki, o adam mənim işçim olub. Bir az cavanını, xüsusən qızları görəndə də bildirir ki, hazırda onun işçisidir. Tanıdığım vaxtdan, yalan olmasın, azından yüz adamı “işçisi” elan edib. Özünün isə hansı quruma rəhbərlik etdiyini soruşanda düz-əməlli cavab vermir, qatıb-qarışdırır, adamı çıxılmaz labirintə salır.
Bir dəfə qonşularımızdan biri onu başa salmağa çalışdı ki, bəs, kimisə “işçim” olub deyə aşağılamaq etik normalara uyğun deyil. Heç xanlıq, bəylik dövründə də kimisə “mənim nökərimdir” deyə nişan verməyiblər. Sadəcə, demək olar ki, filankəslə bir yerdə işləmişik, bərabər çalışmışıq. Belə də demək mümkündür ki, filankəs mənim rəhbərlik elədiyim təşkilatdandır və s. və ilaxır. Çünki adamlar hansısa fərdin, şəxsin deyil, müvafiq təşkilatın, qurumun işçisi sayıla bilər.
Bu cür yumşaq ifadələr Qismətin beyninə heç cür batmadı ki, batmadı. Günlərin birində isə zarafatcıl qonşulardan biri ortaya bir söz atdı ki, bəs, məni çox imkanlı, gəlirli vəzifəyə təyin edirlər. İstəyirəm sizi də cəlb edim, rahat çörək qazanın, mal-mülk sahibi olun.
Qismətin gözləri işıldadı.
- Məni də götürərsənmi, eloğlu?
- Niyə də yox? Sənin kimi sözəbaxan, üzüyola işçim olsa, başa düş ha, işçim olsa, özümü çox xoşbəxt hesab edərəm.
Qismətin rəngi avazıdı, dodaqları səyridi.
- İşçi deyəndə, yəni ki...
- Hə, elədir, səndən yaxşı işçi çıxar mənə, işçi deyirəm ha, sənə elə müdirlik edərəm ki, gecən gündüzə, gündüzün də gecəyə çevrilər.
O gündən sonra Qismət daha heç kimi göstərib qürrələnmirdi ki, bəs, filankəs mənim işçim olub. Bu sözü bir dəfəlik leksikonundan çıxarmışdı.
Badımcan əhvalatı
Bu yaxınlarda Ağdaşda mənə bir əhvalat danışdılar. Oxucular üçün də maraqlı olduğunu düşünüb, yazmağa qərar verdim.
Deməli, şərti olaraq Ağasəf adlandırdığım kişi günlərlə nahara badımcan bişirən xanımının menyusuna heç cür dəyişiklik etməyi bacarmırmış. Əti, çolpanı, balığı bir yana qoyub, elə hey badımcan bişirən ev sahibəsi Ağasəfin canını boğazına yığıbmış.
- A kişi, bilirsən bu badımcanda neçə cür vitmanin var? Uşaqlar internetdə oxuyub, mənə də göstəriblər. Nə görmüsən ey bu ətdə, canavar-zadsan?
Arvadının hər dəfə işlətdiyi bu ifadələr Ağasəfin xətrinə dəysə də, nəyinsə xatirinə üzə vurmazmış.
Axırı ki, kişi bir gün fikirləşib, bu məsələyə bir əncam çəkməli olur. Hamı yatandan sonra camışlarını, inəklərini buraxır tərəvəz sahəsinə. Deyir, qoy heyvanlar gecə səhərədək dirrikdə nə var, nuşcanlıqla yeyib kefə baxsınlar, arvadın da sözü kəsilsin. Daha dar macalda bazara gedib, badımcan alası deyildi ki...
Bəli, səhər açılır, ev sahibəsi başına-gözünə döyə-döyə Ağasəfi səsləyir:
- A kişi, mal-qara tərəvəzdə şinnik qoymayıb, dur gəl, özün də gözlərinlə gör. Dirriyin qapısını kim açıq qoyub görəsən?
Ər-arvad bir yerdə sahəni addım-addım gəzib, heyvanların vurduğu ziyanı hesablayırlar. Mal-qara tərəvəz yerində nə varsa, həzm-rabedən keçirmişdilər, bircə badımcandan savayı.
- Hə, arvad, necədir səninçün? Sənin bu badımcanlarını heç camışlar da bəyənib yeməyib, amma sən hər gün bunları zorla soxursan gözümə. İndi belə elə, günortaya yaxşı bir badımcan qızartması hazırla, özü də nazik dilimlərdən qarğıdalı yağı ilə qızart. Mən də bir araq alım, qaynatamı da çağırım, oturub nuş eləyək sənin sağlığına...
Müəllifin bütün yazıları - Akif CABBARLI
Bölməyə aid digər xəbərlər
9-09-2024, 12:18
Akif CABBARLI - Kəlbəcərə gedə bilmədi, doğmalarının qəlbində yuva qurdu - Akif Cabbarlı yazır
14-07-2022, 10:47
Akif CABBARLI - Səfərin uğurlu olsun, yollarına günəş doğsun - Akif Cabbarlı yazır
26-11-2021, 11:35
Akif CABBARLI - Vicdan borcu - Kənan Hacı yeni romanında məhz bu prinsipi önə çəkir
15-07-2020, 13:02
Akif CABBARLI - Şəhid general-mayor Polad Həşimova açıq məktub - Akif Cabbarlı yazır
Qüdrət Həsənquliyevin fikrincə, Tramp görsə ki, Ukrayna qalib gəlir, Rusiyaya təkcə siyasi yox, hərbi dəstək də verəcək
"Xalq qəzeti"nin şöbə müdiri deyir ki, ömrü boyu özünü axtaran, dəfələrlə yanından ötüb keçən o qədər insan var ki
Nadir Azməmmədov: “Təəssüf ki, indi rejissor olmaq, kino və serial çəkmək adiləşib, bəzən bunun məsuliyyətini dərk etmirlər”
Türkiyədə yaşayan Əməkdar artist deyir ki, siyasilərin illərlə həllinə çalışdığı hansısa bir məsələni bəzən uğurlu bir musiqi əsəri həll edə bilər
Qüdrət Həsənquliyev: “Düşmənçiliyə son qoymaq üçün ədalətli sülhə nail olmaq gərəkdir. Bunun üçün ya tərəflər 1991-ci ilin sərhədləri çərçivəsində bir-birinin ərazi bütövlüyünü tanıyır, ya da ərazi mübadiləsinə gedirlər. Amma indiki mərhələdə bu, az inandırıcı görünür”
