11:04 / 02-07-2025
Yekaterinburqda Şahin Lalayevin həbs müddəti uzadılıb
10:55 / 02-07-2025
Baş Prokurorluq: "Günahkarların məhkəmə qarşısına çıxarılması üçün..."
10:40 / 02-07-2025
Baş Prokurorluda istintaq qrupu yaradılıb
10:36 / 02-07-2025
İdarə rəisi: "Ziyəddin Səfərov Rusiya hüquq-mühafizə orqanlarının avtomobilində ölüb"
10:30 / 02-07-2025
Reyestrdən keçməyən media subyektləri cərimələnəcək
10:26 / 02-07-2025
Azərbaycana qarşı mənəvi-siyasi strategiya: Rusiya nəyə nail olmaq istəyir?
10:18 / 02-07-2025
Sumqayıtda anasına sataşan vəzifəli şəxsi öldürənlə bağlı qərar verilib
10:10 / 02-07-2025
Zaxarova: "Rusiya və Azərbaycan arasında dostluq..."
09:51 / 02-07-2025
Zahid Oruc: "Kreml anti-rusiyaçılığı təşviq edən xətdən imtina etməlidir, yoxsa..."
09:38 / 02-07-2025
Erkən nikahların qarşısının alınmasında ailənin rolu
09:12 / 02-07-2025
Laçında İqtisadi Əməkdaşlıq Təşkilatının Qadınlar Forumu keçirilir
08:58 / 02-07-2025
Qərbi Azərbaycanın mədəni irsi müzakirəyə çıxarılıb - Fotolar
08:22 / 02-07-2025
Reper Bastanın Azərbaycanda konserti ləğv edilib
08:15 / 02-07-2025
Baş katib: “KTMT istənilən təhlükəni dəf edə bilər”
08:10 / 02-07-2025
Üzən qazma platforması batıb
08:05 / 02-07-2025
Rusiyaya qarşı yeni sanksiyalar müzakirə olunur
07:59 / 02-07-2025
Tramp jurnalistdən qeyri-adi xahiş edib
07:54 / 02-07-2025
Pentaqon Ukraynaya verəcəyi raketləri azaldır
00:12 / 02-07-2025
Azərbaycan diasporunun lideri sərbəst buraxılıb - (Yenilənib)
23:39 / 01-07-2025
Bakıda Rusiya vətəndaşlarından ibarət dəstə üzvləri həbs olunub - (Yenilənib) - Fotolar
22:54 / 01-07-2025
Sumqayıtda qadın bıçaqlanıb
21:50 / 01-07-2025
Milli Məclis dezinformasiya kampaniyasına dair açıqlama yayıb
19:14 / 01-07-2025
Zelenski Əliyevə zəng edib
18:34 / 01-07-2025
Baş naziri vəzifədən uzaqlaşdırıblar
18:26 / 01-07-2025
Nəhəng ekzoplanetin görüntüsünü əldə ediblər - Fotolar
18:10 / 01-07-2025
İsrailin gizli planı üzə çıxıb - Foto
18:04 / 01-07-2025
“Sputnik Azərbaycan” işi üzrə 7 nəfər saxlanılıb - (Yenilənib) - Fotolar
17:45 / 01-07-2025
İşğal Azərbaycana 150 milyard dollar zərər vurub
17:39 / 01-07-2025
XİN Rusiyanı Azərbaycanın daxili işlərinə qarışmamağa çağırır
17:31 / 01-07-2025
Moskva ilə münasibətlər niyə pisləşir?
13:16 / 29-06-2025
Putin Rusiyada şovinizmi qızışdırır
12:57 / 27-06-2025
Prokurorluq Bakıdakı partlayış hadisəsini araşdırır
17:57 / 30-06-2025
Bakıda əməliyyat: FTX-nın iki əməkdaşı saxlanılıb - (Yenilənib) - Fotolar
08:55 / 28-06-2025
İsrail-İran müharibəsi Orta Asiyanın yolunu bağlayıb?
00:01 / 28-06-2025
Jurnalist Seyfəddin Hüseynlinin qardaşları öldürülüb - (Yenilənib)
15:08 / 30-06-2025
Professor: Şovinizm Rusiyanı uçuruma aparır
11:12 / 28-06-2025
Rəsmi Bakı Rusiyada azərbaycanlılara hücumlarla bağlı bəyanat yayıb
13:20 / 29-06-2025
Rezidenturaya qəbul imtahanı keçirilib - (Yenilənib)
21:03 / 30-06-2025
Rusiyada öldürülən qardaşların cənazəsi Azərbaycana gətirilib - (Yenilənib)
11:32 / 27-06-2025
Nazirlik və dövlət komitəsi vətəndaşlara müraciət edib
13:01 / 01-07-2025
Ərdoğan “ikinci vətən”indən niyə küsüb?
23:20 / 27-06-2025
XİN İran səfirindən təkzib tələb edir
Mütləq proqramçı - Azad Müzəffərli yazır
Tarix: 18-03-2024 11:39 | Bölmə: Azad MÜZƏFFƏRLİ
Azad MÜZƏFFƏRLİ
(hekayə)
Ta əzəldən belədir, əksər adamların qara qarğadan zəhləsi gedər. Onun “düşmənçiliyi” isə alaqarğalarlaydı. Tərslikdən həmən o binəva quşcuğazlardan bir cütü qonşusunun həyətində göylərə meydan oxuyan qovaq ağacının təpəsində yuva salmışdı. Erkək alaqarğa bu yad münasibətdən duyuq düşər-düşməz ona acıq verməkdən ötrü sinov gedirdi. Gözü sataşar-sataşmaz Kənangilin məhəlləsini dövrəyə alaraq əcaib səsinə güc verər, qarıldamağından qalmazdı. Özü də lap zəhlətökən löyündə. Nəinki Kənanın, qonşuların da əti ürpəşərdi. O da eləmə tənbəllik, əlinə keçəni ona sarı tolazlamağa qədər dayazlığa bulaşardı. Di gəl, ürəyi soyumazdı ki, soyumazdı. İmkanı olsaydı, “uf” belə demədən həmin alaqarğanın başını üzərdi. Bir-birinə kin-küdurətləri səngimirdi ki, səngimirdi. Ən təəccüblüsü isə o idi ki, nə Kənan başqa quşlara “kiş” deməzdi, nə də o alaqarğa başqa kimsəyə səslənməzdi.
İş o yerə çatmışdı ki, Kənan bu quşcuğaza görə qapıbir qonşusu ilə də üz-göz olmuşdu. Ondan rəhmətlik dədəsindən yadigar qalan qollu-budaqlı nəhəng qovaq ağacını dibindən baltalamasını istəmişdi. Bunu eşidər-eşitməz qonşusunun əli ağzında qalmışdı. Onun bu xamlığını heç cür anlaya bilmirdi ki, bilmirdi. Xeyli vaxtdı araları dəymişdi.
Kənangilin evlərinin arxa pəncərəsindən alaqarğaların qovaq ağacının təpəsindəki haçalardan birinə bəndlədikləri yuvası yarpaqlar töküləndə aydınca görünürdü. Çör-çöpdən araya-ərsəyə gətirilən bu yuvadan alaqarğaların sağa-sola boylanan başlarını adicə baxışla sezmək olurdu. Kin dağarcığına bənzətdiyi erkək alaqarğanın da eləmə tənbəllik, boynunu dik tutaraq solaxay baxışları ilə tez-tez yuvasından onların evinə sarı boylanaraq acıq verməkdən olmazın həzz aldığına Kənanın şübhəsi qalmırdı. Belədə o, lap cin atına minərdi. Çənəsi çeynənməkdən yağır olmuşdu. Di gəl, əlindən heç nə gəlmirdi. Səbrinin təpəsinə döyəcləməkdən də yorulmuşdu. Heyfini çıxmaq fürsəti ondan yanaydı.
Qanının bu qara vaxtında sinoptiklər də bir yandan bəd xəbərləri sıralayırdılar. Qulaqları yağır olmuşdu. Sabah Bakıda və Abşeron yarımadasında şimal-qərb küləyinin sürətinin saniyədə 38 metrə, Xəzərdə dalğanın hündürlüyünün isə 7 metrə çatacağı gözlənilirdi. Özü də amansız payız küləyi. Vay paytaxtdakı gecəqonduların halına. Kənangilin məhəlləsində də hamı səksəkədəydi. Bir-iki varlı-hallının ikimərtəbəli evlərini çıxmaq şərtilə qalanlarınkı yarımcan tikililər idi. Əksər evlərin damının isə hay-hayı gedib, vay-vayı qalmışdı.
Hər şey gözləniləndən də betər oldu. Səhərisi günü bütün qonşular əl-ayaqdaydılar. Qasırğa Bakının dörd-bir tərəfinə divan tutmuşdu. Hündürmərtəbəli binalar, məktəblər və müxtəlif tikililər olmazın ziyan görmüşdü. Külək xeyli mənzilin damını gedər-gəlməzə göndərmişdi. Kənangilin həyətində də taxta qırıntıları, qır parçaları, əzik-üzük müxtəlif dam örtükləri qalaqlanmışdı. İş orasındaydı ki, külək nə təhər güclü əsirdisə, qonşularından birinin topdağıtmaz ikimərtəbəli evinin dəmir damının bir hissəsini də yerindən qopararaq bütün hikkəsi ilə onların həyətinə vızıldatmışdı. Həmin dəmir örtüyü taxtalara bəndləyən yüzlük mismarların iti ucları isə adamı lap vahiməyə salırdı.
Kənangilin mənzili də əməlli-başlı ziyan görmüşdü. Ətrafı qaramat basmışdı. Qasırğanın bu şıdırğı çağında əlacsızlıqdan çırpınan Kənanın qəfil erkək alaqarğaya kini çırtladı. Qalib görkəmdə cəld özünü qonşunun qovaq ağacına sarı yetirdi. Sərt baxışlarını yaylım atəşi açmağa müntəzir olan topçular təkin alaqarğaların yuvasına yönəltdi. Şahidi olduğuna inanmağı gəlmədi. Hər ehtimala gözlərini bütün hikkəsiylə ovuşdurdu. Yuva əvvəlki təkin yerindəydi ki, yerindəydi. Anındaca yuvadan boylanan erkək alaqarğanın sualdolu baxışlarına tuş gəldi. İş orasındaydı ki, əvvəlkinə rəğmən həmin baxışlardan bu dəfə üzrdiləyici rəhm yağırdı, kin-küdurətdən bircə cıqqa da olsun əsər-əlamət qalmamışdı. Deyəsən, alaqarğanın da mənzilləri ələgəlməz hala düşən Kənana ürəyi yanırdı.
Tanrı bəndəsi çaşqınlıq içindəydi. Suallar labirintində vurnuxurdu. Axı, ətrafı viranə qoyan küləyin dördbir yanı açıqlıq olan bu ağacın təpəsindəki çör-çöpdən quraşdırılan yuvacığa nə əcəb gücü çatmamışdı?!. Həqiqətən, bu, suallar sualı idi!
Nəhayətdə, Kənanın bayaq qabartdığı sinəsi və pəhləvan görkəmi verdiyi qolları öləzidi, tamam büzüşdü. Bu acınacaqlı halına baxmayaraq o, hələ də təslim olmaq niyyətində olmadığından baxışlarını göyə milləndirərək “Şükür kəramətinə!!!” deyə Uca Varlığa səsləndi. Erkək alaqarğaya da deyəcəyi olsa da, nədənsə “Səninki instinktdir, özünü çox da öymə”,- kəlamını içindəcə boğmaqla kifayətləndi.
Qasırğanın səhərisi gün ətraf nura boyanmışdı. Təbiət çırtma vurub süzürdü. Kənangilin məhəlləsinin sakinləri də ümidlərini Tanrıya bağlayaraq dan söküləndən yır-yığışdaydılar. Hökümət rəsmilərinin vədləri qismən də olsa onları ovundururdu. Kənanla erkək alaqarğa da köhnə dostlar tək lal baxışları ilə dərdləşirdilər. Həmin quşcuğaz səhər gözlərini ovxalayandan digər qonşunun həyətindən Kənangilin məhəlləsinə boylanan çinar ağacının aşağı budaqlarından birində lövbər salmışdı. Onların fəlsəfi söhbətinin şıdırğı çağıydı. Bu bitmək bilməyən mükalimədə nədən bəhs olunduğu isə bəndəlik deyildi, bircə Uca Varlığa bəlliydi.
Bölməyə aid digər xəbərlər
Tarix: 18-03-2024 11:39 | Bölmə: Azad MÜZƏFFƏRLİ
Azad MÜZƏFFƏRLİ
(hekayə)
Ta əzəldən belədir, əksər adamların qara qarğadan zəhləsi gedər. Onun “düşmənçiliyi” isə alaqarğalarlaydı. Tərslikdən həmən o binəva quşcuğazlardan bir cütü qonşusunun həyətində göylərə meydan oxuyan qovaq ağacının təpəsində yuva salmışdı. Erkək alaqarğa bu yad münasibətdən duyuq düşər-düşməz ona acıq verməkdən ötrü sinov gedirdi. Gözü sataşar-sataşmaz Kənangilin məhəlləsini dövrəyə alaraq əcaib səsinə güc verər, qarıldamağından qalmazdı. Özü də lap zəhlətökən löyündə. Nəinki Kənanın, qonşuların da əti ürpəşərdi. O da eləmə tənbəllik, əlinə keçəni ona sarı tolazlamağa qədər dayazlığa bulaşardı. Di gəl, ürəyi soyumazdı ki, soyumazdı. İmkanı olsaydı, “uf” belə demədən həmin alaqarğanın başını üzərdi. Bir-birinə kin-küdurətləri səngimirdi ki, səngimirdi. Ən təəccüblüsü isə o idi ki, nə Kənan başqa quşlara “kiş” deməzdi, nə də o alaqarğa başqa kimsəyə səslənməzdi.
İş o yerə çatmışdı ki, Kənan bu quşcuğaza görə qapıbir qonşusu ilə də üz-göz olmuşdu. Ondan rəhmətlik dədəsindən yadigar qalan qollu-budaqlı nəhəng qovaq ağacını dibindən baltalamasını istəmişdi. Bunu eşidər-eşitməz qonşusunun əli ağzında qalmışdı. Onun bu xamlığını heç cür anlaya bilmirdi ki, bilmirdi. Xeyli vaxtdı araları dəymişdi.
Kənangilin evlərinin arxa pəncərəsindən alaqarğaların qovaq ağacının təpəsindəki haçalardan birinə bəndlədikləri yuvası yarpaqlar töküləndə aydınca görünürdü. Çör-çöpdən araya-ərsəyə gətirilən bu yuvadan alaqarğaların sağa-sola boylanan başlarını adicə baxışla sezmək olurdu. Kin dağarcığına bənzətdiyi erkək alaqarğanın da eləmə tənbəllik, boynunu dik tutaraq solaxay baxışları ilə tez-tez yuvasından onların evinə sarı boylanaraq acıq verməkdən olmazın həzz aldığına Kənanın şübhəsi qalmırdı. Belədə o, lap cin atına minərdi. Çənəsi çeynənməkdən yağır olmuşdu. Di gəl, əlindən heç nə gəlmirdi. Səbrinin təpəsinə döyəcləməkdən də yorulmuşdu. Heyfini çıxmaq fürsəti ondan yanaydı.
Qanının bu qara vaxtında sinoptiklər də bir yandan bəd xəbərləri sıralayırdılar. Qulaqları yağır olmuşdu. Sabah Bakıda və Abşeron yarımadasında şimal-qərb küləyinin sürətinin saniyədə 38 metrə, Xəzərdə dalğanın hündürlüyünün isə 7 metrə çatacağı gözlənilirdi. Özü də amansız payız küləyi. Vay paytaxtdakı gecəqonduların halına. Kənangilin məhəlləsində də hamı səksəkədəydi. Bir-iki varlı-hallının ikimərtəbəli evlərini çıxmaq şərtilə qalanlarınkı yarımcan tikililər idi. Əksər evlərin damının isə hay-hayı gedib, vay-vayı qalmışdı.
Hər şey gözləniləndən də betər oldu. Səhərisi günü bütün qonşular əl-ayaqdaydılar. Qasırğa Bakının dörd-bir tərəfinə divan tutmuşdu. Hündürmərtəbəli binalar, məktəblər və müxtəlif tikililər olmazın ziyan görmüşdü. Külək xeyli mənzilin damını gedər-gəlməzə göndərmişdi. Kənangilin həyətində də taxta qırıntıları, qır parçaları, əzik-üzük müxtəlif dam örtükləri qalaqlanmışdı. İş orasındaydı ki, külək nə təhər güclü əsirdisə, qonşularından birinin topdağıtmaz ikimərtəbəli evinin dəmir damının bir hissəsini də yerindən qopararaq bütün hikkəsi ilə onların həyətinə vızıldatmışdı. Həmin dəmir örtüyü taxtalara bəndləyən yüzlük mismarların iti ucları isə adamı lap vahiməyə salırdı.
Kənangilin mənzili də əməlli-başlı ziyan görmüşdü. Ətrafı qaramat basmışdı. Qasırğanın bu şıdırğı çağında əlacsızlıqdan çırpınan Kənanın qəfil erkək alaqarğaya kini çırtladı. Qalib görkəmdə cəld özünü qonşunun qovaq ağacına sarı yetirdi. Sərt baxışlarını yaylım atəşi açmağa müntəzir olan topçular təkin alaqarğaların yuvasına yönəltdi. Şahidi olduğuna inanmağı gəlmədi. Hər ehtimala gözlərini bütün hikkəsiylə ovuşdurdu. Yuva əvvəlki təkin yerindəydi ki, yerindəydi. Anındaca yuvadan boylanan erkək alaqarğanın sualdolu baxışlarına tuş gəldi. İş orasındaydı ki, əvvəlkinə rəğmən həmin baxışlardan bu dəfə üzrdiləyici rəhm yağırdı, kin-küdurətdən bircə cıqqa da olsun əsər-əlamət qalmamışdı. Deyəsən, alaqarğanın da mənzilləri ələgəlməz hala düşən Kənana ürəyi yanırdı.
Tanrı bəndəsi çaşqınlıq içindəydi. Suallar labirintində vurnuxurdu. Axı, ətrafı viranə qoyan küləyin dördbir yanı açıqlıq olan bu ağacın təpəsindəki çör-çöpdən quraşdırılan yuvacığa nə əcəb gücü çatmamışdı?!. Həqiqətən, bu, suallar sualı idi!
Nəhayətdə, Kənanın bayaq qabartdığı sinəsi və pəhləvan görkəmi verdiyi qolları öləzidi, tamam büzüşdü. Bu acınacaqlı halına baxmayaraq o, hələ də təslim olmaq niyyətində olmadığından baxışlarını göyə milləndirərək “Şükür kəramətinə!!!” deyə Uca Varlığa səsləndi. Erkək alaqarğaya da deyəcəyi olsa da, nədənsə “Səninki instinktdir, özünü çox da öymə”,- kəlamını içindəcə boğmaqla kifayətləndi.
Qasırğanın səhərisi gün ətraf nura boyanmışdı. Təbiət çırtma vurub süzürdü. Kənangilin məhəlləsinin sakinləri də ümidlərini Tanrıya bağlayaraq dan söküləndən yır-yığışdaydılar. Hökümət rəsmilərinin vədləri qismən də olsa onları ovundururdu. Kənanla erkək alaqarğa da köhnə dostlar tək lal baxışları ilə dərdləşirdilər. Həmin quşcuğaz səhər gözlərini ovxalayandan digər qonşunun həyətindən Kənangilin məhəlləsinə boylanan çinar ağacının aşağı budaqlarından birində lövbər salmışdı. Onların fəlsəfi söhbətinin şıdırğı çağıydı. Bu bitmək bilməyən mükalimədə nədən bəhs olunduğu isə bəndəlik deyildi, bircə Uca Varlığa bəlliydi.
Müəllifin bütün yazıları - Azad MÜZƏFFƏRLİ
Bölməyə aid digər xəbərlər
9-08-2020, 16:22
Azad MÜZƏFFƏRLİ - Erməni qaraçıları, yoxsa, qaraçı ermənilər - Azad Müzəffərli yazır
Qüdrət Həsənquliyevin fikrincə, Tramp görsə ki, Ukrayna qalib gəlir, Rusiyaya təkcə siyasi yox, hərbi dəstək də verəcək
"Xalq qəzeti"nin şöbə müdiri deyir ki, ömrü boyu özünü axtaran, dəfələrlə yanından ötüb keçən o qədər insan var ki
Nadir Azməmmədov: “Təəssüf ki, indi rejissor olmaq, kino və serial çəkmək adiləşib, bəzən bunun məsuliyyətini dərk etmirlər”
Türkiyədə yaşayan Əməkdar artist deyir ki, siyasilərin illərlə həllinə çalışdığı hansısa bir məsələni bəzən uğurlu bir musiqi əsəri həll edə bilər
Qüdrət Həsənquliyev: “Düşmənçiliyə son qoymaq üçün ədalətli sülhə nail olmaq gərəkdir. Bunun üçün ya tərəflər 1991-ci ilin sərhədləri çərçivəsində bir-birinin ərazi bütövlüyünü tanıyır, ya da ərazi mübadiləsinə gedirlər. Amma indiki mərhələdə bu, az inandırıcı görünür”
