Talanan sərvət ... - M.Əliyeva yazır
Tarix: 20-11-2018 16:52 | Bölmə: Mətanət ƏLİYEVA
Talanan sərvət ...

70 illik sovet hakimiyyəti dövründə Azərbaycanda nisyə dəftəri olmayıb. Amma 25 illik YAP hakimiyyəti bizi 100 il geri atdı. Artıq Azərbaycanda bu gün də 20-ci əsrin əvvəlində olduğu kimi nisyə dəftərləri var. Demək olar ki, əsasən bölgələrdə əhalinin 50 faizə yaxını mağazalardan ərzağı nisyə alır.

20-ci əsrin əvvəllərində - Böyük Oktyabr sosialist inqilabı ərəfəsində də Azərbaycanda nisyə dəftərləri olub. Mazutun içərisində işləyən fəhlələr ərzağı nisyə alır, geyinməyə paltar tapmırdılar. Ölkədə qumarbazlıq, homoseksualizm baş alıb gedirdi. Bunlar Bakı milyonçusu Şəmsi Əsədullayevin nəvəsi Baninin (Ümbülbani) “Qafqaz günləri” və “Paris günləri” əsərlərində öz əksini tapıb.

Neft milyonçuları əcnəbi məşuqələrini brilyantın içərisində saxlayırdılar. Hacı Zeynalabdin Tağıyevin ikinci həyat yoldaşı Sara Tağıyeva kimi milyonçu xanımları brilyantlarını nümayiş etdirmək üçün xeyriyyə tədbirləri keçirirdilər.

Tarix necə də təkrar olunur. Təkrarın hələ ardı da var. Hacının nəvəsi yerində olan Sara xanım onun gəlininin bacısı idi. Sara xanımla evlənəndən sonra Hacı əvvəlki həyat yoldaşından və övladlarından imtina etmişdi. Sara xanım cavan mühəndislə Hacıya xəyanət etdiyi üçün iş məhkəməyə gedib çıxmışdı. Yalançı xeyirxahlıq Allah tərəfindən qəbul olunmadı, Sara xanım dilənçi oldu, övladları yoxsul və faciəvi həyat yaşadılar.

Rayonlardakı nisyə dəftərləri barədə müxtəlif rəvayətlər danışırlar. Rusiyada yaşayan bir nəfər azərbaycanlı iş adamı rayona gəlir, mağazadan nisyə dəftərini alır və bütün borcları ödəyir.

Sonradan həmin rayondan bir məmur həcc ziyarətinə gedir. Qayıdanda mağazaya gəlib nisyə dəftərini istəyir. Satıcı elə bilir ki, Hacı borcları bağlayacaq. Hacı dəftəri açıb deyir:

“Bundan sonra mənim adımı “Hacı Əhməd” yaz”.

Bu əhvalatı danışanlar ümidlə gözləyirdilər ki, yenə kimsə gəlib nisyə dəftərindəki borcları ödəyəcək.

Bizim hökümətimiz də imkansızlara yardım edir. İddialara görə, sosial yardım adı ilə verilən pulun 6 ayını hansısa məmur götürür, 6 ayını kasıba verirlər.

Büdcə layihəsinin müzakirəsindən məlum oldu ki, 2019-cu ildə də ölkəmizdə icbari tibbi sığorta tətbiq olunmayacaq.

Keçən ay rayonda dəhşətli bir xəbər eşitdim. Sinif yoldaşım xərçəng xəstəsidir. Onun müalicə xərclərini ödəmək üçün 25 yaşlı oğlu mağazada yükdaşıyan işləyirdi. Oğlan qrip olub, xəstə-xəstə yük daşımağında davam edib. Xəstəliyi şiddətlənib, həkim müalicə yazsa da, qazancını anasının müalicəsinə versin deyə xəstəliyini evdəkilərdən gizlədib. Evdəkilər görəndə ki, gəncin halı pisləşib, onu təcili Bakıya çatdırmaq istəyərkən oğlan yolda vəfat edib.

Qonşuluqdakı üç uşaq anası olan gənc qadın isə arzuolunmaz hamiləlikdən qurtulmaq üçün aptekdən alıb qəbul elədiyi dərman onun ölümünə səbəb olub. Belə hallar aborta pul tapmayan, hamiləlikdən qorunmaq üsullarını bilməyən gənc qadınlar arasında tez-tez baş verir.

Rayondakı başqa bir qonşumuz isə oğlu narkoman olduğu üçün sentyabr ayında özünü yandırmaqla intihar etdi.

Bütün bunların ölkəni idarə edən məmurlara heç bir dəxli yoxdur. Onlar özləri üçün ayrıca məktəblər, xəstəxanalar, universitetlər, uşaq bağçaları, restoranlar açıblar. Kasıblarla varlılar arasındakı dərin uçurum da varlıları qane etmir. Məmurların əksəriyyəti xaricdə ev alıb övladlarını ora göndərirlər. Azərbaycanda varlı məmur ailəsi, demək olar ki, az qalıb. Yəqin həmin məmurlar Azərbaycanın xoş gələcəyini görmədikləri üçün övladlarını ölkədən çıxarırlar.

Bu yandan da qazın, benzinin qiymətin qaldırırlar ki, guya sosial ədaləti bərpa edirlər. Qaza limit qoyanda isə dedilər ki, bunun səbəbi məmurların villalarında çox qaz işlətməsidir. Limit kasıbları yenidən kərmə yandırmağa məcbur etdi, məmurlar isə itkini doldurmaq üçün rüşvətxorluğun miqyasını genişləndirdilər. Sanki bizim hökumətdə sosial ədaləti bərpa etmək üçün korrupsiyanı dayandırmağın əsas şərt olduğunu başa düşəcək adam yoxdur.

Telekanallarımız hər gün Ermənistandakı acınacaqlı vəziyyətdən danışırlar. Ermənistandakı vəziyyətdən xəbərimiz olmasa da, əminliklə deyə bilərəm ki, orada da qonşu Gürcüstanda olduğu kimi icbari tibbi sığorta da var, təhsil də normaldır, orada uşaqlar məktəbə özlərindən ağır çantalar daşımırlar. Hasısa mafiya üzvü övladına xaricdə ev almaq üçün cəfəng fikirlərlə dolu kitablar yazıb pul qazanır, bizim uşaqlarımız da həmin kitabları daşıyıb bellərini şikəst edirlər.

Şübhə etmirəm ki, Ermənistanda yollar bizim bölgələrdəki kimi palçıqlı deyil, dövlətin meliorasiya idarəsi yalnız məmurlara aid əkin sahələrinə su çəkmir.

Yeri gəlmişkən, indi şirin su neftdən də qiymətlidir. İsveçrə kimi ölkələrdə yüzlərlə süni göllər yaradıb bir damcı suyun israf olmasına imkan vermirlər. Bizim ölkədə isə çayların suyu dənizə tökülüb şorlaşır, suya həsrət qalan insanlar tər iyi verirlər.

Ölkədən Rusiyaya mühacirət edən milyonlarla kasıb azərbaycanlının da güzəranı yaxşı deyil. Məmurlarımız qərbyönümlü siyasət apardıqları üçün Rusiyadakı azəbaycanlıları sıxışdırırlar. Varlılarımız oğurladıqları pulların saxlandığı Avropaya, kasıblarımız Rusiyaya gedirlər. Ona görə də varlı təbəqəyə qərbpərəst siyasət aparmaq sərfəlidir.

Telekanallarımız guya kitab təbliği ilə məşğuldur. Əslində Azərbaycan kimi ölkələrdə əhalinin savadlı olması bəzi məmurlara sərf eləmir, çünki savadlı xalqı indiki kimi istismar edə bilməzlər, ona görə də təhsil sistemini məhv etməyə çalışırlar.

İkincisi, kitab oxumaq vərdişi uşaqlıqdan formalaşmalıdır. Azərbaycanın bütün orta məktəblərində kitabxanalar var, kitabxanaçılar hər ay maaş alırlar. Salyan kəndlərinin birində oxuyan 11 yaşlı qohumum dedi ki, məktəbin kitabxanasından iki dəfə kitab götürüb oxuyub, üçüncü dəfə götürməyə qoymayıblar. Hekayələr yazan, rəsm çəkən bu qıza yazığım gəldi. Onun ailəsinin kitab, jurnal almağa maddi imkanı yoxdur. Deyilənə görə, məktəblərə kitabxanaçıları da rüşvətlə işə götürürlər.

Məktəb kitabxanaları şagirdləri oxumağa həvəsləndirməli, məktəblərdə əsərlərin müzakirəsi, yazıçılarla görüş keçirilməlidir. Bizim bəzi kitabxanaçılar isə uşaqları kitabxanaya girməyə qoymurlar. İntellektual teleaparıcı Elçin Əlibəyli bu mövzuya bir veriliş həsr etsə, yaxşı olar. Onun dəvət etdiyi qonaqların sifətindən də intellekt tökülür. Verilişində kitab oxumaqla bağlı bir şüar da gedir. E. Əlibəylini qınamayaq, ciddi mövzular qoya bilmədiyi üçün bayağı mövzulara müraciət edir. Çox güman ki, Əlibəyli heç məktəb kitabxanalarını da müzakirəyə çıxara bilməz, çünki bu sahədən talanan pullların kimin cibinə getdiyini və ölkədə savadsızlaşdırma siyasətini kimlərin apardığını yaxşı bilir.скачать dle 10.5фильмы бесплатно




Bölməyə aid digər xəbərlər
13-05-2019, 21:02 Mətanət ƏLİYEVA - Yoxsulun süfrəsi... - M. Əliyeva yazır
31-03-2019, 11:49 Mətanət ƏLİYEVA - Qarşıdakı faciə və üçüncü qüvvə... - M. Əliyeva yazır
16-03-2019, 13:13 Mətanət ƏLİYEVA - Batan gəminin kapitanı - M. Əliyeva
31-12-2018, 13:54 Mətanət ƏLİYEVA - Xoşbəxtlik modeli - M. Əliyeva yazır
16-12-2018, 21:22 Mətanət ƏLİYEVA - Solçu düşüncə, nostalji hisslər... - M. Əliyeva yazır
20-11-2018, 16:52 Mətanət ƏLİYEVA - Talanan sərvət ... - M.Əliyeva yazır
19-10-2018, 23:00 Mətanət ƏLİYEVA - Qadın həbsxanası və pişiyin evi
10-05-2018, 10:37 Mətanət ƏLİYEVA - Allahşükür Paşazadə və Skarlet Oxara
23-04-2018, 09:56 Mətanət ƏLİYEVA - İkinci Hitler peyda olacaq
31-03-2018, 07:11 Mətanət ƏLİYEVA - Əlinin bayramı
17-03-2018, 16:04 Mətanət ƏLİYEVA - Bir günlük sevgi
3-03-2018, 08:26 Mətanət ƏLİYEVA - Nazirin ölüm kanalı
6-02-2018, 13:51 Mətanət ƏLİYEVA - Süpürgə pulu
20-01-2018, 11:56 Mətanət ƏLİYEVA - Şeytanın nökərləri
13-01-2018, 14:45 Mətanət ƏLİYEVA - Rasim Musabəyov və məkri-zənən
6-01-2018, 15:44 Mətanət ƏLİYEVA - Ümid qaloşa qalıb
23-12-2017, 11:40 Mətanət ƏLİYEVA - Putin variantı və miskin qullar
14-12-2017, 13:55 Mətanət ƏLİYEVA - Məhkəmə və oğru qanunları
7-12-2017, 13:54 Mətanət ƏLİYEVA - Kralların biabırçılığı
30-11-2017, 12:28 Mətanət ƏLİYEVA - Vacib əməl
20-11-2017, 13:08 Mətanət ƏLİYEVA - Qəriblər ağası və gömrük münasibətləri
5-11-2017, 14:52 Mətanət ƏLİYEVA - Bakı və Cocuq Mərcanlı
28-10-2017, 14:21 Mətanət ƏLİYEVA - Ruhun rahatlığı
14-10-2017, 14:36 Mətanət ƏLİYEVA - Su, su, su!!!
12-10-2017, 16:30 Mətanət ƏLİYEVA - Biznesin süqutu
4-10-2017, 14:41 Mətanət ƏLİYEVA - Bizə pul lazımdır
19-09-2017, 14:59 Mətanət ƏLİYEVA - Böyük oğurluq
11-06-2017, 15:57 Mətanət ƏLİYEVA - Ölü karvanı
29-05-2017, 16:39 Mətanət ƏLİYEVA - Tutulmayan oğru...
11-05-2017, 14:27 Mətanət ƏLİYEVA - Göydən gələn daş
4-05-2017, 13:59 Mətanət ƏLİYEVA - Deputat və balıq mafiyası
22-04-2017, 12:22 Mətanət ƏLİYEVA - Pambıq və zibilqabı
11-04-2017, 16:07 Mətanət ƏLİYEVA - Qarabağ atı, Heydər Əsədov və üç qadın
24-03-2017, 16:43 Mətanət ƏLİYEVA - Bizim Venesiya
14-03-2017, 12:59 Mətanət ƏLİYEVA - Əsas hədəf
6-03-2017, 10:51 Mətanət ƏLİYEVA - Xoşbəxt şair
25-02-2017, 14:10 Mətanət ƏLİYEVA - Qorxulu nağılbazlar
19-02-2017, 14:20 Mətanət ƏLİYEVA - Ağıllı vəzir
30-01-2017, 13:33 Mətanət ƏLİYEVA - Asan işin çətin tərəfi
17-01-2017, 18:05 Mətanət ƏLİYEVA - YAP-çıların çömçəsi
5-01-2017, 14:21 Mətanət ƏLİYEVA - Ayaz Mütəllibovun haqqı
12-12-2016, 14:51 Mətanət ƏLİYEVA - Xoruz ili və “kotyol” mətbuatı
6-12-2016, 14:19 Mətanət ƏLİYEVA - Susmuş aclar
1-12-2016, 14:05 Mətanət ƏLİYEVA - Şirməmməd Hüseynov və oğru qanunları
22-11-2016, 15:51 Mətanət ƏLİYEVA - Yarımçıq demokratiya
8-11-2016, 14:38 Mətanət ƏLİYEVA - Oğruların sığınacağı
24-10-2016, 14:14 Mətanət ƏLİYEVA - Müstəqillik zəhəri
16-10-2016, 15:38 Mətanət ƏLİYEVA - Xoşqədəmin güzgüsü
11-10-2016, 14:20 Mətanət ƏLİYEVA - Dözülməz mühit
3-10-2016, 13:15 Mətanət ƏLİYEVA - Ögey Şamaxı

{sape_links}{sape_article}