Nazirin ölüm kanalı
Tarix: 03-03-2018 08:26 | Bölmə: Mətanət ƏLİYEVA
Nazirin ölüm kanalı

AFFA-nın sabiq prezidenti mərhum Ramiz Mirzəyevin 33 yaşlı oğlu Anar Mirzəyev fevralın 15-də Sabirabadın Həşimxanlı kəndində maşını ilə birlikdə kanala düşərək vəfat edib. Allah rəhmət eləsin!

Ramiz Mirzəyev uzun müddət Neftayırma zavodunun direktoru və YAP funksioneri olub. Məsələ bunda deyil. Demək istəyirəm ki, tanınmış adamlarla bərabər sadə vətəndaşlar da kanallarda tez-tez boğulmalı olurlar.

Sovet vaxtı Kürqırağı rayonlara Kür çayından dərinliyi 5-6 metr olan kanallar çəkiblər. Qamış basmış bu kanallar ölüm mənbəyidir. Bu kanallara hər il uşaqlar, maşınlar, mal-qara düşərək tələf olur.

Belə kanaldan Salyan rayonunun Qaraçala sovetliyinin Arxarası kəndində də var. Bu kənddə həyat yoldaşımın qohumları yaşayır. Toya, yasa gedəndə o kanalın kənarı ilə getməli oluruq. Hər dəfə kəndin ortasından keçən bu kanalın ətrafı ilə gedəndə qorxudan az qalıram sarılıq xəstəliyinə tutulum. Yağışlı vaxtlarda, yer sürüşkən olanda kanalın ətrafı xüsusilə təhlükəli olur.

Belə kanaldan biri də Hacıqabuldadır. Şirvankanal adlanan bu kanalda batanların sayı-hesabı yoxdur. Maşınlar Şirvankanalın üstündəki çürük taxtalardan olan körpüdən keçməli olur. Yəqin ki, prezident İlham Əliyevin belə kanallardan xəbəri yoxdur. Çünki bölgələrdə icra başçıları prezidentin keçəcəyi yolları yüksək səviyyədə təmir edir, gül-çiçək əkirlər. Rayonların digər əraziləri isə bərbad gündə olur.

Rayonlardakı ölüm kanallarını görəndə adamın fikrindən dəhşətli şeylər keçir. İlk növbədə adam fikirləşir ki, bu millətin yiyəsi yoxdur. Texnikanın bu qədər inkişaf etdiyi, Azərbaycanın varlı dövlətlərdən biri olduğu indiki dövrdə o kanalları doldurub müasir üsullarla torpaqlarımızı suvarma suyu ilə təmin etmək olmazmı? Dövlətin milyonlarını havaya sovururlar, niyə millətə bu pulları qıymırlar?

Əslən Tovuzdan olan Ramiz Mirzəyev kanal məsələsinə baxmasa da, YAP Siyasi Şurasının üzvü idi. 25 ildir YAP hakimiyyətdədir. Ramiz müəllim YAP-ın yığıncaqlarının birində kanal məsələsini qaldıra bilməzdimi? Heç onun ağlına gələrdimi yeganə oğlu o kanallardan birinin qurbanı olacaq? Bilsəydi, bəlkə vaxtında bu məsələni qaldırardı. Bilmək olmur ki, xalqın bu faciələrinin başında kim durur, bütün bu haqsızlıqlara kim cavabdehdir.

Amma hərdən elə faktlarla rastlaşırsan ki, bu faktlar düşünməyə əsas verir ki, çox vaxt Prezidentin sözü keçmir.

2005-ci ildə Milli mətbuatımızın 120 illik yubiley tədbirində həyat yoldaşım “Qaya” mətbuat yayımı firmasının götürülmüş qəzet köşkləri ilə bağlı birbaşa prezidentə müraciət etdi. İlham Əliyev həmin dəqiqə köşkləri yerinə bərpa etmək göstəriş verdi. Köşklər yerinə qayıdanda Ramiz Mehdiyevin göstərişi ilə proses dayandı. Bir müddət sonra R. Mehdiyevin həmyerlisi “Qaya”nın köşklərinin yerində özü üçün köşklər qoydurdu. İndi də gömrükdə qanunsuzluq etməklə “Qaya”nın fəaliyyətini dayandırmaq istəyirlər.

Hərdən elə haqsızlıqla rastlaşıram ki, çıxış yolu tapa bilmirəm. Aciz qalan insanın gümanı yalnız Allaha qalır.

Keçən il Aşura günü (İmam Hüseynin qətlə yetirildiyi gün) Hacıqabul məscidinə getmişdim. Rayonda eşitdiyim bir haqsızlıqdan sarsıldım. Özümdən asılı olmayaraq dedim ki, xalqın bu faciələrinin baiskarı olan adamı matəmə tapşırıram. Ona Allahdan bir şey arzuladım: Gələn il matəmə kimi onun vəzifə kreslosu boş qalsın. Çox yaşasın, vəzifədən gedəndən sonra onu sadə vətəndaşlar kimi incitsinlər və görsün ki, sadə vətəndaşlar nələr çəkiblər. Yəqin ki, Allah məni eşidər, matəmə kimi həmin məmurun kreslosu boş qalar və onda bilinər ki, bu xalqın bəlalarının baiskarı kimdir.

Təəssüf ki, bəzi məmurlar, sadə vətəndaşlara qarşı haqsızlıq edənlər fikirləşmirlər ki, nə vaxtsa vəzifədən gedərlər, etdikləri haqsızlıqlar qarşılarına çıxar, necə ki hər il bunun şahidi oluruq.

Vergilər naziri Mikayıl Cabbarov deyib ki, Vergilər Nazirliyində korrupsiyanın kökünü kəsəcək. Adama deyərlər, korrupsiyanın kökünü kəsən idin, təhsil naziri olanda bunu edəydin. Təhsil Nazirliyində gizlidə qalan cinayətləri buraxıram hüquq-mühafizə orqanlarının ixtiyarına. Hər ay hər hansısa müəllimin maaşından 20 manat tutulub nazirliyin məmurlarına göndərilməsi ölkəmizdə çalışan 151 min müəllimə sirr deyil. Hesablamışam, bu, ayda 3 milyon 200 min manat edir.

Ölkəmizdə fəaliyyət göstərən 4 min 500 məktəbin hər birində siniflərdən hər ay fond pulu yığılır. Yəqin ki, valideynlərdən alınan 5 manatın böyük hissəsi də Təhsil Nazirliyinin məmurları üçündür.

Hazırda ölkəmizdə 1,6 milyon şagird təhsil alır. Bunun bir milyonu ayda 5 manat versə, 5 milyon edir.

Mikayıl Cabbarov təhsil naziri olanda bu sahədə çalışan məmurların sürdükləri yarım milyon dəyərində olan maşınları görmürdümü?

O ki qaldı Vergilər Nazirliyindəki korrupsiyaya, bu nazirlikdə vəziyyət Təhsil Nazirliyindən dəfələrlə yaxşıdır. Nazirliyin əksər əməkdaşları savadlı, peşəkar, səviyyəlidir və korrupsiyanın səviyyəsi minimuma enib.

Yazımın əvvəlində ölüm kanalı barədə yazmışdım. Əsl ölüm kanalı rayonlardakı su kanalları deyil. Millətimizin əsl ölüm kanalı hazırkı Təhsil Nazirliyidir. Digər məmurlar kimi onlar da xalqın dövlətə, qanunlara, insanlığa, elmə olan inamını öldürüblər.

Bəzi məmurlar vicdanlı insanları sındırmaq üçün bütün vasitələrə əl atırlar. Hər şeyi bərpa etmək olar, amma ləyaqətini itirmiş insanların insanlığını bərpa etmək mümkün olmayacaq. Milləti elə rəzil günə salıblar ki, baxan deyir, bu millətə bu da azdır, bu millət üçün yaxşı heç nə etmək lazım deyil. Şəxsən mən bu fikirlə razı deyiləm.скачать dle 10.5фильмы бесплатно




Bölməyə aid digər xəbərlər
13-05-2019, 21:02 Mətanət ƏLİYEVA - Yoxsulun süfrəsi... - M. Əliyeva yazır
31-03-2019, 11:49 Mətanət ƏLİYEVA - Qarşıdakı faciə və üçüncü qüvvə... - M. Əliyeva yazır
16-03-2019, 13:13 Mətanət ƏLİYEVA - Batan gəminin kapitanı - M. Əliyeva
31-12-2018, 13:54 Mətanət ƏLİYEVA - Xoşbəxtlik modeli - M. Əliyeva yazır
16-12-2018, 21:22 Mətanət ƏLİYEVA - Solçu düşüncə, nostalji hisslər... - M. Əliyeva yazır
20-11-2018, 16:52 Mətanət ƏLİYEVA - Talanan sərvət ... - M.Əliyeva yazır
19-10-2018, 23:00 Mətanət ƏLİYEVA - Qadın həbsxanası və pişiyin evi
10-05-2018, 10:37 Mətanət ƏLİYEVA - Allahşükür Paşazadə və Skarlet Oxara
23-04-2018, 09:56 Mətanət ƏLİYEVA - İkinci Hitler peyda olacaq
31-03-2018, 07:11 Mətanət ƏLİYEVA - Əlinin bayramı
17-03-2018, 16:04 Mətanət ƏLİYEVA - Bir günlük sevgi
3-03-2018, 08:26 Mətanət ƏLİYEVA - Nazirin ölüm kanalı
6-02-2018, 13:51 Mətanət ƏLİYEVA - Süpürgə pulu
20-01-2018, 11:56 Mətanət ƏLİYEVA - Şeytanın nökərləri
13-01-2018, 14:45 Mətanət ƏLİYEVA - Rasim Musabəyov və məkri-zənən
6-01-2018, 15:44 Mətanət ƏLİYEVA - Ümid qaloşa qalıb
23-12-2017, 11:40 Mətanət ƏLİYEVA - Putin variantı və miskin qullar
14-12-2017, 13:55 Mətanət ƏLİYEVA - Məhkəmə və oğru qanunları
7-12-2017, 13:54 Mətanət ƏLİYEVA - Kralların biabırçılığı
30-11-2017, 12:28 Mətanət ƏLİYEVA - Vacib əməl
20-11-2017, 13:08 Mətanət ƏLİYEVA - Qəriblər ağası və gömrük münasibətləri
5-11-2017, 14:52 Mətanət ƏLİYEVA - Bakı və Cocuq Mərcanlı
28-10-2017, 14:21 Mətanət ƏLİYEVA - Ruhun rahatlığı
14-10-2017, 14:36 Mətanət ƏLİYEVA - Su, su, su!!!
12-10-2017, 16:30 Mətanət ƏLİYEVA - Biznesin süqutu
4-10-2017, 14:41 Mətanət ƏLİYEVA - Bizə pul lazımdır
19-09-2017, 14:59 Mətanət ƏLİYEVA - Böyük oğurluq
11-06-2017, 15:57 Mətanət ƏLİYEVA - Ölü karvanı
29-05-2017, 16:39 Mətanət ƏLİYEVA - Tutulmayan oğru...
11-05-2017, 14:27 Mətanət ƏLİYEVA - Göydən gələn daş
4-05-2017, 13:59 Mətanət ƏLİYEVA - Deputat və balıq mafiyası
22-04-2017, 12:22 Mətanət ƏLİYEVA - Pambıq və zibilqabı
11-04-2017, 16:07 Mətanət ƏLİYEVA - Qarabağ atı, Heydər Əsədov və üç qadın
24-03-2017, 16:43 Mətanət ƏLİYEVA - Bizim Venesiya
14-03-2017, 12:59 Mətanət ƏLİYEVA - Əsas hədəf
6-03-2017, 10:51 Mətanət ƏLİYEVA - Xoşbəxt şair
25-02-2017, 14:10 Mətanət ƏLİYEVA - Qorxulu nağılbazlar
19-02-2017, 14:20 Mətanət ƏLİYEVA - Ağıllı vəzir
30-01-2017, 13:33 Mətanət ƏLİYEVA - Asan işin çətin tərəfi
17-01-2017, 18:05 Mətanət ƏLİYEVA - YAP-çıların çömçəsi
5-01-2017, 14:21 Mətanət ƏLİYEVA - Ayaz Mütəllibovun haqqı
12-12-2016, 14:51 Mətanət ƏLİYEVA - Xoruz ili və “kotyol” mətbuatı
6-12-2016, 14:19 Mətanət ƏLİYEVA - Susmuş aclar
1-12-2016, 14:05 Mətanət ƏLİYEVA - Şirməmməd Hüseynov və oğru qanunları
22-11-2016, 15:51 Mətanət ƏLİYEVA - Yarımçıq demokratiya
8-11-2016, 14:38 Mətanət ƏLİYEVA - Oğruların sığınacağı
24-10-2016, 14:14 Mətanət ƏLİYEVA - Müstəqillik zəhəri
16-10-2016, 15:38 Mətanət ƏLİYEVA - Xoşqədəmin güzgüsü
11-10-2016, 14:20 Mətanət ƏLİYEVA - Dözülməz mühit
3-10-2016, 13:15 Mətanət ƏLİYEVA - Ögey Şamaxı

{sape_links}{sape_article}