Xalqı çaşdıran yalanlar
Tarix: 15-09-2019 14:02 | Bölmə: Nadir QOCABƏYLİ
Xalqı çaşdıran yalanlar

Müxalifət, onun lidercikləri bütün çirkin vasitələrdən istifadə edərək həqiqəti təhrif edir, onların yalanlarını ifşa edənləri təfəkkürü inkişaf etməmiş, divar dalından söyüş söyüb qaçan darqursaq, ağlı və şüuru yetərincə formalaşmamış uşaq-muşağa, gədə-güdəyə təhqir etdirirlər. Onlar cəmiyyətin səbatsız qisminə psixoloji təsir göstərərək aqressiv bir muhit formalaşdırır, ölkəni xaosa, hərcmərcliyə, vətəndaş qarşıdurmasına sürükləməyə çalışırlar.

Bundan əvvəlki yazılarımda da qeyd etdiyim kimi, müxalif başbilənlərin əsas silahı yalan, şər, gəlişigözəl boşboğazlıqdır. Onlar bu vasitələrlə yetkin olmayan, kəmağıl, reallıq duyğusundan məhrum, ancaq eşitmək istədiyinə inanan, şirin yalanlardan xumarlanan insanları, xüsusilə də gəncləri aldadır, müxtəlif manipulyasiyalar edərək, cəmiyyəti çaşdırmağa, yanlış yollara yönəltməyə cəhd edirlər.

Bu adamların başında gələnlərdən biri də Əli Kərimlidir. Sosial şəbəkədə Əli Kərimlinin mitinqə çağırış etdiyini oxuyub, maraqlandım ki, görüm təzə bir şey deyirmi. Çoxdandır onu dinləmirdim, çünki nə dediyi, hansı xarakterdə yalanlar uydurduğu prinsipcə mənə məlumdur. Sadəcə uzun müddətdən sonra dedim görüm bu insanda heç olmasa azacıq inkişaf varmı, fikirlərində məntiqi çalarlar əmələ gəlibmi? Yoxsa yenə də əvvəlki kimi avamların başını piyləməklə məşğuldur. Həm də onun dediyi yalanlar mənə bir növ fakt kimi lazımdır ki, xalqa onların mahiyyətini anladım.

Nə isə, yenə Qənimət Zahid üzündə bütün milləti ələ salmağa fokuslanmış vulqar ironik-sinik ifadə öz kumirinə “suallar” verir. Yəni “Əli bəy, filan şey filan cürdür də, elə deyilmi?..” Və o da başlayır konveyer üsulu ilə doğrayıb tökməyə. İlahi, belə şeylərə inanmaq üçün insan nə dərəcədə küt, bu cür adama simpatiya duymaq üçün nə dərəcədə zövqsüz olmalıdır. Vaxtilə mənim də bu adama az-maz simpatiyam olub və indi yadıma düşəndə “cavanlıq səhvimə” görə sadəcə xəcalət çəkirəm...

Əli Kərimli çox şeylər üyüdüb-tökdü, hamısını şərh eləsəm, çox uzun olacaq. Hətta arada Qənimət özünü gülməkdən zor saxlayır, dodaqaltı qımışır, irişirdi. Həyəcanlı liderindən fərqli olaraq, yaman kefikök görünürdü, deyəsən... Nə isə, mətləbdən yayınmayaq. Odur ki, bu dəfəlik sizi bir ağ, ancaq ilk baxışda cəlbedici görünən yalan üzərində düşünməyə dəvət edəcəyəm. Bilirəm, bəziləriniz axıracan oxumaq istəməyəcək, məni söyənlər də olacaq, həqiqət acı olur axı, insanın xəyallarını puç edir. Amma özünüzü toplayın, türklər demişkən, “kəndinizə gəlin” və düşünün. Rene Dekart deyirdi ki, “cogito ergo sum”, yəni düşünürəmsə, yaşayıram. Düşünün, yaşayın və əli kərimlilərin sizi aldatmasına, qənimətlərin sizə qımışmasına razı olmayın.

Əli Kərimli son zamanlar Avropada, səhv etmirəmsə, Almaniyada deportasiya olunmaq təhlükəsi ilə üzləşən və intihar edən şəxslərdən danışdı. Üzünə elə saxta qəmgin ifadə verdi ki, bu dəfə Qənimət özünü açıq-aşkar qımışmaqdan saxlaya bilmədi. Deyir ki, görün Azərbaycanda vəziyyət nə dərəcədə dəhşətlidir ki, insanlar bura qayıtmaqdansa, ölümü üstün tuturlar. Nə qədər iyrənc və məkrli bir yalan. Başa düşməkdə çətinlik çəkənlərə indi izah edəcəyəm, bir az səbrli və diqqətli olun.

Bu yalan niyə çirkin və məkrlidir? Əvvəla problemlər çox olsa da, Azərbaycan yaşanmayacaq bir ölkə deyil. Bu haqda geniş yazmayacağam, çünki hamınız hər şeyi bilirsiniz. Ancaq insanlar daha gözəl həyat arzulayır, daha yaxşı, firavan, asan yaşamaq istəyirlər. Bu da təbiidir. Azərbaycan vətəndaşının mühacirət etmək arzusunun əsasında isə ölkəmizdəki vəziyyətdən çox, müxalifətin yalan təbliğatının rolu var. Bunlar gecə-gündüz, yorulmadan Avropadakı həyatı təriflədiklərindən, idealizə etdiklərindən, oradan çaşdırıcı məlumatlar, şəkillər, videolar paylaşdıqlarından, orada işləmədən, sadəcə müavinətlə əla yaşamağın, pulsuz ev almağın, istədiyini etməyin mümkünlüyündən ağız dolusu danışdıqlarından, bu sahədə nəhəng təbliğat maşını durmadan gurultu saldığından, məlumatsız, avam, biliksiz, dünyagörüşü məhdud, asan yolla rifah əldə etməyə meyilli insanlar ora can atırlar. Bu məqsədlə var-yoxlarını, ev-eşiklərini satıb, elə həmin bu müxalifətçilərin, səfirliklə əlbir olan müxalif işbazların köməyi ilə, onlara rüşvət verərək, saxta sənədlər düzəldir və Avropaya yollanırlar. Orada sığınacaq ala bilməyəndə, deportasiya təhlükəsi ilə üzləşəndə isə, isterikaya düşərək, intihara əl atır, canlarına qıyırlar. Bu səbəbdən Əli Kərimlinin “timsah göz yaşları” tökdüyü o bədbəxtlərin də ölümündə, iqtidardan çox, müxalifət və Əli Kərimli günahkardır.

Burada bir məsələni də qeyd edim ki, mən müxalifətçilər kimi havadan danışmıram, “mühacir biznesi” ilə kimlərin və necə məşğul olmasıyla bağlı əlimdə tutarlı faktlar var. Bu faktların bəziləri ilə mediadan və sosial şəbəkələrdən siz də tanışsınız. Amma bilmədikləriniz də var. Bir ara evimi satıb, xaricə köçmək istədiyimi elan etdikdən sonra, mənə xeyli təklif gəldi. Araşdırıb gördüm ki, hamısı bu və ya digər formada müxalifətə bağlı insanlardır, heç nəyə heç bir təminat vermirlər və fırıldaqçı olduqları asanlıqla sezilir. Düşünüb gördüm ki, əsas məqsədləri evimi satdırıb, onun pulunu mənimsəməkdir.

Digər bir məsələyə diqqət yetirək, əziz dostlar. Məgər mühacirətə, Avropaya, Amerikaya, Kanadaya, digər olkələrə miqrasiya edənlər təkcə azərbaycanlılardır? Məgər hər il ərəb ölkələrindən Avropaya qayıqla keçmək istəyən nə qədər insan Aralıq dənizində boğulmur? Məgər Rusiya əhalisi köçmür? Məgər Türkiyə vətəndaşları dünyanın dörd bir yanında dönər satmırlar? Məgər çinlilər, yaponlar kütləvi şəkildə ABŞ-a köçüb, orada kompakt halda yaşamırlar? Onlarda ki, həyat şəraiti deyilənə görə pis deyil. Məgər almanlar, fransızlar, italyanlar, irlandlar, hollandlar köçmürlər? Axı bizim müxalifətin təbliğatına görə oralar cənnətdir. Elədirsə, bəs fransızların o soyuq Kanadada nə işləri var? Niyə ABŞ-dakı ştatların bəziləri demək olar ki, yalnız almanlardan, digərləri irlandlardan, hollandlardan, italyanlardan ibarətdir? Məgər İngiltərə pis ölkədir ki, ingilislər Avstraliyaya, Yeni Zellandiyaya, Kanadaya köçürlər? Məgər Orta Asiya respublikalarından, İrandan, Türkiyədən, ərəb ölkələrindən, Pakistandan, Çindən, Hindistandan, Rusiyadan, Gürcüstandan Azərbaycana gələnlər yoxdur? Eşitdiyimə görə, son vaxtlar hətta Avropa və ABŞ-dan daimi yaşamaq üçün bura köçənlər, burada evlənənlər var. Belə misallar saysız-hesabsızdır, mən hətta bu barədə statistika da tapıb paylaşa bilərəm, sadəcə buna vaxt gedəcək və yazı uzun alınacaq. Maraqlananlar özləri araşdıra bilər. O zaman Əli Kərimlinin nə qədər yalançı bir manipulyator olduğunu görə bilərlər.

İnsanların öz ölkələrini tərk etməsində vətəndəki həyat şəraitinin onları qane etməməsi amili var, amma bu hər zaman obyektiv səbəblərdən doğmur. İnsanlar yanıla da bilirlər və bu zaman bunun bədəlini ağır ödəyənlər də olur. Bundan siyasət düzəldib, avam camaatı aldatmaq isə dələduzluqdur.

Miqrasiya məsələlərində təbliğatın, insanların xarakterinin, yazının əvvəlində qeyd etdiyim kimi, yaxşı, firavan, asan yaşamaq, xoşbəxt olmaq, səyahət etmək arzularının böyük rolu var. Ancaq təəssüflər olsun ki, bizim yalançı, fırıldaqçı müxalifət bu məsələlərdən doğan faciələrdən də utanmadan öz xeyirnə, siyasi məqsədlər üçün istifadə etmək istəyir.

Nadir QOCABƏYLİскачать dle 10.5фильмы бесплатно




Bölməyə aid digər xəbərlər
Dünən, 00:56 Nadir QOCABƏYLİ - Məkrli plan - Nadir Qocabəyli yazır
17-10-2019, 18:06 Nadir QOCABƏYLİ - Prezidentdən mühüm mesajlar, yaxud savadlı yaşamağı öyrənək
16-10-2019, 15:06 Nadir QOCABƏYLİ - İkibaşlı oyun
14-10-2019, 17:53 Nadir QOCABƏYLİ - Əhmədova haradadır?
12-10-2019, 15:58 Nadir QOCABƏYLİ - Qarğış edən radikallar
10-10-2019, 20:18 Nadir QOCABƏYLİ - Rus kitabı - Nadir Qocabəyli yazır
8-10-2019, 02:05 Nadir QOCABƏYLİ - Halaypozanlar - Nadir Qocabəyli yazır
1-10-2019, 15:46 Nadir QOCABƏYLİ - Boğazlara qurğuşun tökənlər…
30-09-2019, 00:05 Nadir QOCABƏYLİ - Mitinqə niyə getmirik? - Nadir Qocabəyli yazır
26-09-2019, 15:29 Nadir QOCABƏYLİ - “Ehtiramla” - Nadir Qocabəyli yazır
23-09-2019, 17:58 Nadir QOCABƏYLİ - Qazçəkənlər və “Formula-1” - Nadir Qocabəyli yazır
20-09-2019, 15:30 Nadir QOCABƏYLİ - Hakimiyyətə iddialı partiya rəhbərinin ailəsi
15-09-2019, 14:02 Nadir QOCABƏYLİ - Xalqı çaşdıran yalanlar
10-09-2019, 11:53 Nadir QOCABƏYLİ - Dövlət əxlaqı – Nadir Qocabəyli yazır
6-09-2019, 10:22 Nadir QOCABƏYLİ - Əsl dövlət adamı – Nadir Qocabəyli yazır
23-08-2019, 11:56 Nadir QOCABƏYLİ - Anlamaq problemi olanlar...
22-06-2019, 13:49 Nadir QOCABƏYLİ - Demokratiya kabusu
14-06-2019, 14:19 Nadir QOCABƏYLİ - Avropa parıltısı və kor siyasət - N. Qocabəyli yazır
23-05-2019, 16:35 Nadir QOCABƏYLU - Fuad Abbasov və absurd qanunlar
22-04-2019, 17:23 Nadir QOCABƏYLU - Siçanlar və siçanələr – Hekayə
30-03-2019, 14:16 Nadir QOCABƏYLU - Pis ətraflar, isfəndiyarlar...
18-03-2019, 13:45 Nadir QOCABƏYLU - Sağ olun, cənab Prezident!
20-02-2019, 10:24 Nadir QOCABƏYLU - Xəcalət - Nadir Qocabəyli yazır
11-08-2018, 09:56 Nadir QOCABƏYLİ - Qonorar (hekayə)
31-07-2018, 17:13 Nadir QOCABƏYLİ - Yaraşdırmayanlara...
6-05-2018, 12:28 Nadir QOCABƏYLİ - Fuad Poladovun ölümünə sözardı...
16-04-2018, 14:24 Nadir QOCABƏYLİ - Demokratik qərb dəyərləri
3-04-2018, 19:09 Nadir QOCABƏYLİ - İlham Əliyevi dəstəkləməliyik!
4-12-2017, 11:20 Nadir QOCABƏYLİ - Seçicilərə pul paylamaq “qadağası” aradan qaldırılsın!
10-09-2017, 11:30 Nadir QOCABƏYLİ - Təzə bazar, amma yenə köhnə azar...
21-08-2017, 13:18 Nadir QOCABƏYLİ - Oğru və qəhrəman
27-07-2017, 14:21 Nadir QOCABƏYLİ - Şəxsi və milli mənafe
16-03-2017, 11:44 Nadir Qocabəyli - “Azərsu”yun “kişi sözü”
9-03-2017, 17:45 Nadir Qocabəyli - "İşverən" olaq...
8-03-2017, 12:29 Nadir Qocabəyli - Qırx ilin yalanı
19-04-2016, 21:07 Nadir QOCABƏYLİ - Bizim Əkrəm Əylisli

{sape_links}{sape_article}